DANIAL 12:8 - Susula Malalaok Hehelu Palak Ma Hehelu Beuk

⁸ Memak au amanene nafa'da basa dede'ak sila-la, tehu au ta alelak sosoa-ndandaan fa. Boema au atanen ae, “Tuan, tao leo bee fo basa ia-la late'e?”

DANIAL 12:8 ပူးပေါင်းရင်းမြစ်များ

DANIAL 10:14

Au mai fo fe o malelak hata fo mahani te, neukose ana da'di neu o leoinam-ma. Ninitak ia la'eneu fai manamaik-ka.”

DANIAL 12:6

Esak-ka natane manamapadeik deka no lee su'un-na nae, “Faihi'da manada'di matabeuk ia-la late'e?”

DANIAL 12:7

Hataholi ndia so'uk liman duas leo lalai neu. Au amanenen ana soo nenik Manetualain fo manaketu basa taak-ka na'den-na nae, “Manada'dik sila-la neukose ala da'di teuk telu seselik. Lelek ala hahae fepa-li'u Manetualain anan-nala soona, manada'di matabeuk sila late'e.”

DANIAL 12:9

Boema nata nae, “Besak ia, muu leon Danial, nana dede'ak ia-la muse nananafunik ma nanabibila-babaak losa tepo-lelek mate'ek-ka.

DANIAL 8:13

Basa boema, au amanene ata nusa so'dak-kala, esa nafa'da esa nae, “Basa hata fo nananitak nai ninitak ndia dalek-ka, neukose ana da'di losa faihi'da? Sala-singo matuaina ndia, ana nggati tutunu-hohotu su'di faik-ka losa faihi'da? Ana heheta-aa'i solda'du nusa so'dak-kala ma uma mamasok ndia losa faihi'da?”

LUKAS 18:34

Basa sila la ana manatunga nala ta lalela kana faa anak boen. Ana manatunga nala ta bubuluk hata fo Yesus kokola kana. Ala ta bubuluk fa, nanahu hata fo Ana kokola kana ndia sosoa-ndandaan nanabibila-babaak soaneus.

YOHANIS 12:16

Lelek ndia Yesus ana manatunga nala beita lalelak basa dede'ak sila la fa. Tehu Yesus nananamatutua-namadedema basak ninik mamate na, besa ka lafandele hata fo hataholi la tao-no'in soaneu na, nanasula basak nai Susula Malalaok dale so.

HATAHOLI 1:7

Boema Yesus nafa'das nae, “Au Amang nde naketu le'dofai na. Ta paluu emi bubuluk dede'ak ndia fa, nana Au Amang hak ndia.

1 PETRUS 1:11

Nabi sila la, ala palisak matalolole tao leo beek, ma faihi'da fo dede'ak sila la ala da'di, fo tetee-tutu'dan nde, Kristus Dula Dalen manai sila dalen dale a. Nai lelek ndia Kristus Dula Dale na nafa'da elas, la'eneu doidosok fo Kristus muse la'oladin, ma la'eneu basa doidosok sila la seli soona, besa ka nananamatutua-namadedemak.