DANIAL 6:10 - Susula Malalaok Hehelu Palak Ma Hehelu Beuk

¹⁰ Boema Mane Darius-sa limalee susulak ndia.

DANIAL 6:10 ပူးပေါင်းရင်းမြစ်များ

1RAJA-RAJA 8:38

ela leo been-na, O mamanene hule-haladoin-nala. Metema neme O anam Israel hapu nggelok no dale he'dik ana hule-haladoi neu O no ana so'uk liman-na nasale leo uma hule-haladoik ia mai soona,

1RAJA-RAJA 8:44

Metema O paleta O ana mala soaneu leu latee-latati la'ban musu a, boema su'di lai mamanak bee boe, ala lasale leo kota fo O nde helen ia mai, ma ala hule-haladoi lasale leo uma fo au afofo'an soaneu O ia soona,

1RAJA-RAJA 8:54

Eno na leondiak, Salomo hule-haladoi no ana senek nai mei tunu-hotuk-ka matan ma ana so'uk liman-na leo lain neu. Basa ndia boema napadeik,

2TAWARIKH 6:38

Metema nai nusak ndia no dale katematuak fo te'e-te'e ala tuka tei-sale dale leme sala-singon-nala mai, fo ala hule-haladoi neu O no lasale leo nusak fo O fen neu ami bei-ba'i kaim-mala ia, ma lasale leo kota fo O helek ia mai, ma lasale leo uma fo au afofo'an soaneu O ia,

EZRA 9:5

Lelek, mulai tunu-hotu tutunu-hohotu le'donosok-ka boema, au fo'a eme mamanak fo, au angatuuk no dale nakalulutuk ndia mai, no bua papake si'da-saek, de au akaluku-akatele, ma au look au lima nga, leo au Manetualain neu.

NEHEMIA 6:11

Tehu au ataa ae, “Au ia, ta hataholi fo ana nau nalai fa. Au hataholi biasa, de au ta bole masok leo Manetualain Uman dale u fa, te neukose mate au. Ta, au ta nau fa!”

MAZMUR 34:1

Dauk kokoa-kikiok, nai lelek ana tao aoinan-na, nono'kabai hataholi kamulus-sa nai Abimelekh matan, nalosa nanausik boema ana la'o.

MAZMUR 5:7

O tao mamopo-mamate hataholi fo ana hii nasapepeko-nasandandali, manatipu-daik ma kanisak-ka, O makadadaek-kasa.

MAZMUR 55:17

Tehu au aloo bou-bou neu Manetualain, neukose Manetualain soi-tefa-na au.

MAZMUR 86:3

O nde, au Manetualaing-nga, sue-lai au, ou Manetualain, nana nai fai katemak esa dalen-na, au hule-haladoi neu O.

MAZMUR 95:6

Mai fo, ata takaluku-takatele fo sene-do'ok neun, senek nai Manetualain, fo manamakadada'dik ita, matan.

DANIAL 6:13

basa-basas leu leo manek-ka leu, fo ala kalaak Danial lae, “Ade, Ama Manek ta limalee basa susula paleta fo kena-ka'i basa hataholi-la, fo nai faik teluhulu dalen-na ia, boso leni sila dokodoen-nala neu lamatua daebafak esa, do neu hataholi daebafak, te ka'da leni sila hala haladoin ndia neu Ama Manek mesak-kana hetu? Ma boeo nae ba'eneu see, fo ana la'olena paleta ndia soona, tapan leo singa lean dale neu hetu?” Boema manek-ka nataa nae, “Memak tete'ek-ka, susula paleta ndia, ana da'di Media ma Persia susula nakeketun, fo pake nahelen leona.”

DANIAL 9:4

Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

YUNUS 2:4

Au kokolak nai au daleng dale ae: Manetualain usi heni au neme matan-na mai so. Neukose au ta ita seluk uma malalao-malalafun-na so'on.

MARKUS 3:3

Boema Yesus nafa'da hataholi fo liman seli mates ndia nae, “Mai mapadeik mai mata ia.”

LUKAS 14:26

“Metema hataholi mai leo Au mai, tehu ana sue-lai inan, aman, saoina na, ana nala, ma tolanoo nala, lena-lenak aoina na lenaheni Au soona, ana ta bisa da'di Au ana manatungang fa.

LUKAS 22:41

Basa boema Ana neu leo dodoo ana faa neme ana manatunga nala mai, fafa'kama dodoo na batu tatapak esa, boema Ana senek de Ana hule-haladoi,

HATAHOLI 10:9

Balahaa te bei lai eno tala'dak, fo ala sanga lae losa Yope nde ndia so. Boema Petrus kae leo uma lai neu fo ana hule-haladoi.

HATAHOLI 2:15

Hataholi ia la ta mafuk sama leo emi dudu'am ndia fa, nana besa ka li'u sio fafaik.

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

HATAHOLI 20:36

Paulus kokolak basa boema, ana senek de ala hule-haladoi sama-sama nos.

HATAHOLI 21:5

Tehu fai na losa fo ami la'o meme ndia mai so, boema ami la'oelas de ami la'ok makandoo leona. Basa-basas lo saoana nala lafuli lo ami losa kota deak. Ami losa tasi su'u na boema, ami basa-basa mala senek de ami hule-haladoi.

HATAHOLI 3:1

Faik esa boema, Petrus no Yohanis leu leo Amak Manetualain Uman la'e li'u telu le'donoso na, fo ala hule-haladoi.

HATAHOLI 4:29

Besak ia Lamatuak, mita kasa lakabibiik tao ami le'e ia so. Fe ami fo atam ia la loak soaneu tui-benga O dede'a-kokolam boso no bibii-namata'uk.

HATAHOLI 5:20

“Meu mapadeik meu Amak Manetualain Uman dale, fo tui-benga neu basa hataholi la la'eneu so'da beuk ia.”

HATAHOLI 5:29

Boema Petrus ma hataholi nadedenu fe'e kala lataa lae, “Ami muse tunga Manetualain, te ami ta tunga hataholi daebafak fa.

HATAHOLI 7:60

Boema ana senek ma ana nggasi napane'e nae, “Lamatuak, boso fe hataholi ia la lu'a-lepa sala-singok ia!” Nafa'da basa nae leondia boema maten.

HATAHOLI 9:40

Boema Petrus nadenu basa-basas kalua leo deak leu, boema ana senek de ana hule-haladoi. Ana hule-haladoi basa boema, nasale leo Dorkas popola na neu de nafa'dan nae, “Tabita, fo'a leona!” Tutika Dorkas nalaak mata na de lelek fo nita Petrus boema, ana fo'a de nangatuuk.

EFESUS 3:14

Hu ka nde ndia de, au senek nai Ama ka matan.

FILIPI 1:14

Ma no au nanatahan ia de, nini fe hataholi kamahehelek ba'u ka nai kota ia, boetai lamahele Lamatua ka ma boetai lapalani tui benga Manetualain Hala Malole na.

FILIPI 1:20

Fo au ahiik ma au amahena ka nde, fo ela au ue-osang nini buna-boak. Dede'a nasafali na, au amahena fo ela tunga faik, lena-lenak besak ia, au apalani, nalosa no au ao paa samaneng nai lelek fo au aso'da do au mate boeo Kristus nanakoa-kiok.

FILIPI 4:6

Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

IBRANI 4:16

Hu ndia de mai leona, fo no tene henuk, ata teu tataa Manetualain, fo Ana paleta no dale malole ndia. Neukose Manetualain sue-lai ita, ma Ana ba'e-pala ita, fo ela ita hapu tutulu-fafalik nandaa neu fai na.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

NINITAK 2:13

Au bubuluk emi leo nai bee, fo nde nai mamanak fo Nitu paleta. Tehu emi lilineka mahele neu Au. Nakalenak lelek Antipas, Au sakasiing fo mana lilinekak ndia, nanataonisak nai emi matam nai Nitu mamana leleo na, emi ta malelesi mae emi mamahele neu Au fa.