DANIAL 3:26 - Susula Malalaok Hehelu Palak Ma Hehelu Beuk

²⁶ Boema Nebukadnezar neu de napadeik deka ha'i manafolokakaak ndia lelesun-na, ma naloo bou-bou nae, “Sadrakh, Mesakh ma Abednego, Manetualain Fo Mademaina, atan-nala lemin! Kalua meme ha'i manafolokakaak ndia dalek mai leon!” Boema ala kalua leona.

DANIAL 3:26 ပူးပေါင်းရင်းမြစ်များ

KEJADIAN 14:18

Melkisedek, manek Salem, fo ana da'di Manetualain Fo Mademaina imam-ma, neni fe Abram loti ma angol,

1RAJA-RAJA 8:51

Sila nde been-na O ana mesam, fo O moos kalua leme Masir mai, fo mamanak sila nana tuni-ndenik.

EZRA 5:11

Boema lataa lae, ‘Ami ia, Manetualain manakoasa lalai ma daebafak-ka, atan. Besak ia, ami mafofo'a falik Manetualain Uman, fo Israel mane matua-mademan esa, napadedeik-kana, de ana sadia-na, basa hata-heton lala'en-na lamadai, ndek teu-teuk makahulun eli.

MAZMUR 66:12

O po'ilotak musu-a heheta-aa'i ami; ami la'ok tunga faa, ma ha'i-a tala'da. Tehu besak ia, O moo ami leo mamana tetu-temak-ka neu.

YESAYA 28:16

Hu ndia de, Manetualain Fo Mademainan-nafa'da nae leo ia, “Neukose, Au tao uma latek fo, matea ma mahelek nai Sion; batu bu'uk kabelik esa, fo nanasulak nai batu ndia nae, ‘See fo namahehelena matea-mahelek soona, neukose ana ta nau kala fa.’

YESAYA 52:12

Neukose emi ta makalupu lala'ok fa, ma ta sama leo, hataholi manamalaik-ka fa. Nana, neukose Manetualain hela-nole emi; Israel Manetualain-na, neukose nasulu-nahapa emi, neme bu'u-bu'uk lala'en-na mai.

YEREMIA 11:4

Hehelu-hoholong ndia Au tao basan neu sila bei-ba'ikain-nala, nai lelek Au O falik-kasa kalua leme Masir mai, fo nusak ndia sama leo tasi ha'i ba'eneu sila. Au adenus lamahele neu Au, ma tao no'i basa hata fo Au paleta basak-ka so. Besak ia Au afa'da basa hataholi Yehuda-la ma Yerusalem laun-nala ae, metema ala lamahele Au soona, neukose sila da'di Au anang, ma sila Manetualain nde Au.

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

DANIAL 3:17

Metema Manetualain fo ami sene-do'ok-ka napalani soi-tefa-nala ami neme ha'i manafolokakaak ndia dalek mai, ma neme Ama Manek koasan-na mai soona, tao leo bee-o Ana taon.

DANIAL 4:2

Au ahiik tui la'eneu manada'di beuk, ma ta'du-tana matabeuk fo Manetualain Mademaina, Ana tao basan soaneu au so.

DANIAL 6:20

Lolebalahak boema, manek-ka fo'a, de neu lai-lai leo singa-la lean-na neu.

DANIAL 6:21

Ana losa naa boema, naloo no halan-na do'e-do'e nae, “Danial, fo Manetualain maso'dak-ka atan-na! Ade, o Manetualaim fo o sene-do'ok-kana no lilinekak-ka, napalani soi-tefa-na o neme singa sila-la mai so do?”

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

HATAHOLI 16:17

Inak ndia ka'da tunga nahele ami mo Paulus. Ana eki ma nae, “Hataholi ia la Manetualain Fo Matua-Madema ndia atan sila! Ala mai fo lafa'da tolanoo kala, eno na tao leo beek fo tolanoo kala hapu so'dak!”

HATAHOLI 16:37

Tehu Paulus nafa'da polisi sila la nae, “Nusa Roma laun ami. Ma emi beita palisak ami dede'a ma boen te, emi filuk ami nai lea matan, ma emi tao ami leo bui dale meu. Tehu besak ia, emi madenu ami fali no denge-dengek? Ami ta nau fa. Madenu mana paleta sila la mai matan fo ala po'i ami.”

HATAHOLI 27:23

Nana Manetualain fo au sene-do'o ka, fo nde Manetualain mana manuu au a, le'odae ka nadenu atan esa mai,

GALATIA 1:10

Ade no enok ndia fo meten soona, nonoo ka bai de, au amahena hataholi daebafa ka, manaku au do? Ta leondiak fa! Au amahena ka'da Manetualain nde manaku au a. Ade au bei sanga enok fo, au ho'i hataholi daebafa ka dale na, fo ela ala manaku au do? Metema au bei tao leondiak soona, Kristu satan ta au fa.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

YOSUA 4:10

Basa imam-mala lapadeik lahele lai Lee Yarden-na tala'da heon, losa hataholi sila-la tao basa hata lala'en, fo Manetualain paleta neus, tunga Yosua. Ndia nandaa no Musa natutu'dun neu Yosua. No lai-laik, hataholi Israel-la lena Lee Yarden-na.

NINITAK 19:5

Boema au amaneme hala ka neme kandela manek ndia mai nae, “Emi muse koa-kio ita Manetualai na, emi basa-basa mala, ana ma matua, malalau-maoono ma manasene-do'o kana!”