DANIAL 11:11 - Susula Malalaok Hehelu Palak Ma Hehelu Beuk

¹¹ Boema manek nusa kona namanasa leona, de neu leo musu dale neu, de ana la'ban manek nusa kii. Neukose ana sengi manek nusa kii nadenu solda'du bubuaina ndia.

DANIAL 11:11 ပူးပေါင်းရင်းမြစ်များ

1RAJA-RAJA 20:13

Ndia te, nabi esa neu leo Mane Ahab-pa neu de nafa'dan nae, “Manetualain nafa'da nae, ‘O mita solda'du makadotok sila-la? Neukose Au fe o sengis faik ia. Fo ela o bubuluk mae Au nde Manetualain na.’ ”

1RAJA-RAJA 20:28

Boema nabi esa mai leo Mane Ahab-pa de nafa'da nae, “Manetualain nafa'da ka nde ia: ‘Hu kande hataholi Siria sila-la laedaenga Au koasan-nai ka'da letelepan-na te ta nai masadoke na fa, de neukose Au fe o sengi sila solda'du makadotoinan sila-la. O ma o laum-mala, neukose bubuluk mae Au nde Manetualain na.’ ”

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

YEREMIA 27:6

Au nde fe basa leoina ia lala'en-na lo Au atang Nebukadnezar, fo manek Babel-la koasan dale neu. Nakalenak bana-manu boeo Au fen leo ndia neu, soaneu ana koasas.

DANIAL 11:12

Basa boema, neukose namahoko nanseli, nanahu ana sengi ma hu kande ana taonisa solda'du musu makadotok, tehu neukose ana ta koasa nakandoo fa.

DANIAL 11:40

Metema manek nusa kii ndia, koasan-na sanga deka basan soona, manek nusa kona sapu-nan. Boema manek nusa kii-a, neukose ana balas natee-natatik ndia no mamate-momopon. Neukose neni kaleta musu, ndala ma ofak makadotok. Neukose ana sapu sama leo faa oek-ka, de nangatuu-na nusak makadotok.

DANIAL 11:44

Boema, neukose halak-ka neme dulu ma neme kii mai, tao langgengek-kana, nalosa nata'ti no mamate-momopon, de ana taonisa hataholi makadotok.

DANIAL 11:5

Neukose manek nusa kona ana da'di manek mabe'i-balakaik. Tehu neukose malanga solda'du manai lain esa, be'i-balakain lena henin, de neukose ana paleta nusak matuaina lena seluk bai.

DANIAL 2:38

Nakadada'dik Ama Manek da'di manakoasa neu daebafak fo nanuu laun, ma neu manupaui ma bana fe'ek-kala. Ama Manek nde lilopilas manai dodoki-dudulak ndia langan-na.

DANIAL 8:7

Au taoafik ahelen neu sapu-na bi'ilopo mane ndia. Nasan-na mangalau nanseli, nalosa ana puka nala'di heni bi'ilopo mane ndia susulan duas. Bi'ilopo mane ndia balakain ta soaneu ana la'ban-nana. Ana fepa neu dae, boema bi'ihii mane ndia heheta-aa'in, tehu ta hapu hataholi esa boen, neu tulu-fali fan.