DANIAL 4:29 - Susula Malalaok Hehelu Palak Ma Hehelu Beuk

²⁹ Bulak 12 makabuin-na, nai lelek au la'o-la'o eme au osing manai au uma maneng Babel-la ta'dan manai lain-na,

DANIAL 4:29 ပူးပေါင်းရင်းမြစ်များ

KEJADIAN 6:3

Boema Manetualain nafa'da nae, “Au ta nau hataholi daebafak-ka naso'da losa dodoon-na fa; sila mahahaek manasapu-manalalok, de muse mate. Mulai besak ia, teun-nala, neukose ta lena neme teuk 120 mai fa.”

PENGKHOTBAH 8:11

Tao le'e de, mu'dak la'iesak-kana, hataholi-a tao tatao-nono'i mangalauk-ka? Hu kande ta fe huhukuk-ka no lai-laik fa.

DANIAL 4:14

Ana kokolak napane'e nae, ‘Lo'o heni ai ndia, fo ta'ti-ma ndanan-nala, makanunuku heni doon-nala ma tapa nggenggela-ngganggali boan-nala. Usi heni basa bana manalu'u nai sa'on dale-la, ma basa manupui mandunuk nai ndanan-nala lain.

DANIAL 4:22

Hei Ama Manek, Ama Manek nde ai mademaina ma balakaik ndia. Ama Manek matua-mademan boeo, ana popo-tama losa lalai, ma Ama Manek koasan-na namaloa losa daebafak-ka pe'dan-na.

DANIAL 4:30

boema au afa'da ae, “Mitak, kota Babel-la anseli! Au nde afofo'an da'di nusaina ia polon-na, fo ana da'di buti neu au koasang-nga, ma au be'i-balakaing, au mandela-masa'ang ma au matua-mademang!”

1 PETRUS 3:20

fo nde Noh tepo-lele na, hataholi fo ta mana tunga Manetualai na, samane nala. Nai lelek ndia, Manetualain nahani no ta haelai namanasa, losa Noh tao na ofa ka. Hataholi manai ofak lai na basa-basas ka'da hataholi falu laso'da leme faa tua ka mai.

2 PETRUS 3:15

Bole tafa'da tae, Lamatua ka ta hae lai namanasa ita ndia nde bee na, Ana fe ita fai loak soaneu ita tuka tei-sale dale, fo daenga ita hapu so'da ka. Paulus, fo ita tolanoo susue na, ana sulak fe emi susulak nae leondia boe. Manetualain fen dudu'a-aafi manatee tenok, de ana sulak susulak ndia.

NINITAK 2:21

Au fe basan fai loak soaneu ana tukatei-saledale neme sala-singo nala mai so, tehu ana ta nau hahae tao-no'i dede'a sosoa-piaok sila la fa.