DANIAL 11:15 - Susula Malalaok Hehelu Palak Ma Hehelu Beuk

¹⁵ Basa boema, neukose manek nusa kii-a, sapu-na kota esa, makota musu, de ana loso-nan. Nusak kona solda'dun-nala ta hapu lakatatakak fa, ma solda'du nanahehelen-nala boeo ta hapu la'ban labe'i so'on.

DANIAL 11:15 ပူးပေါင်းရင်းမြစ်များ

YEREMIA 33:4

Manek Yehuda uma manen-na, ma uma manai kota Yerusalem-mala ala ofe henis fo ala tao latea-laheles soaneu musu-a mamain-na. Tehu Au, Manetualain, fo Israel Manetualain, nafa'da nae,

YEREMIA 5:10

Neukose Au adenu musu-a neu, fo ana tao nalutu sila osi angol-la, tehu ana ta tao nakalulutuk-kana fa. Neukose, Au adenu musu ndia, fo ana ta'ti heni sila ai angol-la ndanan-nala, nana ndanak sila-la, Au nuung ta sila fa.

YEREMIA 52:4

hu ndia de Nebukadnezar no basa soloda'dun-nala mai sapu-la Yerusalem nai bulak kasanahulu fain sanahulu ma teuk kasio fo manek Zedekia paletan-na. Ala lapadedeik kota musu nai kota deak, lafofo'a papala-nanadamak okofefeo-na.

YEREMIA 6:6

Manetualain Fo Manakoasa, Ana paleta basa manakoasa sila-la, fo ela ala lo'oheni ai-la, ma po'a tadodou dae, fo da'di mamana nanabik, fo ata sapu-ta, Yerusalem. Manetualain nafa'da nae, “Neukose Au huku kota ia, nanahu tuni-ndenik makadotok nanseli, da'di nai dalek so.

YESKIAL 17:17

Nakalenak, solda'du Masir fo palani sila-la, ta lapalani tulu-falin, nai lelek hataholi Babel-la, ala mai sapu-lalas, fo ladodou dae-a da'di pupukuk, ma ala kali oelolok, soaneu ala taolisa hataholi makadotok.

YESKIAL 4:2

Boema, dokik-ma musu-a, nakahapi-na kota Yerusalem-ma no oelolok-kala, dae madodouk-kala, solda'du-la uma ofun-nala, ma pe'da taka-besi okofefeo-la papala nanadaman-na.

DANIAL 11:14

Boema neukose hataholi makadotok la'ban manek nusa kona. Ma hataholi dale susue-lalai tak de'ubee, leme o leoinam-ma mai, fo Danial, neukose ala la'ban boe, nanahu lita basa ninitak esa so. Tehu neukose buna-boan ta.

DANIAL 11:6

Basa teuk de'ubee boema, manek nusa kona, neukose nakabua no manek nusa kii nenik enok, ana fe anafe'on-na sao manek nusa kii ndia. Tehu nakabuak ndia ta nala dook-ka fa, ma neukose ala taolisa anafe'on ndia, leondiak boe saotoun-na ma anan-na, ma ata-atan fo leu lafuli-nana.

DANIAL 8:7

Au taoafik ahelen neu sapu-na bi'ilopo mane ndia. Nasan-na mangalau nanseli, nalosa ana puka nala'di heni bi'ilopo mane ndia susulan duas. Bi'ilopo mane ndia balakain ta soaneu ana la'ban-nana. Ana fepa neu dae, boema bi'ihii mane ndia heheta-aa'in, tehu ta hapu hataholi esa boen, neu tulu-fali fan.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.