DANIAL 3:7 - Susula Malalaok Hehelu Palak Ma Hehelu Beuk

⁷ Hu ndia de, lamanene musik sila-la lalii boema, hataholi maneme basa leoina, leo ma dede'ak lala'en-na sila, ala sene-do'ok dodoki-dudulak lilopilas ndia.

DANIAL 3:7 ပူးပေါင်းရင်းမြစ်များ

YEREMIA 51:7

Makahulun-na Babel sama leo ngala lilo-a fo Au ho'un ma ana tao nan basa daebafak-ka mafuk. Leoina-la linu angol neme ngala ndia fo ala da'di lamulu.

DANIAL 2:46

Boema Mane Nebukadnezar-ra senek neu Danial matan-na, de ana paleta fo ela fe ha'da-holomata neu Danial ma tunu-hotu fen tutunu-hohotuk nanatunuk, boema tunu-hotu fe'ek.

DANIAL 3:10

Ama Manek po'i basa paleta mae metema musik-kala lalii tu'tik-ka basa hataholi-la muse sene-do'ok dodoki-dudulak lilopilas ndia,

DANIAL 3:4

solda'du manamanea manek-ka naloo bou-bou napane'e nae, “Tolano-tolanook fo maneme basa leoina, leo ma dede'ak lala'en-na lemin! Mamanene manek-ka paletan-na nde ia nae:

DANIAL 3:5

Metema pupuuk-ka nalii, fo basa soona kinuk-ka nalii, sasanu, labu, gambus, serdam, ma musik fe'ek-kala lalii soona, tolano-tolanook-kala muse sene-do'ok neu Mane Nebukadnezar-ra tao-na dodoki-dudulak lilopilas ndia.

DANIAL 3:6

Ba'eneu see fo ana ta tunga paleta ia fa soona, neukose tapan leo ha'i manafolokakaak dale neu tutik.”

DANIAL 3:8

Hataholi Babel de'ubee, ala pake fai loak ndia fo tao susa hataholi Yahudi-la.

HATAHOLI 14:16

Nai lelek makahulu na, Manetualain po'ilotak leoina la laso'da tunga sila hihii-nanau nala.

1 YOHANIS 5:19

Leomae Hataholi Mangalauk ndia, ana koasa nai basa daebafak ia lala'ena, tehu ita bubuluk basa, Manetualain nuun ita so.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.

NINITAK 13:14

Basa hataholi fo laso'da nai daebafa ka, bana ndia ke'dindiu nalas ninik manda'di beuk fo ana taon nai bana makasososak ndia mata na. Ma nadenu basa-basas fo lapadedeik la ai batu nanadokik esa neme bana nanatati nahinak ninik tafaina so, tehu naso'da nahele ndia.

NINITAK 13:3

Langak esa neme bana ndia langa kahitu nala, meten soona nono'ka bai bisu mana aa'do ka, tehu bisu ndia ana hai so. Basa daebafa ka lala'ena tunga bana ndia no bafa nala bee poo.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 17:8

Bana ndia makahulu na naso'da hai so, tehu besak ia ta naso'da so'on. Ba'ihanak seluk faa bai te, neukose ana kalua neme faka mamates dale mai, fo nasasale matak no momopo-mamate sa. Hataholi fo laso'da nai daebafa ka, fo na'de nala ta nanasulak nai Susula Hataholi Maso'da ka dalek te daebafak ia beita nananakadada'dik fa, neukose ala dodoo doa kana, metema lita bana ndia. Nana bana ndia makahulu na naso'da hai so. Besak ia ta naso'da so'ok, tehu neukose ana to'da mai seluk.

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.