DANIAL 3:27 - Susula Malalaok Hehelu Palak Ma Hehelu Beuk

²⁷ Basa Manek-ka limaboa konan-nala, basa nggobelnol-lala, bupati-la ma hataholi mana'a ngga'di fe'ek-kala, okofeo-la hataholi ka teluk sila-la de ala mete litas ha'i manafolokakaak ndia ta koila'es faa anak boen. Ha'i-a ta na'a langa doon esa boen, ma bua papaken-nala beele'de, nakalenak ha'i boon-na boeo, ta la'e fas.

DANIAL 3:27 ပူးပေါင်းရင်းမြစ်များ

1RAJA-RAJA 13:28

Ana nita nabi fo maneme Yehuda mai ndia popolan-na bei lee-lee nai enok lain no keledei na ma singa nai boboan-na. Singa ndia ta kaa keledei ndia fa, ma ta na'a popolak ndia boen.

2RAJA-RAJA 19:19

Ou Manetualain, fo ami Manetualaim-ma soi-po'i ami neme hataholi Asyur sila-la mai, fo ela basa leoina manai daebafak-ka lala'en-na bubuluk, lae ka'da O mesa-mesam-ma nde Manetualain.”

MAZMUR 83:18

Nemen-na fo ala hapu mamaek, ma ala bii-lamata'u losa dodoon-na, nemen-na fo mates lai nakamumulu-nakamamaek-ka dalek.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

DANIAL 3:21

No lai-laik ala henge hataholi ka teluk sila-la loo bua papaken-nala lala'en-na, fo nde ba'du, ba'du manalu, ti'ilanga ma bua papake fe'en-nala, boema ala tapas leo ha'i manafolokakaak ndia dalek neu.

DANIAL 6:23

Atam-ma Manetualain-na haitua ata nusa so'dan-nala mai so, de ala ko'o ketu singa sila-la bafan-na, nalosa ala ta tao atam-ma le'e fa. Manetualain soi-tefa-na atam-ma, nana Ana bubuluk nae, atam-ma ta tao salak soaneun, ma soaneu Ama Manek fa.”

DANIAL 6:7

Basa boema basa-basas leu leo manek-ka leu de lafa'da lae, “Ou Ama Manek Darius, so'dak ba'eneu Ama Manek losa dodoon-na!

MATEOS 10:30

Langa dook manai emi langam lai na, nanaleke basak so.

HATAHOLI 26:26

Ama Mane Agripa boeo malelak matalolole dede'ak sila la. Hu ndia de, au apalani kokolak dede'ak sila la nai Ama Manek matan no mangale'dok. Au amahele, Ama Manek malelak basa dede'ak sila la so, nana basa sila la ta da'di nai mamana nafunik fa.

HATAHOLI 27:34

Hu ndia de, au oke tolanoo kala mi'a-minu faa dei. Ndia malole soaneu emi, fo ela emi ao ma balakai. Nana neukose tolanoo kala basa-basam maso'da beno'u, ma ta kulang hata esa boen.”

IBRANI 11:34

ala taolisa ha'i manapila lo'a-lo'a ka, ala di'oheni tafaina mamai na; ao nala tapandoes, tehu ala da'di balakaik; lapalani nai musu dale, nalosa ala sengi leoina manamai la solda'du nala.