DANIAL 7:10 - Susula Malalaok Hehelu Palak Ma Hehelu Beuk

¹⁰ ma ha'i-a nasalolo'de neme kandela manek ndia mai. Hataholi lifu-lifun lalalau-laoonon, ma hataholi duta-duta lapadeik lai matan-na. Basa boema, mulai buka sidang nakeketuk-ka, ma susulak-kala nanabukak.

DANIAL 7:10 ပူးပေါင်းရင်းမြစ်များ

1RAJA-RAJA 22:19

Mikha nafa'da seluk nae, “Besak ia, mamanene hata fo Manetualain nafa'dan! Au ita Manetualain nangatuuk nai kandela Mandela-masa'an lain nai nusa so'dak-ka, ma basa ata nusa so'da nala lapadeik deka loon.

2TAWARIKH 18:18

Mikha nafa'da seluk nae, “Besak ia mamanene hata fo Manetualain nafa'dan! Au ita Manetualain nangatuuk nai kandela manen lain nai nusa so'dak-ka, ma basa ata nusa so'dan-nala lapadeik deka loon.

AYUB 25:3

Ade, bisa leke-na, ata nusa so'dak fo, lalalau-laoonon-nana do ta? Ade, hapu mamanak, fo mangale'don-na, ta nangale'do-na fan do?

MAZMUR 103:21

Koa-kio Manetualain, hai basa mahahaek manai nusa so'dak-ka, basa atan fo lakalala'ok hihii-nanaun-na.

MAZMUR 18:8

Boema daebafak-ka nanggengo, ma ana dele, ma letek-kala huun-nala dele, ma laleuk, hu kande Manetualain nasa-melun.

MAZMUR 50:3

Ita Manetualain-na, Ana mai te Ana ta pe'dak lima-ein fa, Ha'i manapila masalolo'dek-ka, ana mai nakahuluk-kana, ma ani-sangu matuaina, okofefeo-nan.

MAZMUR 68:17

Tao le'e de, neme o leteana makadotom manai o poim-ma ndia, o mete no nape'da dalek neu Pupuku Sion fo Manetualain helen, da'di mamana leleon-na? Neukose Manetualain leo nai naa losa dodoon-na.

YESAYA 30:27

Manetualain koasan-na, ma matua-mademan, neukose nananitak neme dook-ka mai. Ha'i-a, ma ha'imasuk-ka, natu'du nasa-melun. Ana kokolak nos, de hala-kokolan nana'a sama leo ha'i-a.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

DANIAL 12:1

Ata nusa so'dak fo manapake bua-lo'a a'balutu ndia, nafa'da seluk nae, “Nai faik ndia, neukose ata nusa so'da matuaina Mikhael fo manamasulu-mahapa o leoinam-ma, ana to'da mai. Basa boema, neukose hapu tepo-lelek to'a-sota matuaina nanseli nai lelek bei hapu leoina-la nai daebafak-ka. Tehu hataholi fo leme o leoinam-ma na'den-nala nanasulak nai Manetualain susulan dalek-ka, neukose nanasoi-tefak.

DANIAL 7:22

Basa boema, Ndia fo so'dan-na manaketu basa tak ndia Ana mai, boema Ana fe nakeketuk de Ana fe ndoos neu Manetualain Fo Mademaina anan-nala. Fain-na losa ala sipo koasa, soaneu ala paleta.

DANIAL 7:26

Boema manakee-manafula nusa so'dak-ka neukose ala tao sidang, fo fe'a heni koasan-na ma tao lakalulutuk-kana losa mopo-maten.

ZAKHARIA 14:5

Neukose, emi malai tunga bafak fo manaba'e letek ndia neu 2. Neukose emi malai sama leo emi bei-ba'i kaim-mala, nai lelek dae manggengok-ka, ana da'di nai tepo-lelek, Uzia fo mane Yehuda paleta. Boema, Manetualain fo Manetualaing-nga, Ana mai, no basa ata nusa so'dan-nala tungan.

MATEOS 25:31

“Metema Ana Hataholi ka Ana mai da'dileo Lamatua ka, nonok ata nusa so'da nala soona, nangatuuk neu kandela mandela-masa'an lain,

ULANGAN 33:2

“Manetualain Ana mai neme Letek Sinai mai; Ana tii nai Edom lain, sama leo le'do-a, ma neme Letek Paran-na mai, de nasalaa-na anan-nala. Ata nusa so'dak, lifun sanahulu, ala mai sama-sama loon; ma ha'i pila nai boboa konan-na.

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

YUDAS 1:14

Hanok nde bee na, bobongi ka hitu a, neme Adam mai, fo makahulu na nafa'da ela la'eneu hataholi sila la nae, “Mete leo na, te neukose Amak Manetualain Ana mai no ata malalaon lifu-lifu kala,

NINITAK 11:18

Leoina la fo ta nalelak Lamatua ka, ala tao musu nana fai na losa O po'a O nasa-melum, ma fai na boeo losa O maketu-mala'di hataholi manamate kala. Fai na nde ia, soaneu fe nggadi neu O ata mala, nabi la, ma neu basa O hataholi kamahehele mala, fo nde basa hataholi fo ala hule-haladoi neu O, nau matua do ana boe. Ia nde fai na soaneu tao nakalulutuk hataholi-hataholi fo manatao nakalulutuk daebafa ka!”

NINITAK 5:11

Basa boema au ita seluk. Au amanene ata nusa so'da lifu-lifuk ma juta-juta hala nala. Lapadeik okofefeo la kandela mane ka, ma mahahae kaha kala, boema lasi-lasik sila la.