DANIAL 11:32 - Susula Malalaok Hehelu Palak Ma Hehelu Beuk

³² Boema no tipu-daik, neukose manek ndia fufu'di-oo'dok hataholi fo manala'oela agaman-na, fo daenga ala au tulu-falin. Tehu hataholi fo lamahele neu Manetualain-na, neukose lapalani la'ban-nana.

DANIAL 11:32 ပူးပေါင်းရင်းမြစ်များ

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

NEHEMIA 4:14

Lelek au ita ae laun-na bii lamata'u boema au afa'da laun-nala, basa lasi nggolo kala boema basa mauli-malangan-nala ae, “Boso bii mamata'u neu musu a! Mafandele neu Manetualain fo mabe'i-balakai matuaina, fo matati soaneu tolano mala, ana mala, saoinam-mala ma uma loo mala!”

MAZMUR 9:10

Manetualain ndia, mamana nasulu-nahapak, ba'eneu hataholi nanatuni-ndenik-ka, mamana hahaeaok, nai fai toto'a-tataak-ka dalek.

AMSAL 19:5

Hataholi fo, nasapepeko-nasandandali nai uma manakee-manafulak-ka, neukose ta nala deak neme huhukuk-ka mai fa.

AMSAL 26:28

Masapepeko-masandandalik-ka, sama no nakamuu-nakadauk-ka. Hala-kokolak makee-mamina neni soe.

YEREMIA 31:34

Ta hapu sila esa nanoli esa soaneu lalelak Manetualain fa. Nana sila basas, ana do matua, neukose lalelak Au. Sila salan-na lala'en-na neukose Au asanggango henis, sila sala-singon-nala lala'en-na neukose Au fe do'o do ampong neus. Au, Manetualain, nde manakokolak-ka.”

DANIAL 11:21

Ata nusa so'dak ndia, nafa'da seluk au nae, “Manek manamaik fo ana paleta nusa kii nde been-na, hataholi matasi'da-matasaek esa, fo ta nanu haak da'di manek fa. Tehu neukose, ana mai no kaiboik fo ana loso-na nangatutuu manek-ka nenik tipu-daik.

DANIAL 11:34

Nai lelek ala bei tao-tao loo kanisak ndia te, neukose Manetualain anan-nala, hapu tutulu-fafalik faa anak, tehu hataholi makadotok lakabubua loos ka'da soaneu sila paluun-na mesak-kana.

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

NINITAK 6:11

Manetualain fe samanek sila la ba'du manalu fulak, ma nafa'das fo ela latetea-lahehele dale nala, fo ela lahani dodoo seluk bai. Sila muse lahani losa sila nonoo malalau-maoono nala, ma sila tolano-tolanoo nanataonisak sama leo sila, dede'u nala lamadai.