DANIAL 1:17 - Susula Malalaok Hehelu Palak Ma Hehelu Beuk

¹⁷ Manetualain fe touana muli-solu ka haak sila-la manatee-tenok ma malelak matuaina nai nanoli mademaina-la dalek. Fe'ek neme ndia mai, Ana fe Danial malelak boe, fo nafa'da mangalele'do ninitak ma me'is-sala sosoa-ndandaan.

DANIAL 1:17 ပူးပေါင်းရင်းမြစ်များ

1RAJA-RAJA 3:12

de o nonokem ndia, neukose Au tao atetun. Neukose Au tao a o da'di manatee-tenok ma manatee-tenok lena neme su'di see mai boe, nau nai fai maneu kala do nai fai manamaik-kala.

1RAJA-RAJA 3:28

Lelek leoina Israel-la lamanene la'eneu Salomo nakeketun nai dede'ak ndia dalek, boema lasamanan ma ala fe ha'da-holomatak neun. Nana, nananitak nae Manetualain fe basan manatee-tenok soaneu tao ndoos ma matetuk.

2TAWARIKH 1:10

Hu ndia de, ela leo bee na fe au manatee tenok ma malelak fo au paluun soaneu hela-noles. Metema ta leondiak fa soona, tao leo bee fo au hapu paleta O ana makadotom ia la?”

2TAWARIKH 1:12

Hu ndia de, neukose Au fe o manatee tenok ma malelak. Fe'ek neme ndia mai, neukose Au tao o da'di manatetutemak lena, kamasu'i-makabetek lena nananita-nalelak lena neme su'di manek bee mai boe, nau tepo-lelek maneuk-ka do nai tepo-lelek manamaik-ka.”

2TAWARIKH 26:5

Manamanoli-mafa'da anan-nala so'on-na nde Zakharia. Nai lelek Zakharia bei naso'da, Uzia sene-do'ok neu Manetualain no lilinekak, nalosa Manetualain ba'e-palan.

AYUB 32:8

Tehu, manafe manatee-tenok-ka neu hataholi daebafak-ka, nde ka'da Manetualain Fo Manakoasa, Duladalen-na.

AMSAL 2:6

Manetualain nde manafe manatee-tenok-ka; hataholi daebafak-ka hapu malelak ma dudu'a-aafi manadaik neme Ndia mai.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

YESAYA 28:26

Ana foi-fala nalelak-kana, nana ndia Manetualain-na, nanoli basan so.

YESKIAL 28:3

O maedaenga, o malelam-ma lena heni Danel, nalosa o bubuluk basa dede'a nananafunik lala'en-na.

DANIAL 1:18

Ala sakola basa teuk 3, fo tunga manek-ka nakeketun ndia boema, Aspenas no basa touana muli-soluk sila-la leu lataa Mane Nebukadnezar-ra.

DANIAL 1:20

Metema manek-ka nafa'da dede'ak esa, fo dede'ak ndia paluu lafa'da mangalele'don ma tai-dodook soona, ana bubuluk touana muli-solu ka haak sila-la kokoe-nanasin ma hahapun-nala malole lena la'i 10 neme basa hataholi mananeuk nalelak manda'dik manamaik-kala, boema dukun manai ndia nusan-na lala'en-na, nanoli-nafa'dan ma hahapun-nala.

DANIAL 1:4

Touana muli-soluk sila-la, muse sala-singo tak-kala. Aon-nala muse makadelek, sakolan-nala matua, malelak ma lalelak dede'ak ba'u, boema ala tunga paleta fo lanea nai uma manek-ka. Aspenas muse nanolis, fo ala lees ma sulak lalelak dede'a Babel.

DANIAL 10:1

Mane Koresh paleta Persia neu teu ka telun-na boema, hala heheluk esa nananafa'dak neu Danial fo nasi'a loken lae Beltsazar boe. Hala heheluk ndia tete'ek-ka, tehu tean-na seli soaneu lalelak sosoa-ndandaan. Lelek Danial sanga enok fo nalelak sosoa-ndandaan boema, ana sipo hala nafa'da mangale'dok esa la'eneu hala heheluk ndia sosoa-ndandaan nai ninitak esa dalek.

DANIAL 2:19

Nai le'odaek ndia boe, Manetualain nafa'da Danial, me'is ndia bibila-babaan nai ninitak esa dalek. Boema Danial koa-kio Manetualain nai nusa so'dak-ka,

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

DANIAL 2:23

Ou, Manetualain fo au be'i-ba'i kaing sene-do'ok-ka. O nde au koa-kio ma amatutua-amadedemak-ka. Nana O fe au manatee-tenok ma be'i-balakaik. O sipok ami dokodoem-ma. Ma O matu'du basa natataak soaneu manek-ka so.”

DANIAL 2:30

Nafa'da basa atam-ma, bibila-babaak babaak ia so, ta hu kande atam-ma malelan-na lena heni su'di see fa, tehu fo ela Ama Manek hapu bubuluk Ama Manek me'in ndia sosoa-ndandaan, ma boeo malelak la'eneu Ama Manek dale bobongoanan-na.

DANIAL 4:6

Boema au aloo basa hataholi malelak manai Babel-la fo lafa'da mangalele'do fe au me'is ndia sosoa-ndandaan.

DANIAL 5:14

Au amanene lae, o henuk no lamatua daebafak malalao-malalafuk-kala duladalen-na, ma lae o dodole da'uk, ma malelaina nanseli.

DANIAL 7:1

Le'odaek esa fo nai teu makasososan-na, lelek Belsyazar da'di manek nai Babel, au, Danial alame'i ma hapu ninitak. Au sulak-ka me'is ndia ma hala nafafa'dak la'eneu au ninitang ndia nde ia: Anin-na nasak-ka neme basa bu'uk lala'en-na mai, nalosa ani sangu da'di nai tasi maloaina.

DANIAL 8:1

Mane Belsyazar-ra paleta neu teu ka telun-na boema, au hapu ninita ka dua.

BILANGAN 12:6

boema Manetualain nae, “Mamanene Au dede'a-kokolang ia-la! Metema nai emi dalek, hapu nabi esa soona, Au atu'du Au aoinang-nga neun, nai ninitak-kala dalek, ma Au kokolak on nai me'is dale.

LUKAS 21:15

Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.

HATAHOLI 6:10

Tehu ala ta hapu se'i la Stefanus dede'a-kokolan fa, nana Manetualain Dula Dale na fen dudu'a-aafi manatee tenok, fo ana kokolak.

HATAHOLI 7:10

de ana soi nan neme basa toto'a-tatan dalek mai. Manetualain ba'e fen dale malole, ma ndolu malelak nai lelek neu nataa mane Masi ra fo Firon, nalosa ana so'un da'di Gobelnol nai nusa Masi ra, ma ana paleta koasa mane Firo na uma mane na.

HATAHOLI 7:22

Basa leoina Masi ra malela nala lanoli la'iesa kasa neu Musa, de nalosa Musa da'di hataholi mana koasa matuaina nai hala-kokolan ma tatao-nono'i na dalek.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.