DANIAL 3:25 - Susula Malalaok Hehelu Palak Ma Hehelu Beuk

²⁵ Boema manek-ka nae, “Tehu tao le'e de au ita hataholi 4 beela'o nai ha'i ndia tala'da heon? Ta nanapa'ak-kala so'on, ma ta lame'da he'dis hata esa boen. Ma hataholi ka 4, mata-panan sama leo lamatua daebafak-ka.”

DANIAL 3:25 ပူးပေါင်းရင်းမြစ်များ

AYUB 1:6

Faik esa boema, mahahaek nusa so'dak-kala, leu leo Manetualain leu, de nitu neu boe.

AYUB 38:7

nai lelek, nduu fafaik-kala, lakamee sama-sama loo mahahaek nusa so'dak-kala ma ala eeki-latadale no namahoko-seteleek.

AYUB 5:19

Metema, soe-a mai soona, o nanasoi-tefak tataas esa.

MAZMUR 34:7

Hataholi ua-nale ta malole-a, naloo bou-bou, de Manetualain nataan, Ana soi-po'in neme makase'en lala'ena mai.

AMSAL 30:4

Hataholi see-ka, kae-kona hai nusa so'dak-ka so? Ana nafanggete hai anin-na neme liman dale, ma ana poti oe nai ba'dun dale, do naketu daebafak-ka, too-lanen so do beik? See ndia, ma anan-na nde see? Tao leo bee-o, o bubuluk-kana!”

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YEREMIA 1:8

Boso bii-mamata'u neus, nana neukose Au sama-sama o o, fo Au asulu-ahapa o. Au, fo Manetualain nde manakokolak-ka!”

YEREMIA 15:21

Neukose Au atapo'ik o neme hataholi mangalauk-kala koasan-na mai, fo manasa-mameluk ndia. Au, Manetualain, nde manakokolak.”

DANIAL 3:18

Tehu leomae Ana ta tao fan boe, ela leo been-na Ama Manek bubuluk te neukose ami ta sene-do'ok neu Ama Manek lamatua daebafan-na, ma sene-do'ok neu Ama Manek dodoki-dudula lilopilan ndia fa.”

DANIAL 3:24

No kaiboik, Mane Nebukadnezar-ra nggenge nanseli. No lai-laik ana fo'a, de naloo bou-bou neu hataholi mana'a ngga'din-nala nae, “Ade, na'kasa ita henge hataholi 3, de tapas leo ha'i ndia dalek neu hetu?” Boema lataa lae, “Memak tete'ek-ka, Ama Manek.”

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

DANIAL 6:23

Atam-ma Manetualain-na haitua ata nusa so'dan-nala mai so, de ala ko'o ketu singa sila-la bafan-na, nalosa ala ta tao atam-ma le'e fa. Manetualain soi-tefa-na atam-ma, nana Ana bubuluk nae, atam-ma ta tao salak soaneun, ma soaneu Ama Manek fa.”

MARKUS 16:18

Metema ala ho'u menge do linu laso soona, neukose ala ta hapu susa-soe fa. Metema ala lalaa lima nala neu hataholi kamahe'di sala lain soona, neukose hataholi kamahe'dis sila la ala lea-hai.”

LUKAS 1:35

Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan.

HATAHOLI 28:5

Tehu Paulus pisiheni menge ndia leo ha'i lain neu te, ta name'da he'dis faanak boen.

ROMA 1:4

tehu tunga Dula Dale ka soona, Manetualain Anan Yesus Kristus ndia. Fo ta'du-tanan nde, no Manetualain koasa matuaina na de, naso'da falik neme mamate sa mai.

1 PETRUS 3:13

Metema emi tatao-nono'im malole soona, see ka nde napalani tao mangalauk neu emi a?