DANIAL 6:14 - Susula Malalaok Hehelu Palak Ma Hehelu Beuk

¹⁴ Boema lafa'da manek-ka lae, “Danial fo hataholi nanafook esa neme Yehuda mai, ana ta paluu Ama Manek, ma ana ta taoafik neu Ama Manek paletan-na fa. Faik esa soona, ana hule-haladoi la'i 3.”

DANIAL 6:14 ပူးပေါင်းရင်းမြစ်များ

ESTER 3:8

Boema, Haman nafa'da manek-ka nae, “Ama Manek, hapu leoina matabeuk esa nai basa nusak ia propensin-nala. Ha'dan-nala fe'ek nanseli, no leoina fe'ek-kala. Ala ta tunga nusak-ka hoholo-lalanen-nala fa. Da'di, malole lenak, Ama Manek boso po'ilotak-kasa, fo ala tao tunga ka'da sila dale hihii-nanaun mesan-na.

DANIAL 1:6

Danial, Hananya, Misael ma Azarya, leme leo Yehuda mai, lai touana muli-soluk sila dalek boe.

DANIAL 3:12

Tehu Ama Manek fe hataholi Yahudi de'ubee, ala paleta lai Babel, ala ta tunga Ama Manek paletan ndia fa. Hataholi sila nde Sadrakh, Mesakh ma Abednego. Hataholi sila-la ta nau sene-do'ok neu Ama Manek lamatua daebafan-nala fa, ma ala ta nau sene-do'ok neu Ama Manek tao-na dodoki-dudulak lilopilas-sa boen.”

DANIAL 3:13

Manek-ka namanene dede'ak ndia boema, namanasa nanseli, de ana paleta fo leu lala hataholi ka teluk sila-la, fo mai lataa ndia.

MARKUS 6:26

Herodes namanene nonokek ndia boema, dale na he'di sa nanseli. Tehu ana ta hapu tipa nonokek ndia fa nana ana soo-supa basa nai fui nala matan so.