DANIAL 5:2 - Susula Malalaok Hehelu Palak Ma Hehelu Beuk

² Lelek ala bei linu-linu te Belsyazar fe paleta fo leu ho'i-la mango lilopilas ma lilofulak fo aman Nebukadnezar loso nenis leme Manetualain Uman manai Yerusalem-ma dalek. Mane Belsyazar-ra dale dodoon-na nde bee soona, fo ela hataholi matua-madema-la saoinan-nala, sao ka dua ka telun-nala, ma ndia linu lenik mango sila-la.

DANIAL 5:2 ပူးပေါင်းရင်းမြစ်များ

2 SEMUEL 9:7

Boema, Dauk nae, “Boso bii, te neukose, au daleng-nga malole neu o, nanahu o amam Yonatan. Neukose, au fe falik basa o ba'im Saul daen-nala leo o neu, ma o bole mu'a-minu nai uma manek-ka, losa dodoon-na.”

2RAJA-RAJA 24:13

Nebukadnezar tao nakalulutuk la'iesak, Mane Salomo-a taon-na basa hata-heto lilopilas soaneu Manetualain Uman-na. Boema ala ho'i leni la'iesak, hata-heto kabelik manai Manetualain Uman-na, ma manai uma manek-ka, leo Babel neu. Basa sila-la, ala da'di, fo nandaa no hata fo, Manetualain nafa'da nakahuluk-kana so.

2RAJA-RAJA 25:15

Nebuzaradan mesak-kana, ho'i nini bua-lo'a lilopilas, ma lilofulak-kala, boema mango anak-kala, ma pingak soaneu tao ha'i kaak neu dalek-ka.

2TAWARIKH 11:20

Basa boema Rehabeam saon-na Maakha fo Absalom anan-na. Ala bongi-la anatouk haa fo nde: Abia, Atai, Ziza ma Selomit.

2TAWARIKH 15:16

Basa boema Asa kaluaheni bein Maakha neme nangatutuun fo da'di leo Ina Manek nana ana taon-na dodoki-dudula sosongo-tatangok sosoa-piaok soaneu Asyera, fo lamatua dabafak inak fo manafe bubu'u-palusa lalole. Asa hea nabuu dodoki-dudulak ndia de ana tao nakalulutuk-kana, boema ana hotuhenin neme Bafak Kidron-na.

2TAWARIKH 36:10

Neu teu manamaik-ka boema, Manek Nebukadnezar-ra foo neni Yoyakhin leo Babel neu da'di leo hataholi nanafook, ma ana ho'i neni bua-lo'a kabelik-kala leme Manetualain Uman-na mai boe. Basa boema Nebukadnezar so'u Zedekia, fo Yoyakhin to'o-na da'di manek neu Yehuda ma Yerusalem.

2TAWARIKH 36:18

Manek Babel ndia loso neni la'iesak Manetualain Uman-na hata-heton, ma bua-lo'a kabelin-nala, manek-ka ma basa hataholi mana'a ngga'din-nala hata-heton boema nenis leo Babel neu.

EZRA 5:14

Nakalenak bai, ana fe falik bua-lo'a lilopilas ma lilofulak, fo paken nai Manetualain Uman dale, ma Nebukadnezar ho'i neni bua-lo'as-sala leme Yerusalem mai, de ana pe'das leo lamatua daebafan-na uman manai Babel-la dalek neu. Mane Kores-sa, ana fe bua-lo'as sila-la leo hataholi mana'de Sesbazar, fo ana so'u basan da'di filana nai Yehuda so.

YEREMIA 27:7

Basa leoina-la ala sene-do'ok neun, ma neu ana manen-na, ma neu upun-na losa fain nusan-na tu'da-monu aom. Nai lelek ndia te leoina Babel-la neukose sene-do'ok neu leoina-leoina fo mabe'i-balakaik ma manek matuainan-nala.

YEREMIA 50:35

Manetualain nafa'da nae, “Fe susa-soe neu Babel no laun-nala, manaho'u paleta-la ma hataholi malelan-nala!

YEREMIA 52:19

Bua-lo'a lilo pilas ma lilo fulak fo mango anak-kala ma mamana ha'i-la, mango fo latanee lenik bana tutunu-hohotuk daan-nala, mamana afu, banu anak-kala ein-na, mango fo ala tunu-hotu boomenik, ma mango fo ala po'a oe angol neu-a Nebuzaradan de ho'i-na sala.

DANIAL 1:2

Manetualain fen sengi Mane Yoyakim-ma, de ala loso leni bua-lo'a kabelik-kala seli leme Manetualain Uman dale mai. Ana foo neni hataholi-la, nos leo ndia lamatua daebafan manai Babel-la uma sosongon dale leu, ma ana pe'da ana loso neni bua-lo'a kabelik-kala lai gudang-gudang manai uma sosongok ndia dalek.

DANIAL 5:11

Nana nai Ama Manek nusan dale, hapu touk esa henuk no lamatua daebafak malalao-malalafuk-kala duladalen-na. Nai lelek Ama Manek aman paleta, hataholi ndia nananitak dodole da'uk ma malelak sama leo lamatua daebafak-ka malelan-na. Ama Manek aman Nebukadnezar so'u basan da'di malangan neu basa dukun-nala, hataholi malelaina-la, ma hataholi malela nduuk-kala so.

DANIAL 5:13

No lai-laik, loo Danial neu nataa manek-ka. Boema manek-ka natanen nae, “Ade, o nde Danial, hataholi nanafook ndia, fo au amang foo ninin neme dae Yehuda mai hetu?

DANIAL 5:18

Manetualain Fo Mademaina, tao-na Ama Manek aman Nebukadnezar, da'di manek mandela-masa'ak, ma Ana fen matua-madema ma nananita-nalelak.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

DANIAL 5:3

Tuti'ka leni fen mango sila-la, de basa-basas linu lenik buas sila-la.

DANIAL 5:30

Nai le'odaek ndia boe, Belsyazar fo mane Babel ndia nanataonisak.

DANIAL 5:4

Linu-linu ma ala koa-kio lamatua daebafak fo nanataok neme lilopilas, lilofulak, liti, ai ma batu ndia mai.