DANIAL 1:19 - Susula Malalaok Hehelu Palak Ma Hehelu Beuk

¹⁹ Manek-ka natane fo lataa, boema ana hapu Danial, Hananya, Misael ma Azarya malelan-nala lena heni basa fe'ek sila-la nai malelak lala'en-na dalek. Boema ala mulai ho'u tatao-nono'in-nala nai uma manek dale.

DANIAL 1:19 ပူးပေါင်းရင်းမြစ်များ

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

AMSAL 22:29

O mita hai, hataholi malelak-ka tao ue-le'din so do beik? Neukose, ala fe hataholi ndia, naue-nale'di nai manek-kala uma manen-na, te ta nai hataholi laun-na uman fa.

YEREMIA 15:19

Manetualain nataa nae, “Metema o fali ma'im-ma soona, neukose Au sipok o. Neukose o da'di Au atang seluk bai. Metema o tui-benga dede'a-dede'ak fo masosoa-ndandaak, te ta kokolak bafa louk fa soona, o bole da'di Au nabing seluk ai. Neukose hataholi mai seluk leu o-a mai bai, te ta palu o mu leo sila fa.

DANIAL 1:18

Ala sakola basa teuk 3, fo tunga manek-ka nakeketun ndia boema, Aspenas no basa touana muli-soluk sila-la leu lataa Mane Nebukadnezar-ra.

DANIAL 1:4

Touana muli-soluk sila-la, muse sala-singo tak-kala. Aon-nala muse makadelek, sakolan-nala matua, malelak ma lalelak dede'ak ba'u, boema ala tunga paleta fo lanea nai uma manek-ka. Aspenas muse nanolis, fo ala lees ma sulak lalelak dede'a Babel.

DANIAL 1:5

Manek-ka boeo naketu nae, sila nana'a-nininun-nala, muse sama no manek-ka uma isin-nala nana'a-nininun. Ana sakola basas teuk 3 soona, muse leu leo manek-ka leu, fo lanea nai uma manek-ka.

DANIAL 1:6

Danial, Hananya, Misael ma Azarya, leme leo Yehuda mai, lai touana muli-soluk sila dalek boe.

DANIAL 1:7

Malanga uma manek-ka nggati heni na'den-nala da'di: Beltsazar, Sadrakh, Mesakh, ma Abednego.

DANIAL 2:13

Boema ala po'a-benga paleta ndia, fo ala sanga basa hataholi malelaina-la fo taolisas, de Danial no nonoon-nala lai hataholi malelaina sila dalek boe.

DANIAL 3:29

Hu ndia de, au paleta fo basa hataholi maneme leoina, leo do dede'ak beek boe, fo ana kokolak nakadadaek Manetualain fo Sadrakh, Mesakh ma Abednego sene-do'ok-ka soona, neukose tete'te-nan lutu-lutu ma tao natu'u uman-na fo taon da'di ai batu madodouk. Nana ta hapu lamatua daebafak bee boe, ana bisa tao hata fo Manetualain ndia tao basak-ka so.”