DANIAL 3:29 - Susula Malalaok Hehelu Palak Ma Hehelu Beuk

²⁹ Hu ndia de, au paleta fo basa hataholi maneme leoina, leo do dede'ak beek boe, fo ana kokolak nakadadaek Manetualain fo Sadrakh, Mesakh ma Abednego sene-do'ok-ka soona, neukose tete'te-nan lutu-lutu ma tao natu'u uman-na fo taon da'di ai batu madodouk. Nana ta hapu lamatua daebafak bee boe, ana bisa tao hata fo Manetualain ndia tao basak-ka so.”

DANIAL 3:29 ပူးပေါင်းရင်းမြစ်များ

2RAJA-RAJA 10:27

Ala tao lakalulutuk dodoki-dudulak ndia, sama-sama no uman-na, boema ala tao mamanak ndia, da'di mamana teteik, ma momoek, losa faik ia.

EZRA 6:11

Au fe paleta, fo ela hataholi fo manala'o lena paleta ia, fe'a heni uman-na diin esa, fo tetei mamatane pe'dan-na, soona paun leo hataholi ndia aon dale neu, losa sapiselik-kana. Muse ofe heni uman-na, fo taon da'di mamana tutu'u kadafuk.

MAZMUR 3:8

Ou au Manetualain soi-tefa-mala au leona, huku ma to-ma basa au musung-ngala, da'di lu'u eik.

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

DANIAL 1:19

Manek-ka natane fo lataa, boema ana hapu Danial, Hananya, Misael ma Azarya malelan-nala lena heni basa fe'ek sila-la nai malelak lala'en-na dalek. Boema ala mulai ho'u tatao-nono'in-nala nai uma manek dale.

DANIAL 1:7

Malanga uma manek-ka nggati heni na'den-nala da'di: Beltsazar, Sadrakh, Mesakh, ma Abednego.

DANIAL 2:17

Manek-ka sipok nonoken ndia, boema fali leo uma neu, de nafa'da basa manda'dik sila lala'en-na neu Hananya, Misael, ma Asarya.

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

DANIAL 2:49

Tehu no Danial nonoken-na, de manek-ka fe Babel leo Sadrakh, Mesakh, ma Abednego neu fo ala paletan, te Danial leo neme manek-ka uma manen-na.

DANIAL 2:5

Boema manek-ka nataa nae, “Au ho'i basa nakeketuk-ka nde ia nae, Emi muse mafa'da au me'is ndia, ma leondiak boe sosoa-ndandaan. Metema emi ta mafa'da-mala fan soona, neukose emi nanatete'tek ma neukose emi umam-mala nanatao natu'uk.

DANIAL 3:12

Tehu Ama Manek fe hataholi Yahudi de'ubee, ala paleta lai Babel, ala ta tunga Ama Manek paletan ndia fa. Hataholi sila nde Sadrakh, Mesakh ma Abednego. Hataholi sila-la ta nau sene-do'ok neu Ama Manek lamatua daebafan-nala fa, ma ala ta nau sene-do'ok neu Ama Manek tao-na dodoki-dudulak lilopilas-sa boen.”

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

DANIAL 3:17

Metema Manetualain fo ami sene-do'ok-ka napalani soi-tefa-nala ami neme ha'i manafolokakaak ndia dalek mai, ma neme Ama Manek koasan-na mai soona, tao leo bee-o Ana taon.

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

DANIAL 6:28

Ana soi-tefa ma Ana soi-po'i, Ana tao manada'di beuk ma dede'a matabeuk nau nai lalai do nai daebafak-ka boe. Ana soi-tefa-na Danial neme singa-la bafan-na mai so.”

ULANGAN 32:31

Israel musun-na, ana bubuluk, nae sila manamasulu-mahapan-na, ta sama leo Manetualain, fo Israel manamasulu-mahapan-na fa.