DANIAL 6:27 - Susula Malalaok Hehelu Palak Ma Hehelu Beuk

²⁷ Au fe paleta neu basa hataholi manai au nusang-nga dalek, fo ela ala bii ma fe ha'da-holomata neu Manetualain fo Danial sene-do'ok-ka! Ndia nde been-na Manetualain fo maso'dak losa dodoon-na neu, Paletan-na manaketu basa tak. Tao leo bee-o, nusan-na ta mopo-mate fan. Koasan-na manaketu basa tak.

DANIAL 6:27 ပူးပေါင်းရင်းမြစ်များ

AYUB 36:15

Manetualain fepa hataholi daebafak-ka, tunga doidosok-ka, Ana pake susa soaneu ala tuka tei-sale dale.

MAZMUR 145:13

O paletam-ma nahele neme tepo-lelek leo tepo-lelek neu, O koasam-ma, neme bobongik leo bobongik neu. Manetualain lilineka neu basa hehelu-balataan lala'ena, henuk no susue-lalaik, nai basa tatao-nono'in-na dalek.

MAZMUR 18:48

Ana fe au sesengik soaneu au musung-nga; leoina-la ana fes lakaluku-lakatele nai au matang-nga,

MAZMUR 18:50

Boema au amatutua-amadedema O nai leoina-la tala'da, ma au akamee nakamee kokoa-kikiok ba'eneu O.

MAZMUR 32:7

O nde, au mamana nafuning-nga, O soi-po'i au neme toto'a-tataak-ka mai. Boema au eki ma amahoko-setelee, nana O soi-tefa-mala au so.

MAZMUR 35:17

Losa faihi'da, ou Manetualain, ka'da O mete leondiak losa fa'ihi'da? Soi-tefa-mala au, neme sila mamain-na, Soi-tefa-mala au, neme singa sila-la mai.

MAZMUR 97:10

Hai emi fo, manasue-lai Manetualain-na lemin, boso mahiik tatao-nono'i mangalauk-ka! Nana Manetualain nasulu-nahapa anan-nala maso'dan-na, Ana soi-po'is leme hataholi malelesik-ka, koasan-na mai.

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

DANIAL 4:31

Au beita kokolak basa boen te, halak-ka nananamanenek neme lalai mai nae, “Mane Nebukadnezar, mamanene dede'ak-ka nde ia! O manuu koasa da'dileo manek-ka, nanaho'i-nak neme o mai so.

DANIAL 4:34

Lelek basa teu ka hituk sila-la boema, au anganalo leo lalai u, boema au dudu'a-aafing fali ma'in. Boema au koa-kio Manetualain Fo Mademaina. Au so'u amadedeman ma au koa-kio Ndia fo maso'dak neme doon losa dodo-na ndia ae, “Neukose Manetualain da'di manek losa dodoon-na. Ana koasa neme doon losa dodo-na.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

DANIAL 6:20

Lolebalahak boema, manek-ka fo'a, de neu lai-lai leo singa-la lean-na neu.

YOHANIS 4:48

Tehu Yesus nafa'da manapaleta, hataholi mana'a ngga'din ndia nae, “Leo uni ka o ta mita Au tao manda'di beuk fa soona, o ta mamahele fa.”

HATAHOLI 4:30

Fe O tutulu-fafalim mai, fo ela hataholi kamahe'dis ala lea-hai, ma manda'di beu kala boema dede'a matua ina la ala da'di tunga O atam Yesus fo malalao-malalafuk ndia na'de na.”

IBRANI 2:4

Fe'ek neme ndia mai, Manetualain boetai tao natetea-nahehele hataholi sila tutui-bebengan, ninik Ana tao manda'di beu matak-mata kala, ma dede'a matua ina la, boema Ana baba'e fee-feek maneme Dula Dale ka, tunga hihii-nanau mesa na.

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”