DANIAL 10:18 - Susula Malalaok Hehelu Palak Ma Hehelu Beuk

¹⁸ Boema ana koila'e au la'i esa seluk, boema au ame'da au balakaing-nga, ana popo-tama.

DANIAL 10:18 ပူးပေါင်းရင်းမြစ်များ

AYUB 16:5

Neukose, au atetea-ahehele emi dalem-ma, nenik nadedenuk mata-matak-kala; au dede'a-kokolang, neukose ana fe kokoe-nanasik.

AYUB 23:6

Ade, neukose Ana fe koasan-na, neu au do? Ta! Tao leo bee-o, neukose namanene au dede'a-kokolang.

MAZMUR 138:3

Lelek, au aloo bou-bou neu O, O mataa O matetea-mahehele au daleng-nga, nalosa au apalani.

DANIAL 10:10

Basa boema, hapu limak esa koila'e au, de nafofo'a au no au asaka neu au limang-nga ma au lungulangang-nga.

DANIAL 10:16

Basa boema, ata nusa so'da fo nalupa hataholi daebafak ndia, ana look liman-na mai, de ana koila'e au difadoong-nga. Boema au afa'dan ae, “Tuan, ninitak ndia tao-na au to'a-sota anseli, nalosa mopo makandondook au be'i-balakaing.

DANIAL 8:15

Lelek au bei sanga enok soaneu bubuluk ninitak ndia sosoa-ndandaan te, no kaiboik, au ita hata esa sama-na leo hataholi daebafak-ka, napadeik nai au matang-nga.

DANIAL 8:18

Lelek ana bei kola-kola te, au sapala'o. Tehu ana ho'u au de nafofo'a fali au, fo au apadeik falik. Boema nafa'da nae,

LUKAS 22:32

Tehu Au hule-haladoi basa soaneu o so Simon, fo ela o namahe le ma boso kou-mosa. Ma metema o fali leo Au mai soona, o muse matetea-mahehele o tolanoo mala.”

LUKAS 22:43

Boema ata nusa so'dak esa mai de natetea-nahehelen.

HATAHOLI 18:23

Ana leo faik de'ubee neme ndia boema, ala la'o seluk de neu donge-dama hataholi salanik manai nusa Galatia no Frigia, fo natetea-nahehele hataholi kamahehelek sila la namahehele nala.

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

KOLOSE 1:11

Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,

SEMUEL SUSULAK-KA ESAN-NA 23:15

Leomae leondiak boe, Dauk bii-namata'u boe, nanahu Saul tutu'u basa, ana sanga taonisan. Faik esa boema, Dauk nai Hores, fo nai moo solokaek Zif-fa.