DANIAL 4:36 - Susula Malalaok Hehelu Palak Ma Hehelu Beuk

³⁶ Lelek au dudu'a-aafing fali ma'in boema, Ana fe falik au nusang-nga matua-mademan ma nananita-nalelan leo au mai. Au hataholi mana'a ngga'ding-ngala ma hataholi matua-mademang-ngala sipok au, de ala fe falik au leo au nusang-nga neu, nakalenak au matua-mademang namatua lena heni makahulun-na.

DANIAL 4:36 ပူးပေါင်းရင်းမြစ်များ

AYUB 13:12

Emi nanoli-nafa'dam lala'en-na, sama leo daesopu sosoa-ndandaa tak-ka; emi nasala'em-ma, sama leo dae manuteik-ka, fo mu'dak lai esak-kana, hea ba'en.

AMSAL 22:4

Hataholi fo, namahele neu Manetualain ma nakaloe-nakadae aoinan-na, neukose naua-nanale, tetu-temak ma nanafe ha'da-holomata.

DANIAL 2:31

Ninitak fo Ama Manek nitak-ka nde ia, Nai Ama Manek matan-na hapu dodoki-dudulak esa. Dodoki-dudulak ndia ba'un-naseli ma mangadilak, tehu mata-panan nakatata'u.

DANIAL 4:22

Hei Ama Manek, Ama Manek nde ai mademaina ma balakaik ndia. Ama Manek matua-mademan boeo, ana popo-tama losa lalai, ma Ama Manek koasan-na namaloa losa daebafak-ka pe'dan-na.

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 4:34

Lelek basa teu ka hituk sila-la boema, au anganalo leo lalai u, boema au dudu'a-aafing fali ma'in. Boema au koa-kio Manetualain Fo Mademaina. Au so'u amadedeman ma au koa-kio Ndia fo maso'dak neme doon losa dodo-na ndia ae, “Neukose Manetualain da'di manek losa dodoon-na. Ana koasa neme doon losa dodo-na.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.