DANIAL 10:1 - Susula Malalaok Hehelu Palak Ma Hehelu Beuk

¹ Mane Koresh paleta Persia neu teu ka telun-na boema, hala heheluk esa nananafa'dak neu Danial fo nasi'a loken lae Beltsazar boe. Hala heheluk ndia tete'ek-ka, tehu tean-na seli soaneu lalelak sosoa-ndandaan. Lelek Danial sanga enok fo nalelak sosoa-ndandaan boema, ana sipo hala nafa'da mangale'dok esa la'eneu hala heheluk ndia sosoa-ndandaan nai ninitak esa dalek.

DANIAL 10:1 ပူးပေါင်းရင်းမြစ်များ

KEJADIAN 41:32

Au Ama Manek me'i ndia ana da'di la'i dua, de ndia sosoan-na nae dede'ak ndia nana naketu basak neme Manetualain mai so ma nae neukose Manetualain nakalala'o kana no lai-laik.

2TAWARIKH 36:22

Nai Kores fo manek Persia paleta neu teu makasososan-na, Manetualain nakalala'ok hata fo nafa'da basan tunga Nabi Yeremia. Manetualain nakababale Kores dalen-na soaneu ana kalua paleta esa fo nanalees nai basa nusak-ka lala'en-na. Liin-na nae leo ia:

EZRA 3:7

Laun-na fe doik fo bae tuka batu ma tuka ai-la ngga'din-na. Boeo ala haitua nana'a-nininuk, ma mina zetun leo kota-kota manai Tirus ma Sidon neu, fo ala tuka neu ai kaiou Libanon neme kota-kota sila-la mai. Leni ai sila-la leo Yafo, tunga tasi lai. Nanahu Kores, fo mane Persia nde fe laun-na loak, soaneu tao basa sila-la.

EZRA 4:3

Tehu Zerubabel, Yesua, ma basa mane leo sila-la lataa lae, “Ami ta paluu emi tutulu-fafalim, fo besak-ka, ami mafofo'a fe ami Manetualain uma fa. Nemen-na fo ami mesam-ma mafofo'an, fo nandaa no Kores, fo mane Persia paletan neu ami-a.”

EZRA 4:5

Ala solo manapaleta Persia nenik doik, fo ela hataholi Yahudi-la dale tutu'un ndia, boso da'di. Dede'ak ndia, ana da'di nahele, neme lelek Mane Kores-sa ana paleta, losa Mane Darius-sa paleta.

EZRA 6:14

Nabi Hagai, ma nabi Zakharia fali basa mauli-malanga Yahudi-la, de ala tao lakandoo Manetualain Uman ndia. No lai-laik, ala tao lakababasak uma ndia, nandaa no paleta neme Israel Manetualain-na mai, ma Kores paletan-na, Darius ma Artahsasta, fo mane Persia sila-la.

EZRA 6:3

“Nai Mane Kores-sa, ana paleta teu makasososan-na boema, ana kalua paleta, fo ela Manetualain Uman manai Yerusalem-ma, nafofo'a falik-kana, fo da'di leo mamanak fo hataholi-la leni tunu-hotuk ma tunu tutunu-hohotuk. Uma ndia dedeman-na, muse metel duahulu hitu, ma loloan-na metel duahulu hitu boe.

YESAYA 44:28

Au nde afa'da neu Kores ae, ‘Neukose o nde paleta soaneu Au, ma tao-no'i basa Au hihii-nanaung lala'en-na. Fe paleta leona, fo ela nafofo'a seluk Yerusalem, ma tao Manetualain Uman-na neten-na.’ ”

DANIAL 1:17

Manetualain fe touana muli-solu ka haak sila-la manatee-tenok ma malelak matuaina nai nanoli mademaina-la dalek. Fe'ek neme ndia mai, Ana fe Danial malelak boe, fo nafa'da mangalele'do ninitak ma me'is-sala sosoa-ndandaan.

DANIAL 1:21

Danial nakalala'ok bela-ba'un nahele nai uma manek-ka, losa Mane Koresh neme Persia mai, ana paleta Babel.

DANIAL 1:7

Malanga uma manek-ka nggati heni na'den-nala da'di: Beltsazar, Sadrakh, Mesakh, ma Abednego.

DANIAL 10:14

Au mai fo fe o malelak hata fo mahani te, neukose ana da'di neu o leoinam-ma. Ninitak ia la'eneu fai manamaik-ka.”

DANIAL 11:2

Ma hata fo neukose au afa'dan neu o ndia tete'ek-ka.” Ata nusa so'dak ndia nafa'da nae, “Neukose mane fe'ek 3, ala paleta Persia, fo mane ka 4, tunga, manek ndia su'i-beten lena heni mane fe'ek-kala. Neu paletan ma koasan-na mate'e na, neukose nakasusu'di be'i-balakaik no nusa Yunani-a.

DANIAL 12:4

Boema ata nusa so'dak ndia nafa'da seluk au nae, “Danial, tatana susulak ndia besak ia leona, ma tao segel neun, fo ela nanatatanak nahele losa tepo-lelek mate'ek-ka. Neukose hataholi ba'u ala so'ba palisak matalolole hata fo ana da'di. Tehu sosoa-ndandaan ta.”

DANIAL 12:9

Boema nata nae, “Besak ia, muu leon Danial, nana dede'ak ia-la muse nananafunik ma nanabibila-babaak losa tepo-lelek mate'ek-ka.

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

DANIAL 4:8

Mate'en-na, Danial fo loken lae Beltsazar boe, fo na'den-na sama leo au lamatua daebafang-nga na'den-na ndia, ana mai. Danial dalen-na henuk no lamatua daebafak malalao-malalafuk-kala duladalen-na. Au tuin au me'ing ndia boe ae,

DANIAL 5:12

Hataholi ndia malelan-na seli, ma manatee-tenok, ma malelak nai nafa'da mangalele'do me'is-sa, nafa'da mangalele'do bibila-babaan ma naketu-nala'di nalelak dede'a mateaina-la. Na'de Danial, tahu manek-ka foin na'de Beltsazar. Maloon, te neukose nafa'da Ama Manek susula liik ia sosoa-ndandaan.”

DANIAL 5:17

Boema Danial nataa nae, “Ama Manek ta paluu fe au bua palsen sila-la fa, fen leo hataholi fe'ek neu. Neukose au lees fe Ama Manek susula liik ndia, ma au afa'da sosoa-ndandaan.

DANIAL 6:28

Ana soi-tefa ma Ana soi-po'i, Ana tao manada'di beuk ma dede'a matabeuk nau nai lalai do nai daebafak-ka boe. Ana soi-tefa-na Danial neme singa-la bafan-na mai so.”

DANIAL 8:16

Au amanene halak-ka naloo bou-bou nai Lee Ulai selik nae, “Gabrial, Mafa'da mangalele'do fen, ninitan ndia.”

DANIAL 8:26

Ninitak la'eneu tutunu-hohotu le'donosok ma fafaik fo nananafa'da mangalele'do basak neu o ndia, tete'ek-ka neukose ana da'di. Tehu basa sila-la, neukose ala da'di nai fai manamaik-ka fo bei dook-ka; da'di boso tui hataholi esa boen.”

LUKAS 1:20

Hata fo au afa'dan, neukose ana da'di neu fai na. Tehu hu ka nde o ta nau mamahele fa de, mahani te o ta hapu kokolak fa. Neukose o da'di hala tak losa hata fo au afa'dan ia, ana da'di.”

NINITAK 19:9

Boema ata nusa so'dak ndia nafa'da au nae, “Sulak-ma dede'ak ia la leona: ‘Maua-manalek neu hataholi, fo nanakaik leo Bi'ilopo Ana ndia feta ka'bi nga neu.’ ” Basa boema ata nusa so'dak ndia kokolak selu kana nae, “Ia nde hala tete'ek neme Manetualain mai.”