DANIAL 5:11 - Susula Malalaok Hehelu Palak Ma Hehelu Beuk

¹¹ Nana nai Ama Manek nusan dale, hapu touk esa henuk no lamatua daebafak malalao-malalafuk-kala duladalen-na. Nai lelek Ama Manek aman paleta, hataholi ndia nananitak dodole da'uk ma malelak sama leo lamatua daebafak-ka malelan-na. Ama Manek aman Nebukadnezar so'u basan da'di malangan neu basa dukun-nala, hataholi malelaina-la, ma hataholi malela nduuk-kala so.

DANIAL 5:11 ပူးပေါင်းရင်းမြစ်များ

KEJADIAN 41:38

Boema manek-ka nafa'das nae, “Tao leo bee o ita ta hapu hataholi fe'ek fo nandaa lena neme Yusuf mai fa, nana Manetualain hela-nolen.”

2 SEMUEL 14:17

Atam-ma namahele te'e-te'e, nae au Ama Maneng hehelu-balataan ndia, neukose neni so'da-molek fe atam-ma, nana au Ama Maneng nde been-na, sama leo Manetualain ata nusa so'dan-na, fo ana hapu mete kofe'ek, beek-ka nde malole, ma beek-ka nde mangalauk. Sa'di leo been-na, Manetualain fo au Ama Maneng Manetualain-na, nok au Ama Maneng!”

YESKIAL 28:3

O maedaenga, o malelam-ma lena heni Danel, nalosa o bubuluk basa dede'a nananafunik lala'en-na.

YESKIAL 28:4

O pake o manatee-tenom-ma, ma o malelam-ma, soaneu o hapu hata-heto, lilopilas, ma lilofulak.

DANIAL 1:4

Touana muli-soluk sila-la, muse sala-singo tak-kala. Aon-nala muse makadelek, sakolan-nala matua, malelak ma lalelak dede'ak ba'u, boema ala tunga paleta fo lanea nai uma manek-ka. Aspenas muse nanolis, fo ala lees ma sulak lalelak dede'a Babel.

DANIAL 2:11

Ami manem-ma nahiik hata esa, tean-na seli. Ta hapu hataholi esa boen, bisa tao natetu fan, ka'da basa lamatua daebafak-kala, tehu ala ta leo lai hataholi daebafak-ka tala'da fa.”

DANIAL 2:22

Ndia nde nafa'da bibila-babaak mademaina. Ndia bubuluk basa hata lala'en fo ana da'di nai makahatuk dale. Mandela-masa'an-na poti-nan.

DANIAL 4:18

Hai Beltsazar, au me'ing-nga nde ndia. Besak ia, mafa'da au sosoa-ndandaan leona. Ta hapu hataholi melelak esa boen nai au nusang-nga, bisa nafa'da mangalele'don neu au, tehu o bisa, nana o henuk no lamatua daebafa malalao-malalafuk-kala duladalen-na.”

DANIAL 4:5

Tehu nai le'odaek esa, lelek au sungu, au alame'i ma au hapu ninitak, de ana tao-na au daleng-nga ta tesa-tama fa.

DANIAL 4:6

Boema au aloo basa hataholi malelak manai Babel-la fo lafa'da mangalele'do fe au me'is ndia sosoa-ndandaan.

DANIAL 5:14

Au amanene lae, o henuk no lamatua daebafak malalao-malalafuk-kala duladalen-na, ma lae o dodole da'uk, ma malelaina nanseli.

DANIAL 5:7

Ana nggasi ma noke fo ela leu laloo basa dukun-nala ma hataholi malela nduuk-kala. Lelek ala mai boema, manek-ka nafa'da nae, “Ba'eneu see fo ana hapu lees-nala susula liik ndia, ma nafa'da au sosoa-ndandaan soona, neukose au fen bua papake manek sama leo ba'du manalu ma lilopilas da'dileo ta'du-tana ha'da-holomata. Fe'ek neme ndia mai, neukose au so'un da'di manakoasa ka telu nai au nusang dale.”

HATAHOLI 12:22

Laun mana mamanenek sila la lalo ma lae, “Nitu lalai sa halan ia, te hataholi daebafak halan ta ia fa!”

HATAHOLI 14:11

Lelek fo hataholi makadotok sila la lita hata fo Paulus taon ndia boema, ala eki linik dede'a Likaonia lae, “Nitu lalai sala kona leo daebafa ka mai nai hataholi daebafa ka ao paan dale mai nde ia so.”

HATAHOLI 16:16

Faik esa, nai lelek fo ami bei sanga mae meu leo mamana huhule-haladoi ka meu te, ami matongo mo inak esa; inak ndia ata esa. Dula dale mangalau ka koasa na inak ndia de ana hapu neuk nala basa manda'dik mana mai kala. Hu ka nde ana hapu neuk nala hataholi a ua-nalen de inak ia nini nanala matua ina fe ndia malanga na.

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.