DANIAL 6:18 - Susula Malalaok Hehelu Palak Ma Hehelu Beuk

¹⁸ Basa ndia boema, ala tatana ketu leak ndia bafan-na nenik batu matuaina esa, ma manek-ka de'dek batu ndia, nenik nusak-ka dede'den-na, ma basa hataholi matua-madema-la dede'den-na, nalosa ta hapu hataholi esa boen, bisa po'i Danial neme singa sila-la mai fa

DANIAL 6:18 ပူးပေါင်းရင်းမြစ်များ

2 SEMUEL 19:24

Mefiboset, fo Saul upun-na boeo, ana mai soluk manek-ka. Ana ta safe ein-na fa, ana ta nggute nggolomein-na fa, ma ana ta safe bua papaken-na, mulai neme Mane Dauk-ka, ana la'oela Yerusalem, losa ana fali ma'in no so'da-molek.

1RAJA-RAJA 21:27

Elia kokolak basa boema, Ahab siiheni bua papaken-na de ana pake si'di lafa lapik da'di neu ta'du-tana sale dalek, boema ana okaaon-na. Nai lelek ana sungu, ana pake si'di lafa lapik boeo, ma metema ana la'o-la'o soona, matan-na ka'da masu-masu nakandoo.

ESTER 6:1

Nai le'odaek ndia boe, manek-ka ta hapu sungu fa. Hu ndia de, noke ho'i fen susulak fo, ala sulak nusak-ka tutuin-na nai dalek-ka, de nadenu hataholi, fo ana lees-sana.

AYUB 21:12

Lakaminak rebana, kinuk ma kecapi, ala lakamee no makalupu-makaseek, ma fofoti-lolongek.

MAZMUR 137:2

Ami lolo'e ami kecapim-mala, neu ai gandarusa manai nusak ndia.

MAZMUR 77:4

Metema, au afandele Manetualain soona, au ahoo, metema au tai-dodoo soona, au daleng-nga, boetai sota-mangu.

PENGKHOTBAH 2:8

Au akabubua ala lilofulak ma lilopilas neme mane-manek manai au nusa paletang-ngala bea-nala mai. Manamakamee touk ma manamakamee inak-kala tao lamahoko au daleng-nga nenik sila nakameen-nala. Au sao makahatung-ngala dede'un-na, nandaa no au dale hihiing-nga.

RATAPAN 3:53

Ala tapa kalaok au leo oedolu ma'dak dale neu, boema lakadofu ketu au nenik batu.

DANIAL 10:3

Nai lelek ndia, au ta u'a nana'a mala'da do paa boen; au ta inu angol ma au ta sau au langang-nga boen.

DANIAL 2:1

Le'odaek esa, fo nai lelek Mane Nebukadnezar-ra paleta neu teu ka dua-na boema, nalama'i. Me'in ndia tao-na dalen-na he'di nanseli, nalosa ana ta hapu sungu so'on.

DANIAL 6:19

Basa boema, manek-ka fali leo uma manek-ka neu. Ana ta nau na'a-ninu do kokoe-nanasi fan boe. Ma le'odaek ndia, ana ta bisa sungu fa.

NINITAK 18:22

Musi kala lii na neme manamakaminak kecapi la, neme basa manamakamee kala, neme manamakaminak kinu kala ma neme manafuu pupuu kala, neukose ta nananamanenek nai o dalek so'on! Boeo neukose ta hapu hataholi manamaue-male'di malelaina nai ndia, ma batu tutu'tu ka lii na, neukose ta nananamanenek so'on.