DANIAL 3:1 - Susula Malalaok Hehelu Palak Ma Hehelu Beuk

¹ Faik esa boema, Mane Nebukadnezar-ra tao-na dodoki-dudulak esa, deman-na metel 27, ma loan-na metel 3. Napadedeik dodoki-dudulak ndia neu moo matetuk Dura, nai propensi Babel-la.

DANIAL 3:1 ပူးပေါင်းရင်းမြစ်များ

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

ESTER 1:1

Nai Susan, fo Persia kotan-na polon-na, Ahasyweros paleta da'di manek. Nusan-na nanaba'ek neu propensi 127, fo mulai neme India losa Sudan.

MAZMUR 135:15

Sla sosongo-tatangon nanataok neme lilopilas ma lilofulak-ka, hataholi daebafak-ka nde tao-sala.

KELUARAN 20:23

Boso tao dodoki-dudulak lilofulak do lilopilas, fo sene-do'ok neun, te emi muse sene-do'ok ka'da neu Au mesang-nga.

KELUARAN 32:31

Boema Musa neu nasasalematak seluk no Manetualain de nafa'da nae, “Leoina ndia tao basa sala-singok matuaina so. Ala tao lamatua fe'ek neme lilopilas-sa mai.

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

YESAYA 46:6

Hataholi-a ana buka tas doin-na, fo ana poli lilopilan-na, boema ana tai lilofulan-na, nenik tatais. Ana se'ba-bae tuka lilopilas-sa, fo ana tao dodoki-dudula sosongo-tatangok, boema, ana sene-do'ok neu, ana taon-na dodoki-dudulak-ka.

YEREMIA 10:9

Ndia manapopoti-papaluk nenik lilofulak ma lilopilas fo nananenik neme Spanyol ma kota Ufas-sa, fo basa-basas lala'en-na lima tataak neme basa lima leen ma mana tao nalelak lilopilas-sa. Papake-ngganggaon neme temak pilas balanggeok ma tema pilas nulak-ka mai, fo nanatao neme basa manatenu malelak-ka mai.

YEREMIA 16:20

Hapu hataholi daebafak tao aon ndia lamatua daebafan-na do? Tao leo beo ta! Manataok ndia tao leo beo ta Manetualain fa.”

DANIAL 2:48

Basa boema ana fe Danial nangatutuu madema, ma ana fen bua-lo'a manahiik makadotok, ma ala so'un da'di nggobelnol Babel, boema ala fen da'di malangan mademaina neu basa manamanoli-mafa'dak manai uma manek-ka.

DANIAL 2:49

Tehu no Danial nonoken-na, de manek-ka fe Babel leo Sadrakh, Mesakh, ma Abednego neu fo ala paletan, te Danial leo neme manek-ka uma manen-na.

DANIAL 3:14

Ala mai boema, manek-ka natanes nae, “Sadrakh, Mesakh ma Abednego! Tete'ek-ka, emi ta nau sene-do'ok neu au lamatua daebafang-ngala, ma emi ta nau sene-do'ok neu au tao-a dodoki-dudulak lilopilas ndia boe hetu?

DANIAL 3:30

Basa ndia boema, manek-ka nasa'e Sadrakh, Mesakh ma Abednego nangatutuun-nala, de ala da'di manapaleta matua-madema nai propensi Babel-la.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

DANIAL 5:4

Linu-linu ma ala koa-kio lamatua daebafak fo nanataok neme lilopilas, lilofulak, liti, ai ma batu ndia mai.

HOSEA 2:8

Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

HOSEA 8:4

Au anang-ngala hele manek, tehu ta latane Au hahapung-nga fa. Ala so'u mauli-malangan, tehu ta latane Au dale hihiing-nga fa. Ala ho'i sila lilopila lilofulan, fo ala tao dodoki-dudula sosongo-tatangok, fo mate'en-na neni nakalulutuk ba'eneu sila seluk.

HATAHOLI 17:29

Naa, hu ka nde ita ia Manetualain anan, de ita ta bole tafa'da tae, Manetualain sama na leo hata esa nanadoki dulak neme lilopilas, lilofulak, do ai batu fo nanadoki-dulak tunga hataholi daebafa ka malela na.

HATAHOLI 19:26

Besak ia, tolanoo kala mita ma mamanene matam, hata fo touk mana'de Paulus ndia, tao-no'in so. Ana kokolak nae, nitu lalais fo hataholi daebafa ka doki-dula kala, nitu lalais ta sila makandondook fa. Ma ana tao na hataholi makadotok lamahele nanoli na, fo ta ka'da nai Efesus ia fa, tehu hihii nae, nai basa nusa Asia lala'ena boe.

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

NINITAK 9:20

Tehu ela hataholi fo susa soe katelu kala ta taolisa fas ala, ala ta nau hahae tao batu sosongo-tatangok. Ala ta hahae sene-do'ok neu dula dale mangalau kala ma songo-tango lilopilas, lilofulak, liti, batu ma ai, fo ta hapu lita do lamanene, do la'ok boen.