DANIAL 12:3 - Susula Malalaok Hehelu Palak Ma Hehelu Beuk

³ Basa mauli-malangan manatee-tenok-kala, neukose landela-lasa'a sama leo lalai-a mangale'don-na. Ma ba'eneu sila fo lanoli hataholi makadotok soaneu tao-no'i hata malole, ndoos ma matetuk-ka, neukose landela-lasa'a sama leo nduuk-kala losa dodoon-na.”

DANIAL 12:3 ပူးပေါင်းရင်းမြစ်များ

KELUARAN 34:35

ma lita Musa mata-panan nandela-nasa'a. Boema ana potiketu mata-panan seluk losa fai manamaik-ka, metema ana kokolak seluk no Manetualain.

AMSAL 11:30

Hataholi manatao malole-a, neukose so'dan-na natetu; ma hataholi manatee-tenok-ka, manatunga dean-nala boetai lamaba'uk-ka.

AMSAL 3:35

Neukose hataholi manatee-tenok-ka na'den-na boetai naboomeni, tehu hataholi nggoak-ka, boetai nananakadadaek.

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

PENGKHOTBAH 12:9

Manadudu'a-dodook ndia dodole maneu ma manatee-tenok. Hu ndia de, nanoli malelak lala'en-na neu Manetualain anan-nala. Nanoli dede'a nakandandaak makadotok boema ana fola ndoon-na.

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YEREMIA 23:22

Leounik-ka ala bubuluk hata fo nanape'da-fuak a Au dudu'a-aafing dale soona, tao leo beo ala tui bengan neu Au anang-ngala basa hata fo Au afa'dak-ka. Soona neukose Au anang-ngala Tuka Tei-sale dale neme sala-singok ma ha'da palik fo mangalauk-ka.

DANIAL 11:33

Hataholi manatee-tenok fo lauli-lalanga laun-nala, neukose ala tao-la hataholi makadotok lalelak. Tehu soaneu faik de'ubee dalen-na, neukose ala taolisa sila de'ubee hu kande natee-natatik-ka, do hu kande ha'i-a, ma hataholi de'ubee seluk bai soona, neukose nakodaa-la lamanako uman-nala, ma ala foo lenis.

DANIAL 11:35

Mauli-malangan manatee-tenok sila-la nggelok, neukose nanataonisak, tehu ndia ka'da nalupa soso'ba-susu'dik ba'eneu Manetualain anan-nala, fo ala da'di neuisik. Neukose dede'ak ndia ana da'di losa tepo-lelek mate'ek-ka, fo nde tepo-lelek Manetualain naketu basak-ka.

DANIAL 12:10

Neukose hataholi ba'uk-ka nanaso'bak ma nanatao neuisik. Sila fo manatao tatao-nono'i mangalauk-ka, neukose ta lalelak ma ala tao tatao-nono'i mangalauk lakandoo; ka'da sila fo manatee-tenok-kala nde neukose lalelak.

MATEOS 13:43

Ma hataholi mana tao tunga Manetualain hihii-nanau nala, neukose landela-lasa'a, sama leo le'do a nai sila Aman Manetualain Daebafa Beun dale. Ba'eneu see madi'idook soona, mamanene!”

MATEOS 19:28

Yesus nafa'das nae, “Mamahele leona: Nai Daebafa Beu ka dalek, neukose Ana Hataholi ka nangatuuk neu kandela manen fo mandela-masa'a ka lain. Nai lelek ndia emi fo Au ana mana tunga ngala, neukose emi mangatuuk nai kandela mane kasanahulu dua kala lain, fo emi maketu-mala'di leoina Israe la leo ana kasanahulu dua nala!

MATEOS 24:45

Boema Yesus kokolak seluk nae, “Metema leondiak soona, malalau-maoono bee ka nde mana lilinekak ma manatee teno ka? Ndia nde tua na so'un da'di malangan neu malalau-maoono fe'e kala, fo ela ana fes la'a-linu la'e fai na.

YOHANIS 4:36

Hataholi manaketu-kolu ka ana mulai sipo ngga'di na so. Boema ana tao nakabubua basa buna-boan lala'ena, soaneu so'da matetu ka, ma manaketu basa ta ka. Fo hataholi manasele-nggali ka no hataholi manaketu-kolu ka, lamahoko sama-sama.

YOHANIS 5:35

Yohanis ndia, sama na leo banu manapila ka, fo pila na nasalaa. Emi mamahoko emi hapu masalaak ndia ka'da hatematak esa mesa kana.

HATAHOLI 13:1

Nai hataholi salanik Antiokia la dalek, hapu nabi-nabi ma mese-mese nala, fo nde Barnabas, Simon, fo ala foin na'de Ta'e Nggeok, Lukius neme Kirene mai, Menahem, fo lakaboboin sama-sama no Mane Herode sa, ma Saulus.

1 KORINTUS 3:10

No Manetualain fe au malela ka de, au da'dileo ndolu uma malelaina, de au tao basa uma ndia fanderen na so, boema hataholi fe'ek nde nafofo'a uma ndia neu fanderen ndia lai na. Hataholi a esa-esak, muse taoafik matalolole, tao leo beek fo nafofo'a uma ndia neu fanderen ndia lain.

EFESUS 4:11

Ndia nde “fe baba'e-babati hehelik neu hataholi daebafa ka”; Ana so'u nggelok da'di Lamatua ka ana mana tungan, ma nggelok da'di nabi; ma nggelok seluk bai soona, ala da'di mana tui-benga Hala Malole ndia, ma nggelok seluk, Ana so'us da'di mesen, ma manamete-makanae hataholi kamahehele kala.

IBRANI 5:12

Tunga ndo na fai na losa ba'eneu emi soaneu da'di mesen, tehu bei paluu emi manoli neme hataholi fe'ek la'eneu Manetualain nanoli makasososa na eno ma'an. Emi beita hapu sipo nana'a-nininu matea fa; emi bei muse minu ka'da su'u oe mesa kana.

2 PETRUS 3:15

Bole tafa'da tae, Lamatua ka ta hae lai namanasa ita ndia nde bee na, Ana fe ita fai loak soaneu ita tuka tei-sale dale, fo daenga ita hapu so'da ka. Paulus, fo ita tolanoo susue na, ana sulak fe emi susulak nae leondia boe. Manetualain fen dudu'a-aafi manatee tenok, de ana sulak susulak ndia.

NINITAK 1:20

Ia nde bibila-babaak neme nduu kahituk fo o mitas nai au lima kona nga, ma neme banu ei lilopila kahituk sila la. Nduu kahituk sila la nde, salani kahitu kala ata nusa so'da nala, ma banu ei kahituk sila la nde bee na nde salani kahituk sila la.”

HAKIM-HAKIM 5:31

Ou Manetualain, sa'di leo been-na, mate O musum-mala, sama leo Sisera, tehu basa O tia-laim-mala nanakoa-nanakiok, sama leo le'do-a nai lalai! Basa ndia boema, nusak ndia tetu-temak, teuk haahulu dalen-na.