DANIAL 10:16 - Susula Malalaok Hehelu Palak Ma Hehelu Beuk

¹⁶ Basa boema, ata nusa so'da fo nalupa hataholi daebafak ndia, ana look liman-na mai, de ana koila'e au difadoong-nga. Boema au afa'dan ae, “Tuan, ninitak ndia tao-na au to'a-sota anseli, nalosa mopo makandondook au be'i-balakaing.

DANIAL 10:16 ပူးပေါင်းရင်းမြစ်များ

KELUARAN 4:10

Tehu Musa nae, “Ou, Manetualain, au hataholi esa, ta kokolak alelak fa, nau neme makahulun-na mai, do losa besak ia boe, lelek Manetualain kokolak basa no au. Au maang-nga balakaik-ka, de au kokolak ma'a-ma'a, te ta lai-lai fa.”

KELUARAN 4:13

Tehu Musa nataa nae, “Au dokodoe, fo boso madenu au, ou Manetualain, te madenu hataholi fe'ek.”

PENGKHOTBAH 1:18

Nana ita manatee-tenon-na boetai namaba'uk-ka soona, ita bibii-namata'un boeo, boetai namaba'uk-ka. Ma ita malelan-na boetai namaba'uk-ka soona, ita susan-na boeo, boetai namaba'uk-ka.

YESAYA 6:7

Ana fe ha'ikaa manafolokakaak ndia koi la'e au bafang-nga, boema nafa'da nae, “Ha'ikaa manafolokakaak ia, koi la'e o difadoom-ma so. Besak ia, o salam-ma nanalose henik, ma Manetualain fe do'o do ampon neu o sala-singom so.”

YEREMIA 1:9

Basa ndia boema Manetualain look liman-na mai, de nafaloe au bafang-nga, boema nafa'da nae, “Mamanene leona, fo po'a-benga dede'a-kokolak fo, Au afa'dak ia-la.

YESKIAL 1:26

Hapu hata esa nai dano ndia lain, lupan-na leo kandela manek fo nanataok neme batu poemata mai, ma hata esa lupan-na, sama leo hataholi daebafak-ka, nangatuuk nai lain.

YESKIAL 3:27

Mahani te, metema Au kokolak seluk o o, fo Au fe falik o be'i-balakaim, fo o hapu kokolak seluk soona, o muse manduku-malosak hata fo Au, Manetualain Fo Mademaina, afa'dan neu leoina ndia. Neukose, sila nggelok lamanene, tehu nggelok soona ta, nanahu memak sila, leoina malenalanga-masabasook.”

YESKIAL 33:22

Nai le'odaek fo hataholi ndia beita mai fa, au ame'da ita, Manetualain koasan-na so. Da'di, lelek hataholi ndia ana mai, te au bisa kokolak so, nana au ta da'di nggoak so'on.

DANIAL 12:8

Memak au amanene nafa'da basa dede'ak sila-la, tehu au ta alelak sosoa-ndandaan fa. Boema au atanen ae, “Tuan, tao leo bee fo basa ia-la late'e?”

DANIAL 4:19

Danial fo loken lae Beltsazar boe, namanene dede'ak ndia boema, ana nggenge ma ana dodoo doak-kana. Boema au fo Mane Nebukadnezar-ra, afa'dan ae, “Beltsazar, o dalem-ma boso susa nanahu me'is ndia sosoa-ndandaan.” Boema Beltsazar nataa nae, “Ama Manek, malolen-na seli, metema leouni'ka me'is ndia neuk manada'dik-kala, tuni la'e Ama Manek musun-nala, te ta la'e Ama Manek fa.

DANIAL 7:15

Au ita ninitak sila-la, leni napangamak ma ala tao-la au daleng-nga ta tesa-tama fa.

DANIAL 7:28

Hala nafafa'dak ia ba'u ka'da ndia. Au daleng-nga ta tesa-tama nanseli fa, nalosa au mata-panang fula, tehu au ta afa'da basa sila-la neu hataholi esa boen.

DANIAL 8:15

Lelek au bei sanga enok soaneu bubuluk ninitak ndia sosoa-ndandaan te, no kaiboik, au ita hata esa sama-na leo hataholi daebafak-ka, napadeik nai au matang-nga.

DANIAL 8:17

Boema Gabrial fo napadeik nai au matang-nga ndia, ana mai deka no au. Au bii anseli, nalosa au bala u. Gabrial nafa'da au nae, “Hai hataholi daebafak manasapu-manalalok-konei, o muse bubuluk te, ninitak ndia nde been-na la'eneu tepo-lelek mate'ek-ka.”

DANIAL 8:18

Lelek ana bei kola-kola te, au sapala'o. Tehu ana ho'u au de nafofo'a fali au, fo au apadeik falik. Boema nafa'da nae,

DANIAL 8:27

Basa boema, au ame'da au aong-nga male, boema au amahe'di faik de'ubee dalen-na. Basa ndia boema, au fo'a de au tao-no'i seluk au bela-ba'ung soaneu manek-ka. Tehu au hela-hae no dudu'a-dodoo ninitak sila-la, tehu au ta alak sosoa-ndandaan fa.

DANIAL 9:21

Lelek au bei hule-haladoi te, Gabrial fo au ita basan nai au ninita makahulung-nga dalek ndia, ana laa nasale leo au mai. Ndia te, nandaa no hataholi-la fain fo tunu-hotu tutunu-hohotu le'donoson-na.

LUKAS 1:64

Nai lelek ndia boe, Zakharia hapu kokolak seluk, boema ana koa-kio Manetualain.

LUKAS 21:15

Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

YOSUA 5:14

Hataholi ndia nataa nae, “Ta tia-laik, ma ta musu boen. Au mai leo ia mai, da'di leo Manetualain malanga solda'du matuainan.” Yosua namanene dede'ak ndia boema, no lai-laik, nakaluku-nakatele neu hataholi ndia. Yosua nae, “Au ia, Tuan atan. Hata fo au bisa taon soaneu Tuan?”

NINITAK 1:13

Nai banu eik sila la tala'da heon, hataholi esa napadeik fo meten soona, sama leo Ana Hataholi ka. Ana pake ba'du manalu fo nalu na losa ei na. Nai fana na Ana pake babaa fana lilopilas.

HAKIM-HAKIM 13:8

Manoah namanene dede'ak ndia boema, ana hule-haladoi neu Manetualain nae leo ia: “Manetualain, sa'di leo been-na madenu seluk O atam ndia, ana mai leo ami mai, fo nafa'da hata fo ami muse taon soaneu ni'iana ndia, nai lelek bongi basan.”

HAKIM-HAKIM 6:13

Boema Gideon nataa nae, “Ampon tuan! Metema tete'ek-ka, Manetualain no ami soona, tao le'e de, basa dede'ak ia-la tuni la'e ami? Basa manada'di beuk fo makahulun-na Manetualain tao hai-ka, nai bee, ma hata fo ami bei-ba'i kaim-mala tuin la'eneu, tao leo beek, de Manetualain kalua heni sila leme Masir mai? Besak ia, Manetualain la'oela ami so, de Ana po'ilotak hataholi Midian-nala, koasa ami.”

HAKIM-HAKIM 6:15

Gideon nataa nae, “Manetualain, tao le'e de, au? Masa bole, au soi-po'i hataholi Israel-la leme hataholi Midian-nala koasan-na mai. Nai leo Manasye dalek, au leo-ingug-nga nde tapandoe nanseli-a. Ma nai au teidaleng-nga dalek boeo, au nde sosoa-ndandaa tak nanseli.”