DANIAL 5:7 - Susula Malalaok Hehelu Palak Ma Hehelu Beuk

⁷ Ana nggasi ma noke fo ela leu laloo basa dukun-nala ma hataholi malela nduuk-kala. Lelek ala mai boema, manek-ka nafa'da nae, “Ba'eneu see fo ana hapu lees-nala susula liik ndia, ma nafa'da au sosoa-ndandaan soona, neukose au fen bua papake manek sama leo ba'du manalu ma lilopilas da'dileo ta'du-tana ha'da-holomata. Fe'ek neme ndia mai, neukose au so'un da'di manakoasa ka telu nai au nusang dale.”

DANIAL 5:7 ပူးပေါင်းရင်းမြစ်များ

KEJADIAN 41:8

Fafaik boema, manek-ka dalen-na ta tesa-tama fa, hu ndia de nadenu leu laloo basa manasiula-tongono kala ma hataholi malelaina manai Masir-ra. Boema ana tui mei na neus, tehu ta hapu hataholi esa boen hapu nafa'da mangalele'do sosoa-ndandaan fa.

ESTER 3:1

Basa faik de'ubee boema, Mane Ahasyweros-sa so'u touk esa na'de Haman, fo da'di malangan neu basa malangan-nala. Haman nde been-na, Hamedata anan, fo neme Agag bobongin-na mai.

KELUARAN 7:11

Hu ndia de, manek-ka boeo naloo ndia hataholi malelainan-nala, ma malela siula-tongonok-kala, de no sila malela siula-tongonoon-na, ala bisa tao leondiak boe.

AMSAL 1:9

nana nanoli-nafa'dan-nala, popo-tama o dale malolem-ma, sama leo bulamolik-ka nai o langam-ma, ma henu-a tao nalole-nanapu o mata-panam.

KIDUNG AGUNG 1:10

O nasebu'um-ma mana'ahiik nai lilo-henu tala'da, o botoliim-ma mana'ahiik no henu poemata.

YESAYA 47:13

O sota-mangu, nanahu nanoli-nafa'da makadotok-kala. Madenu manasiula-tongonok-kala, ala mai soi-tefa-la o; sila fo, manapalisak matalolole, lalai-a lala'en-na, ma manamanolin-nduuk-kala, ma nai tunga-tunga bula beuk lafa'da memak hata fo neukose ana da'di neu o.

YEREMIA 50:35

Manetualain nafa'da nae, “Fe susa-soe neu Babel no laun-nala, manaho'u paleta-la ma hataholi malelan-nala!

YESKIAL 16:11

Au balias o nenik poemata, lilo-henu ma suek.

DANIAL 1:20

Metema manek-ka nafa'da dede'ak esa, fo dede'ak ndia paluu lafa'da mangalele'don ma tai-dodook soona, ana bubuluk touana muli-solu ka haak sila-la kokoe-nanasin ma hahapun-nala malole lena la'i 10 neme basa hataholi mananeuk nalelak manda'dik manamaik-kala, boema dukun manai ndia nusan-na lala'en-na, nanoli-nafa'dan ma hahapun-nala.

DANIAL 1:4

Touana muli-soluk sila-la, muse sala-singo tak-kala. Aon-nala muse makadelek, sakolan-nala matua, malelak ma lalelak dede'ak ba'u, boema ala tunga paleta fo lanea nai uma manek-ka. Aspenas muse nanolis, fo ala lees ma sulak lalelak dede'a Babel.

DANIAL 2:2

Hu ndia de, naloo-na basa hataholi mananafa'da nalelak manda'di manamaik-kala, dukun-nala ma hataholi malela ina-la, fo lafa'da mangalele'do me'in ndia sosoa-ndandaan.

DANIAL 2:27

Danial nataa nae, “Ama Manek, ta hapu hataholi malelaina, dukun malelak, mananafa'da nalelak manda'dik manamaik-ka, do malela nduuk-kala hapu lafa'da dede'ak ndia neu Ama Manek.

DANIAL 2:48

Basa boema ana fe Danial nangatutuu madema, ma ana fen bua-lo'a manahiik makadotok, ma ala so'un da'di nggobelnol Babel, boema ala fen da'di malangan mademaina neu basa manamanoli-mafa'dak manai uma manek-ka.

DANIAL 2:6

Tehu metema emi mafa'da-malan soona, neukose au fe emi bua-lo'a malole ma ha'da-holomata matuaina. Na, besak ia mafa'da au me'ing ndia sosoa-ndandaan leona!”

DANIAL 4:14

Ana kokolak napane'e nae, ‘Lo'o heni ai ndia, fo ta'ti-ma ndanan-nala, makanunuku heni doon-nala ma tapa nggenggela-ngganggali boan-nala. Usi heni basa bana manalu'u nai sa'on dale-la, ma basa manupui mandunuk nai ndanan-nala lain.

DANIAL 5:11

Nana nai Ama Manek nusan dale, hapu touk esa henuk no lamatua daebafak malalao-malalafuk-kala duladalen-na. Nai lelek Ama Manek aman paleta, hataholi ndia nananitak dodole da'uk ma malelak sama leo lamatua daebafak-ka malelan-na. Ama Manek aman Nebukadnezar so'u basan da'di malangan neu basa dukun-nala, hataholi malelaina-la, ma hataholi malela nduuk-kala so.

DANIAL 5:15

Basa hataholi malelaina-la ma dukun-nala so'ba lees basa susula liik ia, ma lafa'da au sosoa-ndandaan. Tehu ala ta bisa fa.

DANIAL 5:16

Besak-ka au amanene lae, o bisa mafa'da-malak basa bibila-babaak lala'en-na, ma o maketu-mala'di-malak dede'a mateaina-la. Metema o hapu lees-malak susula liik ia, ma mafa'da au sosoa-ndandaan soona, neukose au fe o bua papake manek fo nalupa ba'du manalu ma lilopilas da'di neu ha'da-holomata. Fe'ek neme ndia mai, neukose au so'u o da'di manakoasa ka telu nai au nusang dale.”

DANIAL 5:29

No lai-laik, Belsyazar paleta hataholi mana'a ngga'din-nala, fo ala pake Danial ba'du manalu pila balanggeok ma bokolii lilopilas neu botoliin-na. Boema ana so'u Danial da'di manapaleta ka telu nai ndia nusan dale.

BILANGAN 22:17

Neukose au bae o, makadotok nanseli, ma au tao su'di beek, fo o mafa'dan. Sa'di mai leona, fo supa-soo leoina ndia, soaneu au.”

BILANGAN 22:7

Boema hataholi Moab ma Midian sila-la mauli-malangan-nala la'o, de leni fe Bileam sese'ba-babaek, fo ana nau supa-soo hataholi Israel-la. Lelek ala losa Bileam boema, landuku-lalosak Mane Balak-ka hala-hehelun-na.

BILANGAN 24:11

Besak ia o bole fali mu'um-ma leo o umam muu! Au helu basa, au se'ba o so, tehu Manetualain ta fe o loak sipo sese'bak ndia.”

SEMUEL SUSULAK-KA ESAN-NA 17:25

Esa nafa'da esa nae, “Mitak-kana nde ndia. Mamanene hala-kokola neheen-na leona! Ita manen Saul naheluk basa, nae su'di see fo ana taonisa Goliat soona, neukose ana fen bua palsen matuaina. Boeo, neukose manek-ka fe hataholi ndia sao anafe'on-na. Ma neukose ana fe hataholi ndia, aman teidalen-nala ta bae bea so'on.”