DANIAL 7:1 - Susula Malalaok Hehelu Palak Ma Hehelu Beuk

^1-2 Le'odaek esa fo nai teu makasososan-na, lelek Belsyazar da'di manek nai Babel, au, Danial alame'i ma hapu ninitak. Au sulak-ka me'is ndia ma hala nafafa'dak la'eneu au ninitang ndia nde ia: Anin-na nasak-ka neme basa bu'uk lala'en-na mai, nalosa ani sangu da'di nai tasi maloaina.

DANIAL 7:1 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

KEJADIAN 46:2

Nai ninitak esa dalek, nai fai le'odaek, Manetualain nafa'dan nae, “Yakob, Yakob!” Nataa nae, “Ou Manetualain.”

AYUB 4:13

Au sungu, ta amanee fa, hu kande namakukutuk ndia, sama leo hapu me'is mangalauk, nai fai le'odaen-na.

YESAYA 30:8

Manetualain nadenu au sulak, anan-nala tatao-nono'i mangalaun-nala, nai susulak esa dalek, fo da'di leo nasanene'dak losa dodoon-na.

YESAYA 8:1

Manetualain nafa'da au nae, “Ho'i-ma batu lei matua esa, fo sulak susula de'ek-kala no mangale'dok, neu lain nae: ‘Naseti-nalakak fo Lai-laik,’ Namanako no Lai-laik.

YEREMIA 23:28

Nabi fo manamalame'ik-ka muse nafa'danae, ‘Ia ka'da me'is-sa.’ Tehu nabi fo manahapu hala haituak neme Au mai-a, muse nanduku-nalosak hala haituak ndia no matetun-na. Te gandum-ma ta hapu nakasasamakana no ha'de aik-ka fa.

YEREMIA 27:7

Basa leoina-la ala sene-do'ok neun, ma neu ana manen-na, ma neu upun-na losa fain nusan-na tu'da-monu aom. Nai lelek ndia te leoina Babel-la neukose sene-do'ok neu leoina-leoina fo mabe'i-balakaik ma manek matuainan-nala.

YEREMIA 36:32

Boema au ho'i-a susulak nanalunuk beuk-ka de au fen neu Barukh fo au manasulang-nga. Boema ana sulak basa hata fo au afa'dak neun nana, fo nde susulak nanalunuk makasososak-ka isin-na, ma tama seluk hehelu-hoholo fe'ek de'ubee saman-na lediak boe.

YEREMIA 36:4

Hundia, de au alo Neria anan Barukh fo ana nafa'da sulak fe basa hata fo Manetualain nafa'dan neu au ndia. Boema Barukh sulak na basa-basas neu susulak nanalunuk ndia.

YESKIAL 1:1

Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.

YESKIAL 40:2

Nai ninitak esa dalek, Manetualain noo au leo dae Israel-la neu, de Ana pe'da au nai lete mademaina esa poin-na. Au ita nai au matang-nga, uma bubuak esa, nalupa kota esa.

DANIAL 1:17

Manetualain fe touana muli-solu ka haak sila-la manatee-tenok ma malelak matuaina nai nanoli mademaina-la dalek. Fe'ek neme ndia mai, Ana fe Danial malelak boe, fo nafa'da mangalele'do ninitak ma me'is-sala sosoa-ndandaan.

DANIAL 2:1

Le'odaek esa, fo nai lelek Mane Nebukadnezar-ra paleta neu teu ka dua-na boema, nalama'i. Me'in ndia tao-na dalen-na he'di nanseli, nalosa ana ta hapu sungu so'on.

DANIAL 2:26

Boema manek-ka nafa'da Danial fo loken lae Beltsazar boe, nae, “O hapu mafa'da au, au me'ing-nga sosoa-ndandaan do ta?”

DANIAL 4:13

Lelek au dudu'a-dodoo ninitak ndia boema, au ita ata nusa so'dak esa kona neme nusa so'dak-ka mai; meten soona, nono'kabai naheheleao ma nanea besa-besa.

DANIAL 4:5

Tehu nai le'odaek esa, lelek au sungu, au alame'i ma au hapu ninitak, de ana tao-na au daleng-nga ta tesa-tama fa.

DANIAL 5:1

Faik esa boema, Mane Belsyazar-ra ka'i hataholi matua-mademan lifun esa, fo ala mai leo ndia feta neulaun-na mai, fo linu angol.

DANIAL 5:22

Tehu anamanen-na, fo nde Ama Manek, ta nau nakaloe-nakadae aoinan-na fa, leomae Ama Manek nalelak basa dede'ak sila-la so.

DANIAL 5:30

Nai le'odaek ndia boe, Belsyazar fo mane Babel ndia nanataonisak.

DANIAL 7:13

Nai au ninitang le'odaen ndia, au ita hata esa sama leo hataholi daebafak-ka. Ana mai no ko'as-sa okofeo-na, boema neu leo Ndia fo so'dan-na manaketu basa taak-ka neu, fo nalelelaok non.

DANIAL 7:15

Au ita ninitak sila-la, leni napangamak ma ala tao-la au daleng-nga ta tesa-tama fa.

DANIAL 7:7

Lelek au bei meten te, bana ka 4 to'da mai. Bana ndia be'in-na seli, boema nakatata'u. No nisi matuainan fo tean-na leo besi-a, ana hengu nakalulutuk nana'an-na fo na'a, ma na'a ela ba'u bee soona, ana heheta-aa'in. Bana ia fe'ek neme bana makahuluk-kala mai, nana susulan 10.

DANIAL 8:1

Mane Belsyazar-ra paleta neu teu ka telun-na boema, au hapu ninita ka dua.

YOEL 2:28

“Basa ndia soona, neukose mate'en-na, Au po'a Au Duladaleng-nga neu basa hataholi lala'en-na. Soona, neukose emi anatou-anainam landuku-lalosak Au hala hehelung-ngala, emi neukose emi lasi-lasim-mala hapu me'is, neukose, Au fe ninitak neu ta'eanak-anafe'oanak,

AMOS 3:7

Manetualain Fo Mademaina, metema beita nafa'da dale tutu'un-na neu basa nabi la, fo atan-nala fa soona, Ana beita tao hata esa boen.

HABAKUK 2:2

Manetualain nataa au nae leo ia, sulak-ma, ninitak ia. “Dokik-kana no mangale'dok, hata fo Au afa'dan neu o, neu batu lei biak esa lain, fo ela lees-sana no mudak.

BILANGAN 12:6

boema Manetualain nae, “Mamanene Au dede'a-kokolang ia-la! Metema nai emi dalek, hapu nabi esa soona, Au atu'du Au aoinang-nga neun, nai ninitak-kala dalek, ma Au kokolak on nai me'is dale.

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

2 KORINTUS 12:1

Memak ta hapu nanalak hata esa boen soaneu namatutua-namadedema ka fa. Tehu au boeo nau amatutua-amadedema dede'ak fo Manetualain natu'dun neu au nai ninitak dale.

NINITAK 1:19

Hu ndia de, sulak-ma dede'ak fo o mita kala, fo nde dede'ak fo hapus besak ia, ma dede'ak fo mahani te neukose ana da'di.

NINITAK 10:4

Leondiak manggulu kahituk sila la kokolak basa boema, au nau sula kana, tehu au amanene hala ka neme nusa so'da ka mai nae, “Mafuni hata fo manggulu kahituk sila la lafa'da ka. Boso sula kana!”