DANIAL 6:8 - Susula Malalaok Hehelu Palak Ma Hehelu Beuk

⁸ Ami basa-basam-mala nde ito-ato Ama Manek nusan-na, nau basa manamanea-la, basa gobelnol-lala, gobelnol-lala lima boakona-nala, ma manapaleta fe'ek-kala; ami-mala halak basa, fo ami meni ami halam-ma mai, fo ela Ama Manek kalua susula paleta, fo muse tungan no te'e-te'ek. Ela leo been-na, Ama Manek fe paleta, fo ela nai faik teluhulu dalen-na, boso fe hataholi esa boen loak, fo neni hala haladoin-na neu lamatua daebafak esa, do neu hataholi daebafak fa, te ka'da neni hala haladoin ndia neu Ama Manek mesak-kana. Ba'eneu see, fo ana la'olena paleta ndia soona, tapan leo singa lean dale neu.

DANIAL 6:8 ပူးပေါင်းရင်းမြစ်များ

ESTER 1:19

Hu ndia de, ami dokodoe neu Ama Manek, fo ela Ama Manek ho'i nakeketuk mae Ina Manek-ka, ta bole mai nataa Ama Manek so'on. Nakeketuk ndia, muse taon da'di Persia ma Media susulan-nakeketun, fo ela ta bisa hela falik-kana so'on. Basa ndia soona, fe Ina manek Wasti-a nangatutuun-na neu ina fe'ek, fo malole lena neme ndia mai.

ESTER 3:12

Boema, neu hataholi Yahudi-la bula ka esan-na, fain 13 boema, Haman naloo manek-ka hataholi manasulak susulan-nala. Nadenus, fo ala sulak susulak nandaa no basa hata fo ana paletak-ka, boema ala salin susulak sila lii na leo basa susula liik, fo ala paken nai nusak ndia. Ala sulak susulak ndia, nenik ala pake Mane Ahasyweros-sa na'den-na, ma ala cap-pana nenik ndelin-na, boema ala haituan no lai-laik leo basa manakoasa, gobelnol, ma hataholi matua-madema-la nai basa propensi-la. Isin-na nde paleta, fo nae neu hataholi Yahudi-la bula Adar-ra, fain 13 soona, basa leoina Yahudi-a, nau lasik do mulik, nau inak do ni'iana lala'en-na, muse taonisas, fo boso fe do'o do ampon neus, ma loso-ma, hata-heton-nala.

ESTER 8:10

Mordekhai lima lee susulak sila-la, pake Mane Ahasyweros-sa na'den-na, ma ana cap nenik nusak-ka cap-pa. Boema, Mordekhai nadenu hataholi-la, sa'e leni manek-ka ndala manggafan-nala, fo leni susulak sila-la, leo nusak-ka propensin-nala leu.

ESTER 8:3

Basa ndia boema, Ester neu seluk leo manek-ka neu. Ana senek, boema ana kii ma ana dokodoe, fo ela manek-ka boso pake dale tutu'u mangalauk fo Haman tutu'un, soaneu hataholi Yahudi-la.

ESTER 8:8

Tehu susulak fo, nanasulak pake manek-ka na'den-na, ma nanacap nenik cap manek-ka, ta bisa hela falik-kana fa. Tehu au po'i emi, bole sulak susulak, la'eneu leoina Yahudi-a, su'di beek fo emi meten malole. Sulak susulak ndia pake au na'deng-nga, ma cap-pana menik nusak-ka cap-pa.”

MAZMUR 94:21

Ala lalahalak, fo la'ban hataholi manatao tunga ndoon-na, ma ala hukulisa hataholi fo sala tak-ka.

YESAYA 10:1

Soe ba'eneu emi fo, manatao hoholo-lalanek fo ta ndoos ma matetuk fa, soaneu tuni-ndeni Au leoinang-nga.

DANIAL 5:28

nanaba'ek, Ama Manek nusan-na nanaba'ek, de nanafek leo hataholi Media ma Persia neu.”

DANIAL 6:12

Lelek Danial musun-nala lita Danial hule-haladoi neu ndia Manetualain-na boema,

DANIAL 6:15

Manek-ka namanene dede'ak ndia boema, dalen-na he'dis-sa ma ana bii, nalosa ana sanga enok, fo ana soi-tefa-na Danial. Le'donoso so, tehu manek-ka bei dudu'a-dodoo nahele dede'ak ndia.

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”