DANIAL 2:47 - Susula Malalaok Hehelu Palak Ma Hehelu Beuk

⁴⁷ Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

DANIAL 2:47 ပူးပေါင်းရင်းမြစ်များ

KEJADIAN 41:39

Boema manek-ka nafa'da Yusuf nae, “Manetualain nafa'da basa dede'ak ia la neu o so, da'di mangale'dok so nae o dodole neuk ma manatee tenok lena neme su'di see mai boe.

2RAJA-RAJA 5:15

Boema, no basa ana manatunga dean-nala, fali le'us leo Elisa leu. Boema, Naaman nafa'da Elisa nae, “Besak ia au bubuluk ae nai basa daebafak-ka lala'en-na, hapu ka'da Manetualain esa, fo nde Manetualain, fo hataholi Israel-la sene-do'ok-ka. Hu ndia de, sa'di been-na, Tuan sipo au fe Tuan buas ia-la.”

AYUB 12:19

nakadadaek imam-mala, ma lasi nggolok-kala.

MAZMUR 136:2

Moke makasi neu Manetualain Fo Mademaina; susue-lalain manaketu-basa tak, losa dodoon-na.

MAZMUR 136:3

Moke makasi neu Manetualain Fo Matuaina nanseli; susue-lalain manaketu-basa tak, losa dodoon-na.

MAZMUR 72:11

Basa manek-kala, neukose ala sene-do'ok nai matan-na, basa leoina lala'ena, da'di atan-na.

MAZMUR 82:1

Asaf Kokoa-kikion. Manetualain nauli-nalanga nakabua malalao-malalafuk-ka, nai nusa so'dak-ka, boema Ana fe naketu-nala'din nae:

MAZMUR 96:4

Nana Manetualain matuina, ma nanakoa-nanakiok nanseli, muse bii-namata'u neun, lena heni basa lamatua daebafak lala'ena.

YESKIAL 26:7

Manetualain Fo Mademaina, nafa'da nae, “Hai Tirus, neukose Au o Mane Nebukadnezar-ra neme Babel mai, fo ana sapu-na o. Manek fo be'i-balakain ba'un-na seli ndia, neukose ana mai neme kii mai, fo no solda'du bubuaina esa loo ndala makadotok, ma kaleta musu-la, boema solda'du manasa'e ndala-la.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 2:19

Nai le'odaek ndia boe, Manetualain nafa'da Danial, me'is ndia bibila-babaan nai ninitak esa dalek. Boema Danial koa-kio Manetualain nai nusa so'dak-ka,

DANIAL 2:22

Ndia nde nafa'da bibila-babaak mademaina. Ndia bubuluk basa hata lala'en fo ana da'di nai makahatuk dale. Mandela-masa'an-na poti-nan.

DANIAL 2:28

Tehu nai nusa so'dak-ka, hapu Manetualain, fo Ana soi heni basa bibila-babaak lala'en-na so, de nafa'da basa Ama Manek, hata fo ana da'di nai fai makabuin. Besak ia, fe atam-a loak soaneu nafa'da mangalele'do me'is ma ninitak fo Ama Manek hapun nai lelek Ama Manek sungu ndia.

DANIAL 2:29

Lelek Ama Manek sungu, Ama Manek nalame'i la'eneu tepo-lelek manamaik-ka. Manetualain soi heni basa bibila-babaak lala'en-na so, de natu'dun neu Ama Manek, hata fo neukose ana da'di.

DANIAL 2:30

Nafa'da basa atam-ma, bibila-babaak babaak ia so, ta hu kande atam-ma malelan-na lena heni su'di see fa, tehu fo ela Ama Manek hapu bubuluk Ama Manek me'in ndia sosoa-ndandaan, ma boeo malelak la'eneu Ama Manek dale bobongoanan-na.

DANIAL 2:37

Ama Manek fo mandela-masa'ak-ka nde been-na, manek neme basa manek lala'en-na mai. Ama Manek nde manakoasa matuaina. Manetualain manai nusa so'dak-ka fe basa Ama Manek nusak ia, koasa, be'i-balakaik ma matua-madema so.

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

DANIAL 3:29

Hu ndia de, au paleta fo basa hataholi maneme leoina, leo do dede'ak beek boe, fo ana kokolak nakadadaek Manetualain fo Sadrakh, Mesakh ma Abednego sene-do'ok-ka soona, neukose tete'te-nan lutu-lutu ma tao natu'u uman-na fo taon da'di ai batu madodouk. Nana ta hapu lamatua daebafak bee boe, ana bisa tao hata fo Manetualain ndia tao basak-ka so.”

DANIAL 4:17

Ami fo ata nusa so'dak manamanea besa-besa, ma mahehele aom-ma, nakeketun-na nde ndia. Ami dale dodoom-ma nde, fo ela basa hataholi su'di nai bee boe, ana manaku nae Manetualain Fo Mademaina nanuu koasa neu hataholi daebafak-ka nusan-na, ma Ana fe nusak ndia su'di neu see fo Ana helen, nakalenak neu hataholi fo leomae sosoa-ndandaan ta boe!’

DANIAL 4:25

Neukose Ama Manek nanausi henik neme hataholi daebafak-ka dalek mai fo maso'da nai bana-manu manai mook-kala tala'da. Nai teuk hitu dalen-na, Ama Manek na'a na'u sama-na leo sapi ma sungu nai moo maloa dale, nalosa Ama Manek nakadoe dinis. Basa ndia soona, neukose Ama Manek manaku nae Manetualain Fo Mademaina, koasa basa hataholi daebafak-ka nusan-nala, ma nusak ndia Ana fen neu see fo Ana helen.

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 5:11

Nana nai Ama Manek nusan dale, hapu touk esa henuk no lamatua daebafak malalao-malalafuk-kala duladalen-na. Nai lelek Ama Manek aman paleta, hataholi ndia nananitak dodole da'uk ma malelak sama leo lamatua daebafak-ka malelan-na. Ama Manek aman Nebukadnezar so'u basan da'di malangan neu basa dukun-nala, hataholi malelaina-la, ma hataholi malela nduuk-kala so.

AMOS 3:7

Manetualain Fo Mademaina, metema beita nafa'da dale tutu'un-na neu basa nabi la, fo atan-nala fa soona, Ana beita tao hata esa boen.

1 KORINTUS 14:25

Basa dede'ak fo nananafunik nai dalen dale ka, neukose nafa'dan, nalosa nakaloe-nakadae ao na, boema ana sene-do'ok neu Manetualain. Neukose ana manaku nae, tete'e ka Manetualain nai emi tala'da heom.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

1 TIMOTIUS 6:15

Manetualain nde naketu fai mamain ndia, nandaa no fai na. Ndia nde mana koasa kisak; Ndia mandela-masa'ak, Manek nai basa manek lala'ena, ma Lamatuak neu basa tuan lala'ena.

YOSUA 22:22

“Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”