DANIAL 11:30 - Susula Malalaok Hehelu Palak Ma Hehelu Beuk

³⁰ Nana neukose, hataholi Roma-la loo ofan-nala, ala mai leme Siprus mai, fo latee-lata'ti lon, nalosa ana bii nanseli. Boema neukose ana fali no nasak nanseli, de ana sanga enok fo tao nakalulutuk Manetualain anan-nala agaman-na. Neukose ana tunga hataholi manafali deak leme agama ndia mai, nanoli-nafa'dan.

DANIAL 11:30 ပူးပေါင်းရင်းမြစ်များ

KEJADIAN 10:4

Yawan tititi-nonosin nde, laun manaleo nai Elisa, Spanyol, Siprus ma Rodes.

1 TAWARIKH 1:7

Yawan tititi-nonosin nde: hataholi Elisa, Spanyol, Siprus ma Rodes.

NEHEMIA 6:12

Au tai dodoo basa dede'ak ndia boema, au ame'da ae Semaya lelekon ndia, ta neme Manetualain mai fa, te neme Tobia ma Sanbalat mai. Ala solo Semaya fo nanduku-nalosak dede'a nafa'da elak ndia neu au.

YESAYA 23:1

Hala heheluk la'eneu Tirus nde ia. Hai, Spanyol hataholi tasin-nala fo manai tasi maloaina lain-nala lemin, kii-makaleleu leona! Lelek emi fali meme Siprus mai-a, hataholi nafa'da emi nae kota Tirus-sa, nakalulutuk so. O ofa see-seem-ma, ma o umam-mala da'di ai-batu madodouk so.

YESAYA 23:12

Manetualain nafa'da nae, “Hai kota Sion-na nei, neukose o ta mamahoko-setelee so'on. O laum-mala, nanatuni-ndenik. Leomae lalai leo Siprus leu boe, ala ta hapu nee-nee mino-linok fa.” (

YEREMIA 2:10

La'ok ndolo-ndolo leo Siprus solokae su'un manai boboan muli, haitua hataholi leo dulu neu, fo leo nusa Kedar-ra neu, palisak matalolole nai naa, ade dede'ak matak esa, ana da'di hai nai naa so do beik?

YESKIAL 27:6

O sefem-mala nanataok neme, ai matuaina manai Basan-nala mai. O ofam-ma uma anan-na, nanataok neme ai kaiou mai, o da'di meme pulu Sipru-sa mai, o nanabalias nenik ngga'di dui kabelik.

DANIAL 11:28

Basa boema, manek nusa kii-a neni basa ana hapu bua-lo'as nanaloso nak-kala, de ana fali ne'un leo nusan-na neu. Naketu basa nai dalen dale, fo ana tao nakalulutuk agama fo Manetualain anan-nala lamahelek-ka. Neukose ana tao tunga ka'da dale hihiin-na, boema ana fali ne'un leo nusan-na neu.

DANIAL 11:29

Faik de'ube makabuin-na boema, neukose neu sapu-na seluk nusa kona, tehu neninin-na fe'ek neme kala'i makasososan-na mai.

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

BILANGAN 24:24

Tehu neukose ofak bubuak esa, ala mai leme Siprus mai, fo neukose ala lasengi Asyur ma Heber, basa soona, ofu bubuak ndia neukose mopo-mates boe.”

MATEOS 24:10

Neu lelek ndia te neukose hataholi ba'u ka fali deak, ma ala da'di mana ke'dindiuk, boema esa nakamuu-nakadau esa.

NINITAK 12:12

Hu ndia de ela leo bee na nusa so'da ka no basa hata fo manaleo nai dale ka, lamahoko-setelee! Tehu soe ba'eneu daebafa ka ma tasi a, nana Nitu kona neu emi ninik nasa-melu matuaina na, nanahu ana bubuluk basa, fai na ela ka'da faa anak so.”