DANIAL 6:11 - Susula Malalaok Hehelu Palak Ma Hehelu Beuk

¹¹ Lelek Danial namanene dede'ak ndia boema, ana fali leo uman neu. Kaman-na nai ta'dak manai lain-na, fo jendelan-nala lasale leo Yerusalem neu. Ma sama-na leo mandoo fai-a, ana hule-haladoi neu Manetualain, ma faik esa soona, ana koa-kion la'i 3 nenik ana senek nai jendela nanasoik sila-la matan-na.

DANIAL 6:11 ပူးပေါင်းရင်းမြစ်များ

1RAJA-RAJA 8:48

Metema nai nusak ndia, sila no dale ndoos ma te'e-te'e tukatei-saledale leme sala-singo nala mai, ma ala hule-haladoi neu O no lasale leo nusak fo O fen neu ami bei ba'i kai mala ia, lasale leo kota fo O nde helen na, ma uma hule-haladoik fo au afofo'a basan soaneu O ia,

MAZMUR 119:164

Au oke makasi nakandondoo henin neu O, nanahu, O hoholo-lalanem fo, ndoos ma matetuk-ka.

MAZMUR 28:2

Mamanene au dokodoeng-nga, metema au nggasi, fo au oke tutulu-fafalik, ma au so'uk au limang-nga, fo natu'du leo O Uma malalao-malalafum-ma neu.

YEREMIA 51:50

Manetualain kokolak neu hataholi Israel fo manai Babel nae, “Emi kalua neme kanisak-ka mai so! Besak ia meu leo! Boso mahani! Leomae emi dook-ka neme uma, mafandele neu Au, emi Manetualain, ma neu Yerusalem.

DANIAL 6:6

Boema lafa'da lae, “Ita hapu Danial salan-na nai ka'da dede'ak fo natutik no agaman-na.”