DANIAL 2:37 - Susula Malalaok Hehelu Palak Ma Hehelu Beuk

³⁷ Ama Manek fo mandela-masa'ak-ka nde been-na, manek neme basa manek lala'en-na mai. Ama Manek nde manakoasa matuaina. Manetualain manai nusa so'dak-ka fe basa Ama Manek nusak ia, koasa, be'i-balakaik ma matua-madema so.

DANIAL 2:37 ပူးပေါင်းရင်းမြစ်များ

2RAJA-RAJA 25:28

boema, ana taon no malole. Ana fe Yoyakhin nangatutuu madema, lena heni mane-manek fe'ek, fo foo lenis leo Babel leu boe.

2TAWARIKH 36:23

“Kores fo manek Persia paletan-na nde ia! Amak, fo Manetualain manakoasa nai nusa so'dak-ka, nakadada'dik basa au da'di manek neu daebafak-ka lala'en-na, ma Ana fe au bela-ba'uk soaneu afofo'a uma ba'eneun nai Yerusalem fo nai nusak Yehuda. Da'di, emi basa-basam fo manada'di Manetualain anan-nala muse fali leo naa meu! Ela leo bee na emi Manetualain nasulu-nahapa emi.”

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

EZRA 7:12

“Nanafek neme Mane Artahsasta neu Ezra, fo malelaina nai Manetualain, fo manakoasa nai nusa so'dak-ka, hoholo-lalanen.

MAZMUR 62:11

Boso mamahena, emi kalo mini bua kakalok-kala, ma boso masalai deam-ma neu bua kakalok sila. Nakalenak, metema emi su'i-betem boetai lamaba'uk-ka soona, boso tao emi dalem-ma neun.

AMSAL 8:15

Au tulu-fali manek-kala lakalala'ok paleta, au tulu-fali basa manakoasa-la tao latetetu ndoos ma matetuk-ka.

YESAYA 10:8

Namatutua-namadedema aoinan-na nae, “Au malanga solda'du manai laing-ngala, manek mesan-mesan!

YESAYA 47:5

Manetualain nafa'da Babel nae, “Denge-denge, fo muu leo makiu-makahatuk dale muu leona. Neukose ta loke seluk o lae, ‘Nusak-kala inamanen fa.’

YEREMIA 28:14

Manetualain Fo Manakoasa, fo Israel Manetualain-na nafa'da nae, neukose ana tao lange besik neu basa leoina iala lesuha'in-na, fo neukose ala sene-do'ok neu Nebukadnezar fo Manek Babel-la. Manetualain nafa'da nae bana fui-la boeo neukose ana fes leo Nebukadnezar koasan dale neu.”

YEREMIA 34:1

Nai lelek Nebukadnezar fo manek Babel-la no basa ndia soloda'du matee-matatin-nala fo nanatao natea-nahelek neme basa leoina-la soloda'dun-nala mai, ma nusak fo manamakaluku-makatele neu au-a ala mai sapu-la Yerusalem ma kota-kota manai boboa-kaisun-na, Manetualain kokolak no au nae leondia.

YESKIAL 26:7

Manetualain Fo Mademaina, nafa'da nae, “Hai Tirus, neukose Au o Mane Nebukadnezar-ra neme Babel mai, fo ana sapu-na o. Manek fo be'i-balakain ba'un-na seli ndia, neukose ana mai neme kii mai, fo no solda'du bubuaina esa loo ndala makadotok, ma kaleta musu-la, boema solda'du manasa'e ndala-la.

DANIAL 1:2

Manetualain fen sengi Mane Yoyakim-ma, de ala loso leni bua-lo'a kabelik-kala seli leme Manetualain Uman dale mai. Ana foo neni hataholi-la, nos leo ndia lamatua daebafan manai Babel-la uma sosongon dale leu, ma ana pe'da ana loso neni bua-lo'a kabelik-kala lai gudang-gudang manai uma sosongok ndia dalek.

DANIAL 2:31

Ninitak fo Ama Manek nitak-ka nde ia, Nai Ama Manek matan-na hapu dodoki-dudulak esa. Dodoki-dudulak ndia ba'un-naseli ma mangadilak, tehu mata-panan nakatata'u.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

DANIAL 4:19

Danial fo loken lae Beltsazar boe, namanene dede'ak ndia boema, ana nggenge ma ana dodoo doak-kana. Boema au fo Mane Nebukadnezar-ra, afa'dan ae, “Beltsazar, o dalem-ma boso susa nanahu me'is ndia sosoa-ndandaan.” Boema Beltsazar nataa nae, “Ama Manek, malolen-na seli, metema leouni'ka me'is ndia neuk manada'dik-kala, tuni la'e Ama Manek musun-nala, te ta la'e Ama Manek fa.

DANIAL 4:22

Hei Ama Manek, Ama Manek nde ai mademaina ma balakaik ndia. Ama Manek matua-mademan boeo, ana popo-tama losa lalai, ma Ama Manek koasan-na namaloa losa daebafak-ka pe'dan-na.

DANIAL 4:25

Neukose Ama Manek nanausi henik neme hataholi daebafak-ka dalek mai fo maso'da nai bana-manu manai mook-kala tala'da. Nai teuk hitu dalen-na, Ama Manek na'a na'u sama-na leo sapi ma sungu nai moo maloa dale, nalosa Ama Manek nakadoe dinis. Basa ndia soona, neukose Ama Manek manaku nae Manetualain Fo Mademaina, koasa basa hataholi daebafak-ka nusan-nala, ma nusak ndia Ana fen neu see fo Ana helen.

DANIAL 4:3

Ana tao manada'di beuk-ka matuaina nanseli! Ana tao matabeuk-ka anseli nanseli! Neukose Manetualain da'di manek losa dodoon-na. Koasan-na manaketu basa tak.”

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 4:34

Lelek basa teu ka hituk sila-la boema, au anganalo leo lalai u, boema au dudu'a-aafing fali ma'in. Boema au koa-kio Manetualain Fo Mademaina. Au so'u amadedeman ma au koa-kio Ndia fo maso'dak neme doon losa dodo-na ndia ae, “Neukose Manetualain da'di manek losa dodoon-na. Ana koasa neme doon losa dodo-na.

DANIAL 5:18

Manetualain Fo Mademaina, tao-na Ama Manek aman Nebukadnezar, da'di manek mandela-masa'ak, ma Ana fen matua-madema ma nananita-nalelak.

DANIAL 7:14

Ndia nanafe ha'da-holomata ma koasa, da'dileo manek-ka, nalosa hataholi-la leme basa leoina, ma dede'ak lala'en-na mai, lamahele neun. Koasan-na nakatata'kak losa dodoon-na, ma paletan-na neukose ta nanaloli henik fa.

HOSEA 8:10

Leomae leondiak boe, neukose Au tao akabubuas, fo Au hukus. Ta dook-ka so'on te, metema mane Asyur-ra tuni-ndenis soona, lahoo he'dis.

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

YOHANIS 19:11

Boema Yesus naen nae, “Makanaema Manetualain ta fe koasa ndia neu o fa soona, o ta manuu koasa faa anak boen, soaneu Au fa. Hu ndia de, hataholi manafe Au leo o neu ndia, sala singon ba'ulena o sala-singom.”

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

NINITAK 4:11

“Ou, Lamatuak, ou ami Manetualaim! Ka'da O nde mandaa sipo kokoa-kikiok, ha'da-holomata, ma koasa. Nana O nde makadada'dik basa hata lala'ena, ma no O hihii-nanaum boe de basa hata lala'en sila la, ala da'di ma laso'da so.”

NINITAK 5:12

Ma lakamee lapane'e lae, “Bi'ilopo Ana fo nanado'do basak ndia, nandaa sipo koasa, su'i-betes, manatee tenok ma be'ibalakaik; Ndia nandaa nanafe ha'da-holomata, nananan matutua-namadedemak ma nanakoa-kiok!”