DANIAL 3:17 - Susula Malalaok Hehelu Palak Ma Hehelu Beuk

¹⁷ Metema Manetualain fo ami sene-do'ok-ka napalani soi-tefa-nala ami neme ha'i manafolokakaak ndia dalek mai, ma neme Ama Manek koasan-na mai soona, tao leo bee-o Ana taon.

DANIAL 3:17 ပူးပေါင်းရင်းမြစ်များ

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

KEJADIAN 18:14

Ade, hapu hata mateaina ba'eneu Manetualain do? Sama leo na'kasa, Au afa'da basan ae, bei bulak sio seluk bai te, neukose Au fali ma'ing-nga leo ia mai. Te nai lelek ndia, neukose Sara bongi ni'iana touanak esa so.”

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

AYUB 5:19

Metema, soe-a mai soona, o nanasoi-tefak tataas esa.

MAZMUR 115:3

Ita Manetualain-na, nai nusa so'dak-ka, Ana tao hata fo, nahiik-kana.

MAZMUR 37:39

Manetualain soi-tefa hataholi manatao malole-a, ma nasulu-nahapas nai lelek fai to'a-taak-ka.

MAZMUR 37:40

Ana tulu-fali, ma Ana soi-tefas, ma Ana fes lala hataholi mangalauk-kala deak, nana, ala lasulu-lahapa leu Manetualain.

MAZMUR 73:20

Sama leo me'is-sa, mopon nai fai fafain-na; lelek O fo'a mapadeik, ou Manetualain, boema sila boeo, mopok-kasa.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 54:14

O nananafofo'ak nenik netes ndoos ma matetuk, o dook-ka neme bibii-namata'u matuaina, ma tuni-ndenik-ka mai.

YEREMIA 1:8

Boso bii-mamata'u neus, nana neukose Au sama-sama o o, fo Au asulu-ahapa o. Au, fo Manetualain nde manakokolak-ka!”

YEREMIA 15:20

Neukose Au tao o da'di lutu batu mahelek soaneu sila. Neukose ala latee-latati lo o tehu neukose ala ta hapu tao lakala o fa. Neukose Au ook o, ma asulu-ahapa ma soi-tefa ala o.

YEREMIA 15:21

Neukose Au atapo'ik o neme hataholi mangalauk-kala koasan-na mai, fo manasa-mameluk ndia. Au, Manetualain, nde manakokolak.”

DANIAL 3:26

Boema Nebukadnezar neu de napadeik deka ha'i manafolokakaak ndia lelesun-na, ma naloo bou-bou nae, “Sadrakh, Mesakh ma Abednego, Manetualain Fo Mademaina, atan-nala lemin! Kalua meme ha'i manafolokakaak ndia dalek mai leon!” Boema ala kalua leona.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

DANIAL 6:16

Basa boema, hataholi sila-la leu lafa'da manek-ka lae, “Ama Manek, ela leo been-na Ama Manek mafandendelek te, tunga Media ma Persia susula nakeketun-na, metema manek-ka kalua susula paleta soona, ta bisa ngati-nggati no fan.”

DANIAL 6:23

Atam-ma Manetualain-na haitua ata nusa so'dan-nala mai so, de ala ko'o ketu singa sila-la bafan-na, nalosa ala ta tao atam-ma le'e fa. Manetualain soi-tefa-na atam-ma, nana Ana bubuluk nae, atam-ma ta tao salak soaneun, ma soaneu Ama Manek fa.”

DANIAL 6:27

Au fe paleta neu basa hataholi manai au nusang-nga dalek, fo ela ala bii ma fe ha'da-holomata neu Manetualain fo Danial sene-do'ok-ka! Ndia nde been-na Manetualain fo maso'dak losa dodoon-na neu, Paletan-na manaketu basa tak. Tao leo bee-o, nusan-na ta mopo-mate fan. Koasan-na manaketu basa tak.

MIKHA 7:7

Tehu ita tamahena neu Manetualain; ita tahani ita Manetualain, no namahehele henuk. Neukose namanene ita huhule-haladoin fo Ana soi-tefa-na ita.

LUKAS 1:37

Nana ba'eneu Manetualain soona, ta hapu hata fo ana ta da'di fa.”

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

HATAHOLI 21:13

Tehu Paulus nae, “Sosoak hata tolanoo kala kii leoiak, de nalosa emi tao ma au dale nga nakalulutuk? Au sadia basa, ta ka'da soaneu ala ho'u au nai naa fa, te au sadia basa soaneu au mate hu ka nde Lamatuak Yesus.”

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

SEMUEL SUSULAK-KA ESAN-NA 17:37

Manetualain soi-tefa-na atam-ma neme singa ma meoasu-a mai so, de Ndia boeo neukose soi-tefa-na atam-ma neme hataholi Filistin ndia mai.” Boema Saul nafa'dan nae, “Hei, sa'di leo been-na, Manetualain, tulu-fali o.”

SEMUEL SUSULAK-KA ESAN-NA 17:46

Faik ia boe, neukose Manetualain fe o leo au mai; neukose au sengi o, fo au te'te heni o langam-ma. Neukose au fe o aopaam-ma, ma solda'du Filistin-nala aopaan-nala, neu manupui-la ma bana-la fo la'an. Soona basa daebafak-ka lala'en-na, neukose bubuluk, lae ami leoinam Israel, manuu Manetualain, de ami sene-do'ok-kana,