DANIAL 11:36 - Susula Malalaok Hehelu Palak Ma Hehelu Beuk

³⁶ Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 11:36 ပူးပေါင်းရင်းမြစ်များ

MAZMUR 136:2

Moke makasi neu Manetualain Fo Mademaina; susue-lalain manaketu-basa tak, losa dodoon-na.

MAZMUR 33:10

Manetualain tao-na leoina-kala dale tutu'un-nala, ta da'di fa, Ana tao namopo, dale tutu'un-nala.

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

YESAYA 10:23

Hei, Manetualain Fo Manakoasa, neukose Ana tao nakalulutuk nusak-ka lala'en-na; Manetualain nakeketun-na nde ndia, de ta bisa hela falik-kana so'on.

YESAYA 10:25

Nai fai keke'uanak esa mesan, Au nasa-melung neu emi-a nate'e, boema neukose Au tao amopo-amates.

YESAYA 10:5

Manetualain nafa'da nae, “Soe ba'eneu Asyur! Au pake Asyur da'di leo ue, ma ai kalapu'ak soaneu fepa hataholi fo Au nasa-melung tu'da la'es.

YESAYA 14:13

O maketu basa nai o dalem dale, kae leo lalai muu, fo o pe'da o kandela manem-ma, neu nduuk mademaina lain! O maedaenga o hapu mangatuuk da'di leo manek nai letek kii lain, fo lamatua daebafak-kala mamana nakabubuan-na.

YESAYA 14:14

O mafa'da mae neukose o kae leo ko'as mademaina-la lai muu, fo o da'di sama leo Manetualain Fo Mademaina.

YESAYA 26:20

Hai Au leoinang-ngala lemin, masok leo emi umam dale meu leona, fo kena lelesu-a neu. Ke'ke lalai muu ndia, losa Manetualain nasa-melun tenak.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

YESAYA 57:9

Emi pake mina, ma kaboomenik-kala, boema emi meu sene-do'ok neu lamatua daebafak Molokh-ka. Emi haitua hataholi nadedenuk-kala leu leo nusa dook-kala leu, nakalenak leu leo hataholi manamatek-kala daebafan-na leu.

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YESKIAL 35:13

Hai leoina Edom-mala lemin, emi bafa maloa, ma emi koao-ndaeao neu Au. Au amanene basa sila-la so.

DANIAL 11:16

Manek nusa kii ndia, neukose ana tao tunga ka'da dale hihiin-na, te ala ta la'ban-nana faa anak boen. Neukose nangatuu-na dae maoe-maisik-ka, fo ana koasa la'iesak-kana.

DANIAL 11:3

Basa soona, neukose mane mabe'i-balakaik esa to'da mai. Neukose ana paleta nusa matuaina, ma ana tao tunga ka'da dale hihiin-na.

DANIAL 11:37

Neukose manek ndia ta nafaduli neu su'di lamatua daebafak bee fo bei-ba'i kain sene-do'ok-ka, leomae lamatua daebafak fo inak-kala sene-do'ok-ka boe. Ta nafaduli lamatua daebafak sila-la fa, nanahu nafa'da nae, ndia ba'ulena lamatua daebafak sila.

DANIAL 12:7

Hataholi ndia so'uk liman duas leo lalai neu. Au amanenen ana soo nenik Manetualain fo manaketu basa taak-ka na'den-na nae, “Manada'dik sila-la neukose ala da'di teuk telu seselik. Lelek ala hahae fepa-li'u Manetualain anan-nala soona, manada'di matabeuk sila late'e.”

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

DANIAL 5:19

No matua-mademan ndia, nalosa hataholi-la leme basa leoina, leo ma basa dede'ak lala'en-na dele ma ala biin. Metema nahiik taonisa hataholi, soona, ka'da ana taonisa hataholi ndia. Metema ana nau fe so'dak neu hataholi esa soona, ana fe so'dak neu hataholi ndia. Ana so'u namadema do nakadadaek su'di see tunga hihii-nanaun.

DANIAL 5:20

Tehu nai lelek ana koao-ndaeao, langa batu ma ana tao hataholi no dale susue-lalai tak boema, nanaloli henik neme kandela manen lain mai, nalosa mopo ndela-sa'an.

DANIAL 7:8

Lelek au bei taoafik neu susulan-nala te, no kaiboik susula fe'ek esa moli nai susulan sila-la tala'da. Susulak ndia anak-ka, tehu ana hapu seseti ma ana fe'a heni susulak 3 neme susula makasososak-kala mai. Susula anak ndia nanuu matak sama leo hataholi-a matan-na, ma bafan-na kokolak dede'a me'i-afek no koao-ndaeaok.

DANIAL 8:19

“Au sanga afa'da o hata fo neukose ana da'di nai fai makabuin, hu ka nde Manetualain nasa-melun. Nana o ninitam ndia, natu'du leo tepo-lelek mate'ek-ka neu.

DANIAL 8:4

Au ita bi'ilopo mane ndia, ana puka nasale leo muli, kii ma kona neu. Ta hapu bana esa boen, bisa nakatatakak nasasalematak no fan, do nala koasan-na deak fa. Ana tao tunga ka'da dale hihiin-na, ma ana da'di manakoao-ndaeaok.

ZAKHARIA 11:16

Nanahu neukose Au paleta manafoo esa, fo nanea Au bi'ilopo bubuang-nga, tehu ana ta taoafik neu bi'ilopo manasalak-ka, boeo ana ta puli-namo'do bi'ilopo bisuk-ka, ma ana ta fe bi'ilopo maso'dak-ka, na'a fa. Te se'kona, ndia nde na'a bi'ilopo maao-a paan-na, ma ana fe'a bana ndia eifangan-nala.

YOHANIS 5:30

“Au ta hapu tao-no'i hata esa boen, tunga Au hihii-nanau mesang-nga fa. Te Au aketu-ala'di tunga ka'da Manetualain paleta na. Boema Au nakeketu nga matetuk, nana Au ta tunga Au hihii-nanau mesa nga fa, te Au tunga Amak fo manamadenu Au a, hihii-nanaun.

YOHANIS 6:38

Nanahu Au eme nusa so'da ka mai, fo Au ta tao-no'i tunga ka'da Au hihii-nanau mesa nga fa, te Au tao-no'i tunga Amak fo manamadenu Au a, hihii-nanaun.

HATAHOLI 4:28

Basa-basas teikesa-dalekesa fo ala tao basa hata lala'ena, fo O maketu basa makahulu kana mae, neukose dede'ak ndia ana da'di. Boema O maketu dede'ak ndia tunga O koasa ma, ma O hihii-nanau mesa ma.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

2 TESALONIKA 2:3

Leomae leo beek boeo, boso nau hataholi ke'di ndiu emi. Nana faik ndia beita losa fa te, hapu dede'ak de'u bee, ala da'di lakahuluk: Soona neukose hataholi ba'u ka fali deak fo, lalelesi Kristus; Boema Hataholi Mangalauk fo nananafa'da basak, tao leo bee o ana masok leo tasi ha'ik dale neu a, neukose ana to'da mai.

2 TESALONIKA 2:4

Ma neukose ana laban Manetualain, ma ana manaku nae, ndia nanuu koasa, lenaheni basa dula dale mangalauk fo, hataholi daebafa ka sene-do'o kasa. Lena-lenak, neukose nangatuuk neu Lamatua ka Uman dale fo nafa'da nae, Manetualain nde ndia.

2 TESALONIKA 2:8

besa ka Hataholi Mangalauk ndia nananitak. Tehu metema Lamatuak Yesus mai soona, Ana taonisa Hataholi Mangalauk ndia, ninik ani hahae na. Ma neukose nanatao nakalulutuk ninik Lamatua ka mamai mandela-masa'a na.

YOSUA 22:22

“Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!

NINITAK 10:7

Tehu metema ata nusa so'da kahitu puu pupuu na soona, neukose Manetualain nakalala'ok dale tutu'un nanabibila-babaa na, sama leo Ana tui-benga basan neu ata-ata nala, fo nde basa nabi la.

NINITAK 12:14

Tehu ala fe inak ndia manupui kaka'ka li'da matuainan dua, fo ela ana laa leo mamana na nai mo maloa. Mamanak fo nai bee lakaboboin teuk telu seselik, fo daenga naga ndia boso boe tao nahe'di bain.

NINITAK 13:1

Basa boema, au ita bana esa kalua neme tasi dale mai. Bana ndia susulan sanahulu, ma langan hitu. Susulan esa soona, hapu bulamolik esa, ma nai langan sila la esa-esak, nanasulak na'de nakamumulu-nakamamaek esa soaneu Manetualain.

NINITAK 17:17

Nanahu Manetualain nakababale basa dale nala soaneu lakalala'ok Manetualain dale tutu'u na. Manetualain tao nalas lalahalak soaneu ala fe sila koasa na neu bana ndia, fo ela bana ndia paleta losa hata fo Manetualain nafa'da ka ana da'di.

NINITAK 17:3

Boema Manetualain Dula Dale na koasa na au, de ata nusa so'dak ndia no au leo mo maloa neu. Nai naa, au ita inak esa nangatuuk nai bana pila balanggeok esa lain, ma ala sulak lahenu ao na ninik na'de nakamumulu-nakamamaek neu Manetualain. Bana ndia langan hitu, ma susulan sanahulu.