DANIAL 2:26 - Susula Malalaok Hehelu Palak Ma Hehelu Beuk

²⁶ Boema manek-ka nafa'da Danial fo loken lae Beltsazar boe, nae, “O hapu mafa'da au, au me'ing-nga sosoa-ndandaan do ta?”

DANIAL 2:26 ပူးပေါင်းရင်းမြစ်များ

KEJADIAN 41:15

Manek-ka nafa'dan nae, “Au alame'i so, de ta hapu hataholi esa boen hapu nafa'da mangalele'do sosoa-ndandaan fa. Hapu hataholi neni halak nae o hapu mafa'da mangalele'do mala me'is.”

DANIAL 1:7

Malanga uma manek-ka nggati heni na'den-nala da'di: Beltsazar, Sadrakh, Mesakh, ma Abednego.

DANIAL 4:8

Mate'en-na, Danial fo loken lae Beltsazar boe, fo na'den-na sama leo au lamatua daebafang-nga na'den-na ndia, ana mai. Danial dalen-na henuk no lamatua daebafak malalao-malalafuk-kala duladalen-na. Au tuin au me'ing ndia boe ae,

DANIAL 5:12

Hataholi ndia malelan-na seli, ma manatee-tenok, ma malelak nai nafa'da mangalele'do me'is-sa, nafa'da mangalele'do bibila-babaan ma naketu-nala'di nalelak dede'a mateaina-la. Na'de Danial, tahu manek-ka foin na'de Beltsazar. Maloon, te neukose nafa'da Ama Manek susula liik ia sosoa-ndandaan.”

DANIAL 5:16

Besak-ka au amanene lae, o bisa mafa'da-malak basa bibila-babaak lala'en-na, ma o maketu-mala'di-malak dede'a mateaina-la. Metema o hapu lees-malak susula liik ia, ma mafa'da au sosoa-ndandaan soona, neukose au fe o bua papake manek fo nalupa ba'du manalu ma lilopilas da'di neu ha'da-holomata. Fe'ek neme ndia mai, neukose au so'u o da'di manakoasa ka telu nai au nusang dale.”

DANIAL 7:1

Le'odaek esa fo nai teu makasososan-na, lelek Belsyazar da'di manek nai Babel, au, Danial alame'i ma hapu ninitak. Au sulak-ka me'is ndia ma hala nafafa'dak la'eneu au ninitang ndia nde ia: Anin-na nasak-ka neme basa bu'uk lala'en-na mai, nalosa ani sangu da'di nai tasi maloaina.

SEMUEL SUSULAK-KA ESAN-NA 17:33

Saul nataa nae, “Bosok. Tao leo beek, fo o bisa makasusu'dik moo hataholi ndia? O bei muli-soluk manseli, te hataholi ndia, biasa natee-nata'ti neme bei muli-solun-na mai so.”