DANIAL 4:8 - Susula Malalaok Hehelu Palak Ma Hehelu Beuk

⁸ Mate'en-na, Danial fo loken lae Beltsazar boe, fo na'den-na sama leo au lamatua daebafang-nga na'den-na ndia, ana mai. Danial dalen-na henuk no lamatua daebafak malalao-malalafuk-kala duladalen-na. Au tuin au me'ing ndia boe ae,

DANIAL 4:8 ပူးပေါင်းရင်းမြစ်များ

KEJADIAN 41:38

Boema manek-ka nafa'das nae, “Tao leo bee o ita ta hapu hataholi fe'ek fo nandaa lena neme Yusuf mai fa, nana Manetualain hela-nolen.”

YESAYA 46:1

Babel lamatua daebafan-nala, babasan-na nde ia; makahulun-na, dodoki-dudulak Bel ma Nebo, nanasene-do'ok, tehu besak ia, nanafuak nai bana-manu lain, de ala da'di lelepa mabela, soaneu bana-manu manasota-manguk-ka.

YESAYA 63:11

Boema ala nafandele-la, tepo lelek makahulun-na, Musa, fo Manetualain atan-na, tepo lelen-na. Ala latane lae, “Manetualain fo, manahela-nole anan-nala mauli-malangan-nala, tunga tasi dale-a, nai bee? Manetualain fo, manafe koasan-na neus-sala, nai bee?

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

YESKIAL 17:23

Au falak-kana, nai lete mademaina manai Israel-la. Neukose, nanupu nai naa, fo nabuna-naboa, boema, ana da'di ai kaiou nanakoa-nanakiok. Basa manupui mata-matak lala'en-na, neukose landunu nai lain, ma lafuni aoinan-nala, nai sa'on dale.

DANIAL 1:7

Malanga uma manek-ka nggati heni na'den-nala da'di: Beltsazar, Sadrakh, Mesakh, ma Abednego.

DANIAL 2:11

Ami manem-ma nahiik hata esa, tean-na seli. Ta hapu hataholi esa boen, bisa tao natetu fan, ka'da basa lamatua daebafak-kala, tehu ala ta leo lai hataholi daebafak-ka tala'da fa.”

DANIAL 2:26

Boema manek-ka nafa'da Danial fo loken lae Beltsazar boe, nae, “O hapu mafa'da au, au me'ing-nga sosoa-ndandaan do ta?”

DANIAL 3:14

Ala mai boema, manek-ka natanes nae, “Sadrakh, Mesakh ma Abednego! Tete'ek-ka, emi ta nau sene-do'ok neu au lamatua daebafang-ngala, ma emi ta nau sene-do'ok neu au tao-a dodoki-dudulak lilopilas ndia boe hetu?

DANIAL 4:18

Hai Beltsazar, au me'ing-nga nde ndia. Besak ia, mafa'da au sosoa-ndandaan leona. Ta hapu hataholi melelak esa boen nai au nusang-nga, bisa nafa'da mangalele'don neu au, tehu o bisa, nana o henuk no lamatua daebafa malalao-malalafuk-kala duladalen-na.”

DANIAL 4:9

“Hai, Beltsazar, fo hataholi malelaina-la mauli-malangan-na, au bubuluk ae o dalem-ma henuk no lamatua daebafak malalao-malalafuk-kala duladalen-na, nalosa ta hapu bibila-babaak nananafunik ba'eneu o fa. Nenene au me'ing-nga nde ia, fo mafa'da mangalele'do sosoa-ndandaan.

DANIAL 5:14

Au amanene lae, o henuk no lamatua daebafak malalao-malalafuk-kala duladalen-na, ma lae o dodole da'uk, ma malelaina nanseli.