DANIAL 4:32 - Susula Malalaok Hehelu Palak Ma Hehelu Beuk

³² Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 4:32 ပူးပေါင်းရင်းမြစ်များ

2TAWARIKH 33:13

Manetualain sipok Manasye huhule-haladoin, de Ana fe falik-kana eo Yerusalem neu fo ana paleta seluk. Hu kande manada'dik ndia de, Manasye da'di namahele nae Amak-ka nde bee na Manetualain.

AYUB 9:12

Metema, Ana kalo hata-heto soona, see kande napalani, kena-ka'in-nana? do napalani natanen nae, ‘Hai, O tao beek ndia?’

MAZMUR 115:3

Ita Manetualain-na, nai nusa so'dak-ka, Ana tao hata fo, nahiik-kana.

MAZMUR 135:6

Ana tao hata fo, nahiik-kana, nai lalai ma daebafak-ka, nai tasi ma nai tasi maloaina madema.

KELUARAN 8:10

Manek ndia nataa nae, “Balahaa soona, hule-haladoi fe au.” Musa nae, “Neukose au tao atetu au Ama Maneng-nga nonoken-na. Soona neukose, au Ama Maneng-nga bubuluk, nae ta hapu Manetualain fe'ek, sama leo Manetualain, fo ami Manetualaim-ma.

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

KELUARAN 9:29

Musa nafa'da manek-ka nae, “Au losa kota deak tutik-ka, neukose au so'uk au limang-nga, fo au hule-haladoi neu Manetualain. Neukose mangguluk-ka hahae, ma u'da eis-sa neukose nakamate, fo ela au Ama Maneng bubuluk, nae daebafak ia, Manetualain nuun.

YESAYA 37:20

Ou, ami Manetualain po'i ami neme hataholi Asyur sila-la mai, fo ela basa leoina manai daebafak-ka lala'en-na, ala bubuluk lae ka'da O mesa-mesam-ma nde Manetualain-na.”

YESAYA 40:15

Ba'eneu Manetualain soona, leoinak-kala, sama leo oe titik esa nai haik dale, sama leo afu faa anak nai tatais lain; nusak-kala, da'uanak sama no afu sopuk-ka.

YESAYA 40:17

Basa leoinak-kala, sosoa-ndandaan ta, ba'eneun, nono'kabai, hata ta nai matan-na fa.

YESAYA 45:3

Boema neukose Au fe o su'i-betes fo, nananafunik-ka, fo ela o bubuluk, Au nde Amak, fo Israel Manetualain, fo naloo basa o, nenik o na'dem-ma,

YEREMIA 27:5

“Au akadada'dik daebafak-ka, ma hataholi daebafak-ka no basa bana-manu lala'en-na nenik Au koasang-nga fo matuaina, ma nenik Au be'i balakaing, fo Au apu fen neu see ndia boe fo Au ahiik-kana.

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

DANIAL 4:31

Au beita kokolak basa boen te, halak-ka nananamanenek neme lalai mai nae, “Mane Nebukadnezar, mamanene dede'ak-ka nde ia! O manuu koasa da'dileo manek-ka, nanaho'i-nak neme o mai so.

DANIAL 5:21

Nanausi henik neme hataholi daebafak-ka dalek mai ma dudu'a-aafin da'di sama leo bana-manu dudu'a-aafin. Naso'da no keledei fuik-kala, na'a na'u sama leo sapi-a, ma ana sungu nai moo maloa dale, de nakadoe dinis. Mate'en-na, ana manaku nae Manetualain Fo Mademaina koasa hataholi daebafak-ka nusan-na, ma Ana fe nusak ndia neu su'di see fo Ana helen.

YOSUA 4:24

fo ela basa hataholi manai daebafak-ka bubuluk, Manetualain koasan-na ba'un-na seli. Ma no enok ndia boe, neukose emi fe ha'da-holomata neu emi Manetualaim-ma, losa dodoon-na.”