DANIAL 3:14 - Susula Malalaok Hehelu Palak Ma Hehelu Beuk

¹⁴ Ala mai boema, manek-ka natanes nae, “Sadrakh, Mesakh ma Abednego! Tete'ek-ka, emi ta nau sene-do'ok neu au lamatua daebafang-ngala, ma emi ta nau sene-do'ok neu au tao-a dodoki-dudulak lilopilas ndia boe hetu?

DANIAL 3:14 ပူးပေါင်းရင်းမြစ်များ

YESAYA 46:1

Babel lamatua daebafan-nala, babasan-na nde ia; makahulun-na, dodoki-dudulak Bel ma Nebo, nanasene-do'ok, tehu besak ia, nanafuak nai bana-manu lain, de ala da'di lelepa mabela, soaneu bana-manu manasota-manguk-ka.

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

DANIAL 3:1

Faik esa boema, Mane Nebukadnezar-ra tao-na dodoki-dudulak esa, deman-na metel 27, ma loan-na metel 3. Napadedeik dodoki-dudulak ndia neu moo matetuk Dura, nai propensi Babel-la.

DANIAL 4:8

Mate'en-na, Danial fo loken lae Beltsazar boe, fo na'den-na sama leo au lamatua daebafang-nga na'den-na ndia, ana mai. Danial dalen-na henuk no lamatua daebafak malalao-malalafuk-kala duladalen-na. Au tuin au me'ing ndia boe ae,