DANIAL 3:19 - Susula Malalaok Hehelu Palak Ma Hehelu Beuk

¹⁹ Boema, Mane Nebukadnezar-ra nasan-na lua ponu-ponu soaneu Sadrakh, Mesakh ma Abednego, nalosa mata-panan pila lo'a-lo'a. Ana paleta fo ala tao-la ha'i manafolokakaak ndia mahaan-na, nahaa la'i hitu lena neme mahaa biasan-na mai.

DANIAL 3:19 ပူးပေါင်းရင်းမြစ်များ

KEJADIAN 31:2

Yakob boeo nita, nae Laban ta mangana'uk non so'on, sama leo makahulun-na fa.

ESTER 3:5

Nai lelek Haman namanene lae, Mordekhai ta nau sene-do'ok neu fan boema, namanasa nanseli.

ESTER 7:7

Manek-ka namanasa nanseli, boema ana fo'a la'oela mei-a, tuti'ka ana leo deak neu, de neu leo uma manek-ka osin dale neu. Haman bubuluk, nae manek-ka ho'i basa nakeketuk soaneu hukun so, hu ndia de, ana leo nahele no Ina Manek Ester-ra, soaneu ana dokodoe, fo ela Ester soi-tefan.

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

AMSAL 16:14

Manek-ka nasa-melun nde been-na, sama leo hala nafa'dak la'eneu huhuku nisak-ka; tehu hataholi manatee-tenok-ka, neukose ana sanga enok fo tao natenak henin!

AMSAL 21:24

Hataholi manakoao-ndaeaok, ma namatutua-namadedema aoinan-na, ana hii ka'da nakamuu-nakadau, ma malela ha'da taak.

YESAYA 51:23

Au fe doidosok ndia, neu hataholi manatuni-ndeni emi, fo nadenu emi mangape'uk hai meme dae lain so, fo ana heheta-aa'i emi, nono'kabai, emi da'di enok, fo hataholi-la'ok tunga lain.”

DANIAL 2:12

Manek-ka namanene dede'ak ndia boema, namanasa nanseli de ana paleta fo taolisa la'iesak hataholi malelaina manai Babel-la.

DANIAL 3:13

Manek-ka namanene dede'ak ndia boema, namanasa nanseli, de ana paleta fo leu lala hataholi ka teluk sila-la, fo mai lataa ndia.

DANIAL 3:20

Boema nadenu solda'du mabe'i-balakain de'ubee fo ala henge Sadrakh, Mesakh ma Abednego fo tapas leo ha'i manafolokakaak ndia dalek neu.

DANIAL 5:6

Mata-panan fula ma ana bii nanseli, nalosa lungulangan-na dele ngge'be-ngge'be.

DANIAL 6:24

Manek-ka namahoko nanseli, de ana paleta fo kalua heni Danial neme leak ndia dalek mai. Lakalala'ok basa paleta ndia boema, ala mete te ta hapu hinak faa anak boen nai Danial aon-na fa, nanahu namahele neu ndia Manetualain-na.

IMAMAT 26:18

Metema, emi la'ola'di basa huhukuk sila-la, te emi beita nau tunga Au boen soona, neukose Au popo-tama seluk emi huhuku-ma la'i hitu.

IMAMAT 26:21

Metema, emi bei lena-la'ban mahele Au boe, ma ta nau tunga Au fa, soona neukose, Au popo-tama seluk emi huhukum-ma la'i hitu.

IMAMAT 26:24

soona neukose, Au anoli emi, ma Au huku emi la'i hitu, fo belan-na lena huhuku makahuluk-kala.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

HATAHOLI 5:33

Lelek Mana Maketu-Mala'di Agama Matua Ina hataholi nala lamanene dede'ak ndia boema lamanasa lanseli, de lalahalak fo ala taolisa hataholi nadedenuk sila la.

HATAHOLI 7:54

Mana maketu-mala'di matua la lamanene basa hata fo Stefanus nafa'da ka boema, dale nala he'di sa ma lamanasa mangalalau.