DANIAL 7:27 - Susula Malalaok Hehelu Palak Ma Hehelu Beuk

²⁷ Basa nusak manai daebafak-ka lala'en-na koasan ma matua-mademan, neukose nanafek leo Manetualain Fo Mademaina anan-nala neu. Neukose sila koasan soaneu paleta, ta nate'e fa, ma basa manakoasa manai daebafak-ka neukose lamaheles ma ala tungas.”

DANIAL 7:27 ပူးပေါင်းရင်းမြစ်များ

MAZMUR 145:13

O paletam-ma nahele neme tepo-lelek leo tepo-lelek neu, O koasam-ma, neme bobongik leo bobongik neu. Manetualain lilineka neu basa hehelu-balataan lala'ena, henuk no susue-lalaik, nai basa tatao-nono'in-na dalek.

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

MAZMUR 72:11

Basa manek-kala, neukose ala sene-do'ok nai matan-na, basa leoina lala'ena, da'di atan-na.

MAZMUR 86:9

O makadada'dik basa leoina-la, neukose ala mai, ou Manetualain, fo ala sene-do'ok neu O, ma ala koa-kio O matua-mademam.

YESAYA 14:2

Neukose leoina makadotok ala tulu-fali leoina Israel-la, fo ala fali leo nusak fo Manetualain fen neu sila, de neukose leoina ndia, ana da'di ata neu Israel. Neukose Israel foo hataholi fo ala foo hai Israel-so, ma ana paleta hataholi fo ala tuni-ndeni hain so.

YESAYA 54:3

Neukose o boetai mamaloa leo kona, ma leo kii muu, neukose o laum-ma, langatuu-la, leoinak-kala daen-na, ma ala leo kota-kota fo besak ia, nee-nee lino-linok-kala.

YESAYA 9:7

Manetualain naketu basa nusa Israel-la, huhukun-na so.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

DANIAL 4:34

Lelek basa teu ka hituk sila-la boema, au anganalo leo lalai u, boema au dudu'a-aafing fali ma'in. Boema au koa-kio Manetualain Fo Mademaina. Au so'u amadedeman ma au koa-kio Ndia fo maso'dak neme doon losa dodo-na ndia ae, “Neukose Manetualain da'di manek losa dodoon-na. Ana koasa neme doon losa dodo-na.

DANIAL 6:26

Basa ndia boema, mane Darius-sa haitua susulak leo hataholi maleme leoina ma dede'ak manai daebafak-ka lala'en-na nae, “So'da molek!

DANIAL 7:14

Ndia nanafe ha'da-holomata ma koasa, da'dileo manek-ka, nalosa hataholi-la leme basa leoina, ma dede'ak lala'en-na mai, lamahele neun. Koasan-na nakatata'kak losa dodoon-na, ma paletan-na neukose ta nanaloli henik fa.

DANIAL 7:18

Tehu Manetualain Fo Mademaina, anan-nala neukose sipo hak soaneu paleta ma paletan-nala neukose lakatatakak losa dodoon-na.”

DANIAL 7:22

Basa boema, Ndia fo so'dan-na manaketu basa tak ndia Ana mai, boema Ana fe nakeketuk de Ana fe ndoos neu Manetualain Fo Mademaina anan-nala. Fain-na losa ala sipo koasa, soaneu ala paleta.

OBAJA 1:21

Yerusalem laun manasengin-nala, neukose leu sapu-la Edom, fo ala sengin. Soona Au, Manetualain neukose paleta da'dileo manek.”

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

LUKAS 1:33

Ma neukose Ana paleta sama leo manek neu Yakob tititi-nonosin losa dodoo na. Nusa na neukose ta hapu mate'e na fa.”

YOHANIS 12:34

Boema hataholi makadotok sila la lafa'dan lae, “Tunga ami Susula Hoholo-lalane ma nafa'da na soona, Mane Mana Fe So'da ka neukose naso'da losa dodoo na. Naa, tao leo beek de O mafa'da mae, Ana Hataholi ka muse nananamatutua-namadedemak nai daebafak ia poi na? See Ana Hataholik ndia?”

1 KORINTUS 15:24

Basa ndia soona, fai mate'e ka losa. Neu faik ndia te, neukose Kristus sengi basa manapaleta lala'ena, basa manakoasa lala'ena, ma basa mabe'i-balakai kala lala'ena; soona Ana fe Ndia koasa paletan leo ita Aman Manetualain neu.

NINITAK 11:1

Basa ndia boema, ata nusa so'dak ndia fe au ai keke'uanak esa, hihii nae leo ai tete'e uuku ka. Boema ana paleta au nae, “Mu leona, fo uku Manetualain Uma na ma mei tutunu-hohotuk manai ndia. Boeo leke hataholi de'ubee ala hule-haladoi nai dalek.

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

NINITAK 20:4

Boema au ita kandela mane kala, ma hataholi manamangatuuk manai lai na, ala fes koasa fo laketu-lala'di huhukuk. Au boeo ita hataholi fo langa nala nanate'teheni kala samane nala. Hataholi sila la fe sakasii la'eneu Yesus ma ala tui lamaloloa Manetualain hala hehelu na. Hataholi sila la ta sene-do'ok neu bana ndia do bana ndia lupa ao nanadoki-dula na fa. Sila boeo beita sipo lita bana ndia ta'du-tanan nai dedei nala do nai lima nala fa. Boema ala laso'da falik de ala paleta da'dileo mane ka sama-sama lo Kristus teuk lifun esa dale na.

NINITAK 22:5

Neukose ala ta paluu banuk do le'do haa na fa, nana le'odaek ta so, ma Amak Manetualain mesa kana nde nasala nalas. Neukose ala paleta da'dileo mane ka losa dodoo na.