DANIAL 11:44 - Susula Malalaok Hehelu Palak Ma Hehelu Beuk

⁴⁴ Boema, neukose halak-ka neme dulu ma neme kii mai, tao langgengek-kana, nalosa nata'ti no mamate-momopon, de ana taonisa hataholi makadotok.

DANIAL 11:44 ပူးပေါင်းရင်းမြစ်များ

DANIAL 11:11

Boema manek nusa kona namanasa leona, de neu leo musu dale neu, de ana la'ban manek nusa kii. Neukose ana sengi manek nusa kii nadenu solda'du bubuaina ndia.

DANIAL 11:30

Nana neukose, hataholi Roma-la loo ofan-nala, ala mai leme Siprus mai, fo latee-lata'ti lon, nalosa ana bii nanseli. Boema neukose ana fali no nasak nanseli, de ana sanga enok fo tao nakalulutuk Manetualain anan-nala agaman-na. Neukose ana tunga hataholi manafali deak leme agama ndia mai, nanoli-nafa'dan.

DANIAL 11:43

Neukose ana loso neni Masir hata-heton fo leo lilopilas ma lilofulak boema hata-heto beli matuaina fe'e-fe'ek-kala. Neukose hataholi Libia-la loo hataholi Sudan-nala look-kana.

DANIAL 11:45

Nakalenak, neukose napadedeik lalaa temak paletan-na nai tasi ma letek-ka tala'da; letek fo Manetualain Uma mamanan-na. Tehu basa boema, neukose maten, de ta hapu hataholi esa boen tulu-fali fan.”

NINITAK 16:12

Basa ndia boema, ata nusa kane a ana po'a nggalaa na isi na leo Lee Efrat matuaina ndia dalek neu. Boema lee ndia ma'dan, de nalosa mane kala leme dulu mai de ala la'ok tunga dalek.

NINITAK 17:13

Mane kasanahuluk ia la basa-basas lanuu dudu'ak sama. Basa-basas fe sila be'ibalakain ma koasa na leo bana ndia neu.