DANIAL 11:25 - Susula Malalaok Hehelu Palak Ma Hehelu Beuk

²⁵ Basa boema, neukose no napalanik nakabubuan-na solda'du bubuaina esa, fo neu sapu-na manek nusa kona, fo manek ndia boeo, naheheleaon basa soaneu ana la'ban-nana nenik solda'du balakaik makadotok nanseli. Tehu manek nusa kona ta hapu nakatatakak fa, nanahu neukose ala ke'di-ndiun.

DANIAL 11:25 ပူးပေါင်းရင်းမြစ်များ

AMSAL 15:18

Hataholi fo namanasa lai-lai-a, nakadada'dik nale'a-napilik, tehu hataholi fo, ta haelai namanasa fa, neni mole-dame.

AMSAL 28:25

Paluu ka'da aoinak-ka mesak-kana, neninin-na nale'a-napilik; Metema o mamahele neu Manetualain soona, o hapu nanalak lena.

DANIAL 11:10

Boema manek nusa kii-a anamanen-nala laheheleao soaneu latee-lata'ti, de ala hoka basa solda'du-la de da'di bubua matuaina esa. Solda'du sila-la esa neu sapu nakahuluk sama leo faa oek-ka. Ana sapu-nalas neu kala'i dua-na boema, ana kae kota musu-a.

DANIAL 11:2

Ma hata fo neukose au afa'dan neu o ndia tete'ek-ka.” Ata nusa so'dak ndia nafa'da nae, “Neukose mane fe'ek 3, ala paleta Persia, fo mane ka 4, tunga, manek ndia su'i-beten lena heni mane fe'ek-kala. Neu paletan ma koasan-na mate'e na, neukose nakasusu'di be'i-balakaik no nusa Yunani-a.

DANIAL 11:40

Metema manek nusa kii ndia, koasan-na sanga deka basan soona, manek nusa kona sapu-nan. Boema manek nusa kii-a, neukose ana balas natee-natatik ndia no mamate-momopon. Neukose neni kaleta musu, ndala ma ofak makadotok. Neukose ana sapu sama leo faa oek-ka, de nangatuu-na nusak makadotok.

DANIAL 11:5

Neukose manek nusa kona ana da'di manek mabe'i-balakaik. Tehu neukose malanga solda'du manai lain esa, be'i-balakain lena henin, de neukose ana paleta nusak matuaina lena seluk bai.