DANIAL 2:21 - Susula Malalaok Hehelu Palak Ma Hehelu Beuk

²¹ Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

DANIAL 2:21 ပူးပေါင်းရင်းမြစ်များ

1RAJA-RAJA 10:24

Basa hataholi manai daebafak ia lala'en-na sanga enok fo latongo loo Salomo soaneu lamanene nanoli manatee tenok fo Manetualain fen neun.

1RAJA-RAJA 3:28

Lelek leoina Israel-la lamanene la'eneu Salomo nakeketun nai dede'ak ndia dalek, boema lasamanan ma ala fe ha'da-holomatak neun. Nana, nananitak nae Manetualain fe basan manatee-tenok soaneu tao ndoos ma matetuk.

1RAJA-RAJA 4:29

Manetualain fe Salomo manatee-tenok, ma malela matuaina boema dudu'a-aafi mademainan-nanseli.

1 TAWARIKH 22:12

Ma ela leo been-na o Amam Manetualaim fe o manatee-tenok ma dudu'a-aafi maneu soaneu paleta Israel nandaa no hoholo-lalanen.

1 TAWARIKH 29:30

Nai susulak sila-la dalek, ala tui la'eneu paletan-na, koasan-na, ma basa manada'dik la'eneu aoinan-na lala'en-na, laeneu Israel ma nusa-nusak manai Israel titia-tatain-nala.

ESTER 1:13

Manek-ka biasa noke hataholi malelaina-la hahapun-na, la'eneu dede'a hoholo-lalanek, ma ha'dak-ka. Hu ndia de, naloo-na, hataholi fo nanoli-nafa'da nalelak, hata fo muse ana taon, la'eneu dede'a matak leondiak-ka.

AYUB 12:18

Ana nakonaheni manek-kala neme paletan-nala mai, fo Ana taos da'di hataholi nanafook;

KELUARAN 31:3

de Au ba'e-bati fen Au koasang-nga. Au fen dudu'a-aafi maneu, malelak ma be'i-balakaik nai doki-dula mata-matak lala'en-na dalek:

KELUARAN 31:6

Boeo Au hele basa Oholiab, fo Ahisamakh neme leo Dan, anan-na fo ana tulu-falin. Au fe tuka malelak-kala malelak matuaina boe, fo ela ala hapu tao su'di beek fo Au paleta neus:

DANIAL 1:17

Manetualain fe touana muli-solu ka haak sila-la manatee-tenok ma malelak matuaina nai nanoli mademaina-la dalek. Fe'ek neme ndia mai, Ana fe Danial malelak boe, fo nafa'da mangalele'do ninitak ma me'is-sala sosoa-ndandaan.

DANIAL 10:1

Mane Koresh paleta Persia neu teu ka telun-na boema, hala heheluk esa nananafa'dak neu Danial fo nasi'a loken lae Beltsazar boe. Hala heheluk ndia tete'ek-ka, tehu tean-na seli soaneu lalelak sosoa-ndandaan. Lelek Danial sanga enok fo nalelak sosoa-ndandaan boema, ana sipo hala nafa'da mangale'dok esa la'eneu hala heheluk ndia sosoa-ndandaan nai ninitak esa dalek.

DANIAL 11:6

Basa teuk de'ubee boema, manek nusa kona, neukose nakabua no manek nusa kii nenik enok, ana fe anafe'on-na sao manek nusa kii ndia. Tehu nakabuak ndia ta nala dook-ka fa, ma neukose ala taolisa anafe'on ndia, leondiak boe saotoun-na ma anan-na, ma ata-atan fo leu lafuli-nana.

DANIAL 2:20

nae, “Manetualain ndia manatee-tenok ma makadelek, kokoa-kikiok ba'eneun, losa dodoon-na neu!

DANIAL 2:23

Ou, Manetualain fo au be'i-ba'i kaing sene-do'ok-ka. O nde au koa-kio ma amatutua-amadedemak-ka. Nana O fe au manatee-tenok ma be'i-balakaik. O sipok ami dokodoem-ma. Ma O matu'du basa natataak soaneu manek-ka so.”

DANIAL 2:9

soaneu huku emi basa-basam-mala nenik huhukuk matak esa, metema emi ta mafa'da-mala me'is ndia sosoa-ndandaan neu au fa. Emi malahalak fo masapepeko-masandandali au nakandoo, ma emi makamiminak au nenik emi mamahehena, neukose au asafali au nakeketung-nga. Na, mafa'da me'is ndia sosoa-ndandaan, fo au bubuluk ae emi boeo bisa mafa'da mangalele'do me'is ndia sosoa-ndandaan.”

DANIAL 4:14

Ana kokolak napane'e nae, ‘Lo'o heni ai ndia, fo ta'ti-ma ndanan-nala, makanunuku heni doon-nala ma tapa nggenggela-ngganggali boan-nala. Usi heni basa bana manalu'u nai sa'on dale-la, ma basa manupui mandunuk nai ndanan-nala lain.

DANIAL 4:17

Ami fo ata nusa so'dak manamanea besa-besa, ma mahehele aom-ma, nakeketun-na nde ndia. Ami dale dodoom-ma nde, fo ela basa hataholi su'di nai bee boe, ana manaku nae Manetualain Fo Mademaina nanuu koasa neu hataholi daebafak-ka nusan-na, ma Ana fe nusak ndia su'di neu see fo Ana helen, nakalenak neu hataholi fo leomae sosoa-ndandaan ta boe!’

DANIAL 4:22

Hei Ama Manek, Ama Manek nde ai mademaina ma balakaik ndia. Ama Manek matua-mademan boeo, ana popo-tama losa lalai, ma Ama Manek koasan-na namaloa losa daebafak-ka pe'dan-na.

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

LUKAS 21:15

Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.

ROMA 13:1

Hataholi lala'ena muse tunga manapaleta paleta na, nana ta hapu manapaleta sa boen fo ana hapu koasa neme Manetualain mai fa. Manapaleta besak ia la, lakalala'ok paleta nala tunga Manetualain paleta na.

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”