DANIAL 6:4 - Susula Malalaok Hehelu Palak Ma Hehelu Beuk

⁴ Tu'tik-ka no lai-laik, ala bubuluk se'kona Danial tatao-nono'in malole lena neme gobelnol-lala ma manamanea fe'e-fe'ek-kala mai. Hu ndia de, manek-ka nau so'un da'di manakoasa nai nusak-ka lala'en-na.

DANIAL 6:4 ပူးပေါင်းရင်းမြစ်များ

KEJADIAN 41:38

Boema manek-ka nafa'das nae, “Tao leo bee o ita ta hapu hataholi fe'ek fo nandaa lena neme Yusuf mai fa, nana Manetualain hela-nolen.”

KEJADIAN 43:18

Lelek loos leo Yusuf uman dale neu boema, ala bii ma ala bee doo lae, “Loo ita leo ia mai, nanahu doik fo ita titas leme ita lafa lapik ngala dalek, nai lelek makahulun-na ita mai leo ia mai a. Neukose ala ho'u ita no kaiboik, boema ala ho'i la ita keledein-nala, ma tao ita da'di sila atan.”

AMSAL 29:27

Hataholi malole-a, ta nape'da dale nasak no hataholi mangalauk-ka fa; ma hataholi mangalauk-ka, nakamuu-nakadau hataholi malole-a.

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 18:23

Tehu O. Manetualain, O bubuluk la'i esak sila dudu'a-dodok fo soaneu labasa au samaneng-nga. Hu ndia de boso fe do'o-do ampon neu sila. Boso lose heni sila salan-nala. Fepa-li'us losa ala tu'u. Laka-makaseti neu sila nai O nasa-melum-ma dalek”.

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

YEREMIA 29:7

Maue-maosa soaneu kota-kota fo Au tu'u-tapa emi lo mamanak-ka meu-a tetu-teman. Hule-haladoi neu Au, soaneu kota-kota sila-la palun-na, nana metema kota-kota sila hapu-dai soona, neukose emi boeo hapu-dai.

DANIAL 3:8

Hataholi Babel de'ubee, ala pake fai loak ndia fo tao susa hataholi Yahudi-la.

DANIAL 5:12

Hataholi ndia malelan-na seli, ma manatee-tenok, ma malelak nai nafa'da mangalele'do me'is-sa, nafa'da mangalele'do bibila-babaan ma naketu-nala'di nalelak dede'a mateaina-la. Na'de Danial, tahu manek-ka foin na'de Beltsazar. Maloon, te neukose nafa'da Ama Manek susula liik ia sosoa-ndandaan.”

DANIAL 6:22

Boema namanene Danial hala natataan-na nae, “So'dak ba'eneu Ama Manek losa dodoon-na!

MATEOS 26:4

Lakokola aok fo ala sanga ho'u Yesus no denge-dengek fo ala tao lisan.

MATEOS 27:18

Pilatus nae leondia nana ana bubuluk basa, mana koasa Yahudi la lo Yesus leondia neu nana, lape'da dalek lon.

LUKAS 20:20

Da'di ala sanga fai lelak malole. Ala solok hataholi soaneu ala tao da'dileo hataholi ndoos, fo ladenu hataholi sila la lakahihi'ik Yesus ninik natatanek, fo ela ala hapu fen leo Gobelno la koasan dale neu.

LUKAS 20:26

Nananitak nai hataholi makadotok sila la matan, ala ta hapu Yesus salan faa anak boen. Ka'da ala bedenge ma bafa nala bee poo neu Yesus natataan ndia.

LUKAS 22:2

Malanga ima mala ma mese agama la bei sanga enok soaneu taolisa Yesus no denge-dengek, nanahu ala bii hataholi makadoto kala.

YOHANIS 19:4

Basa ndia boema, Pilatus fali seluk leo deak neu, de nafa'da hataholi makadotok sila la nae, “Mete dei! Te au on leo deak mai, fo au fen leo emi ne'i, fo ela emi bubuluk te au ta hapu hataholi ia salan esa boen.”

2 KORINTUS 11:12

Hata fo au taon besak ia, neukose au tao-no'i akandoon, fo ela “hataholi nadedenu” fe'e kala ta lanuu ne'ek soaneu lamatutua-lamadedema aoina nala, ma lafa'da lae sila laue-lale'di sama leo ami.

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

1 TIMOTIUS 5:14

Hu ndia de, au nau inafalu muli solu kala sao seluk fo ala hapu anak, ala ito-ato uma loon, fo ela ita musu noo na, boso hapu loak, tao langgenggeo ita na'de na.

TITUS 2:8

Metema o kokolak soona, kokolak pake dede'a-kokolak manatee tenok, fo hataholi boso nakamuu-nakadau o hala-kokolam, fo daenga o musu noo mala ala mae, nana ta hapu o dede'a-kokola mangalaum esa boen fo, ala paken soaneu ala laban ita.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

1 PETRUS 3:16

Tehu emi tao-no'i sila la no nakaloe aok ma ha'da-holomata. Ela leo bee na, emi dale bobongo ana ma ndoos, fo ela metema hataholi nakamumulu-nakamamaek emi, hu ka nde emi so'da ma malole, sama leo hataholi mana tunga Kristu sa, soona neukose hataholi mana makamumulu-makamamaek emi ndia, ana mae.

HAKIM-HAKIM 14:4

Simson ina-aman ta bubuluk, lae Manetualain nde tao-na Simson tao dede'ak ndia fa. Nana Manetualain bei sanga fai loak, fo nata'ti no hataholi Filistin-nala. Nai lelek ndia, hataholi Filistin-nala koasa hataholi Israel-la.

SEMUEL SUSULAK-KA ESAN-NA 12:4

Hataholi sila-la lataa lae, “Ta, beita la'iesa fo Ama tipu-dai do tuni-ndeni ami fa; beita la'iesa fo, Ama ho'i su'di see hata-heton fa.”

SEMUEL SUSULAK-KA ESAN-NA 18:14

Nakalala'ok basa bela-ba'un lala'en-na no malole, nana Manetualain tulu-falin.

SEMUEL SUSULAK-KA ESAN-NA 22:14

Boema, Ahimelekh nataa nae, “Ade, Dauk ta nde Ama Manek malanga solda'du matuainan, fo manalilinekak nanseli fa do? Dauk nde been-na, Ama Manek manafeun-na, nalanga hataholi manamanea Ama Manek-ka, ma basa hataholi manai Ama Manek uma manen dale, fe ha'da-holomata lanseli neun.