DANIAL 4:9 - Susula Malalaok Hehelu Palak Ma Hehelu Beuk

⁹ “Hai, Beltsazar, fo hataholi malelaina-la mauli-malangan-na, au bubuluk ae o dalem-ma henuk no lamatua daebafak malalao-malalafuk-kala duladalen-na, nalosa ta hapu bibila-babaak nananafunik ba'eneu o fa. Nenene au me'ing-nga nde ia, fo mafa'da mangalele'do sosoa-ndandaan.

DANIAL 4:9 ပူးပေါင်းရင်းမြစ်များ

KEJADIAN 41:38

Boema manek-ka nafa'das nae, “Tao leo bee o ita ta hapu hataholi fe'ek fo nandaa lena neme Yusuf mai fa, nana Manetualain hela-nolen.”

YESAYA 33:18

Emi bibii-namata'u maneuk-kala, neu manasusu bea, manaho'u paleta, ma manamanea nusa dea-la, ela ka'da na'den-nala so.

YESAYA 54:14

O nananafofo'ak nenik netes ndoos ma matetuk, o dook-ka neme bibii-namata'u matuaina, ma tuni-ndenik-ka mai.

YESKIAL 17:23

Au falak-kana, nai lete mademaina manai Israel-la. Neukose, nanupu nai naa, fo nabuna-naboa, boema, ana da'di ai kaiou nanakoa-nanakiok. Basa manupui mata-matak lala'en-na, neukose landunu nai lain, ma lafuni aoinan-nala, nai sa'on dale.

YESKIAL 28:3

O maedaenga, o malelam-ma lena heni Danel, nalosa o bubuluk basa dede'a nananafunik lala'en-na.

DANIAL 1:20

Metema manek-ka nafa'da dede'ak esa, fo dede'ak ndia paluu lafa'da mangalele'don ma tai-dodook soona, ana bubuluk touana muli-solu ka haak sila-la kokoe-nanasin ma hahapun-nala malole lena la'i 10 neme basa hataholi mananeuk nalelak manda'dik manamaik-kala, boema dukun manai ndia nusan-na lala'en-na, nanoli-nafa'dan ma hahapun-nala.

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

DANIAL 2:48

Basa boema ana fe Danial nangatutuu madema, ma ana fen bua-lo'a manahiik makadotok, ma ala so'un da'di nggobelnol Babel, boema ala fen da'di malangan mademaina neu basa manamanoli-mafa'dak manai uma manek-ka.

DANIAL 4:18

Hai Beltsazar, au me'ing-nga nde ndia. Besak ia, mafa'da au sosoa-ndandaan leona. Ta hapu hataholi melelak esa boen nai au nusang-nga, bisa nafa'da mangalele'don neu au, tehu o bisa, nana o henuk no lamatua daebafa malalao-malalafuk-kala duladalen-na.”

DANIAL 4:5

Tehu nai le'odaek esa, lelek au sungu, au alame'i ma au hapu ninitak, de ana tao-na au daleng-nga ta tesa-tama fa.

DANIAL 4:8

Mate'en-na, Danial fo loken lae Beltsazar boe, fo na'den-na sama leo au lamatua daebafang-nga na'den-na ndia, ana mai. Danial dalen-na henuk no lamatua daebafak malalao-malalafuk-kala duladalen-na. Au tuin au me'ing ndia boe ae,

DANIAL 5:11

Nana nai Ama Manek nusan dale, hapu touk esa henuk no lamatua daebafak malalao-malalafuk-kala duladalen-na. Nai lelek Ama Manek aman paleta, hataholi ndia nananitak dodole da'uk ma malelak sama leo lamatua daebafak-ka malelan-na. Ama Manek aman Nebukadnezar so'u basan da'di malangan neu basa dukun-nala, hataholi malelaina-la, ma hataholi malela nduuk-kala so.

SEMUEL SUSULAK-KA ESAN-NA 4:8

Soe tete'ek-ka! See kande, bisa soi-tefa-na ita teme lamatua daebafak fo mabe'i-balakaik ndia mai? Ade, lamatua daebafak sila-la ta nde makahulun-na, taolisa hataholi Masir-ra neme moo solokaek-ka hetu?