DANIAL 12:1 - Susula Malalaok Hehelu Palak Ma Hehelu Beuk

¹ Ata nusa so'dak fo manapake bua-lo'a a'balutu ndia, nafa'da seluk nae, “Nai faik ndia, neukose ata nusa so'da matuaina Mikhael fo manamasulu-mahapa o leoinam-ma, ana to'da mai. Basa boema, neukose hapu tepo-lelek to'a-sota matuaina nanseli nai lelek bei hapu leoina-la nai daebafak-ka. Tehu hataholi fo leme o leoinam-ma na'den-nala nanasulak nai Manetualain susulan dalek-ka, neukose nanasoi-tefak.

DANIAL 12:1 ပူးပေါင်းရင်းမြစ်များ

MAZMUR 56:8

Ade, hapu so'da-molek ba'eneu sila tatao-nono'i mangalaun-na do ta? Tao mamopo-mamates, lai O nasa-melum dalek, ou Manetualain.

MAZMUR 69:28

Nemen-na fo, sila salan-na, boetai lamaba'uk-ka; boso mafa'da mae, sila ndoos.

YESAYA 4:3

Bei ela hataholi manai Yerusalem-mala, hataholi fo Manetualain heles soaneu nanasoi-tefak-kala, neukose lokes lae, malalao-malalafuk.

YESAYA 9:7

Manetualain naketu basa nusa Israel-la, huhukun-na so.

YEREMIA 30:10

Au anang Israel-la lemin, boso bii! Au atang Yakob, boso nggenge-boik! Neukose emi mo emi tititi-nonosim-mala Au soi-po'is neme nusa dok fo mamanak emi nanahukuk-ka. Neukose emi me'um-ma leo emi nusa-namom-ma fo leo no nene-lino-linok. Neukose emi leo no dale manatesa-tama; ta palu emi bii-mamata'u hata esa boen.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YESKIAL 13:9

Neukose Au huku emi, hai nabi-nabi fo, manakokolak dede'a-nafa'da elak pepekok-kala, ma malame'i hapu ninitak-kala! Emi ta bole masok leo Au anang-ngala nakabubuan-nala dalek meu, fo fe nakeketuk so'on. Emi na'dem-mala, nanakokahenik nai Israel susula ba'in-na dalek so, ma neukose, emi ta fali leo emi dae-oem meu so'on. Soona besak-ka, emi bubuluk mae Au nde, Manetualain Fo Mademaina.

YESKIAL 34:24

Au, Manetualain, neukose da'di sila Manetualain, ma manek fo, sama-na leo Au atang Dauk ndia, neukose ana da'di sila manakoasan-na. Au, Manetualain nde manakokolak-ka.

YESKIAL 5:9

Hu kande, Au ta hii o tatao-nono'i mangalaum lala'en-na fa, de neukose, Au huku o laum-mala nenik huhuku mabela, fo Au beita tao ita fan, ma neukose Au ta taon so'ok.

DANIAL 10:13

Ata nusa so'dak manamasulu-mahapa nusa Persia, la'ban au kilo duahulu esa dalen-na. Boema Mikhael, fo ata nusa so'dak-kala mauli-malangan-na, ana mai tulu-fali au. Au la'oelan neme naa, fo nai Persia.

DANIAL 11:45

Nakalenak, neukose napadedeik lalaa temak paletan-na nai tasi ma letek-ka tala'da; letek fo Manetualain Uma mamanan-na. Tehu basa boema, neukose maten, de ta hapu hataholi esa boen tulu-fali fan.”

DANIAL 7:10

ma ha'i-a nasalolo'de neme kandela manek ndia mai. Hataholi lifu-lifun lalalau-laoonon, ma hataholi duta-duta lapadeik lai matan-na. Basa boema, mulai buka sidang nakeketuk-ka, ma susulak-kala nanabukak.

DANIAL 9:12

O nakeketum-ma la'en, sama leo O helu basan neu ami ma neu ami manakoasam-mala. O huku basa Yerusalem nenik huhukuk fo belan-na lena neme kota bee mai boe, nai daebafak ia.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

MALEAKHI 3:16

Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.

MATEOS 24:21

Bibii namata'uk matua ina nai fai-faik sila la, neukose hapu toto'a-sosota matua ina sama leo ana beita da'di nita neme daebafa ka dada'di makasososa na losa besak ia, ma neukose ana ta da'di seluk so'on.

MARKUS 13:19

Neu fai-faik mangalauk matuaina sila la, neukose hapu susa-soe esa fo susa-soe ndia, ana beita da'di nita nai daebafa ka, mulai neme Manetualain nakadada'dik daebafa ka losa besak ia, tehu neukose ana ta da'di so'on.

LUKAS 10:20

Leomae leondiak boe, boso mamahoko hu ka nde dula dale mangalau kala tunga emi paleta ma. Malole lenak emi mamahoko, hu ka nde emi na'de ma nanasulak nai susula maso'dak manai nusa so'da ka.”

ROMA 11:15

Hu ka nde Manetualain ta sipo kasa fa, de daebafa ka tututi-nanaton lo Manetualai na malole falik. Lena-lenak metema Manetualain sipo kasa! Tao leo bee o, dede'ak ndia sama na leo hataholi manamate kala laso'da falik!

ROMA 11:26

No enok ndia, basa hataholi Yahudi la neukose laso'da. Nana nai Susula Malalaok dale nanasulak nae leo ia, “Neukose, mane Manasoi-Tefa ka, Ana mai neme Sion mai; Neukose Ana kokaheni basa Yakob tititi-nonosin sala-singo nala.

EFESUS 1:21

Kristus nangatutuun ndia, dema lenaheni basa mana paleta lala'e na, basa mana koasa lala'ena, basa mauli-malangan lala'ena, basa malangan lala'e na, ma su'di see fo, ana hapu nangatutuu madema lala'e na; nau mana maso'dak nai le'do fai besak ia, do nai le'do fai mana mai ka boe.

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

YUDAS 1:9

Mikhael fo, nalanga basa ata nusa so'da kala, ana beita tao leondiak la'i esa boen. Nai lelek fo, nasipo bafak no nitu a nai nale'ak esa dalek, la'eneu see ka nde neukose ana hapu Musa popola na, Mikhael ta fe salak neu Nitu a, ninik dede'a-kokola nakamumulu-nakamamaek fa. Mikhael ka'da nae, “Neukose Lamatua ka huku o!”

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

NINITAK 12:7

Boema natee-nata'ti ka da'di nai nusa so'da ka. Mikhael no ata nusa so'da nala latee-lata'ti laban naga ndia. Ma naga ndia ana manatunga nala boeo tulu-falin de ala laban Mikhael.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.

NINITAK 20:15

Hataholi fo na'de na ta nanasulak nai Susula Hataholi Maso'da ka dalek, nanatapak leo tasi ha'ik dale neu.

NINITAK 3:5

Hataholi fo manasengi koasa makahatu ka, neukose ala fes pake ba'du manalu fulak ndia boe. Neukose Au ta kokaheni hataholi ndia na'de na neme susulak hataholi maso'da ka dalek mai fa. Ma nai Au Amang ma ata nusa so'da nala matan, neukose au manaku ae, sila nde bee na Au nuu ngala. Nai lelek Au apadeik nai Au amang matan sama-sama o basa mahahaek fo malalalau-maoono nana, neukose Au afa'da ae, Au alelak hataholi sila la.

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.