DANIAL 10:20 - Susula Malalaok Hehelu Palak Ma Hehelu Beuk

^20-21 Boema nataa nae, “Te o bubuluk, tao le'e de au mai leo o mai? Sosoan-na nae, soaneu au afa'da o, hata fo nanasulak nai Susula Ndoos dale. Besak ia, au muse fali fo au atee ata'ti la'ban ata nusa so'dak manamasulu-mahapa Persia. Basa ndia soona, ata nusa so'dak manamasulu-mahapa Yunani-a, neukose ana mai. Ta hapu hataholi esa boen tulu-fali au fa, te ka'da Mikhael, fo ata nusa so'dak manamasulu-mahapa Israel, fo o nusam-ma.

DANIAL 10:20 ပူးပေါင်းရင်းမြစ်များ

EZRA 4:4

Basa boema, laun manaleo dook-ka nai nusak ndia so, ala tao-la hataholi Yahudi-la dalen-nala lakama'a, ma lakabibiik-kasa, fo ela ala hahae uman ndia tataon-na.

YESAYA 37:36

Le'odaek ndia boe, Manetualain ata nusa so'dan-na, ana mai leo hataholi Asyur-rala ofun-na neu, de ana taonisa solda'du lifun natun esa faluhulu lima. Balahaa fafaianak te, popolan-nala lalefu-le'ak.

DANIAL 10:13

Ata nusa so'dak manamasulu-mahapa nusa Persia, la'ban au kilo duahulu esa dalen-na. Boema Mikhael, fo ata nusa so'dak-kala mauli-malangan-na, ana mai tulu-fali au. Au la'oelan neme naa, fo nai Persia.

DANIAL 7:6

Lelek au bei taoafik neun te, bana fe'ek esa to'da mai. Lupan-na sama leo macan tutul-la, tehu hapu manupui li'dak 4, nai muliha'in-na, ma langan 4. Meten soona, maneni-mafa'dak.

DANIAL 8:21

Bi'ihi mane ndia, nakasasaman-na nde nusa Yunani-a, ma susulak fo namanalu nai matan duas tala'da ndia, nde manen makasososan-na.

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.