BILANGAN 9:19 - Susula Malalaok Hehelu Palak Ma Hehelu Beuk

¹⁹ Metema ko'as ndia dook-ka nai Lalaa Temak ndia lain soona, hataholi Israel-la tunga Manetualain nakaneneten-nala, de ala ta la'o leme mamanak ndia mai fa.

BILANGAN 9:19 ပူးပေါင်းရင်းမြစ်များ

KELUARAN 40:37

Tehu metema ko'as ndia ta kae fa soona, ala ta la'o leme ndia mai fa.

IMAMAT 8:35

Nai faik hitu dalen-na, lele'do-le'odaen, emi muse mahele nai Lalaa Temak-ka lelesun-na bafan-na, fo tao hata fo Manetualain paletan. Metema, emi ta tao tunga fan soona, neukose mate emi. Dede'ak ndia, nde Manetualain paletan neu au.”

ZAKHARIA 3:7

“Metema o tao tunga Au hoholo-lalaneng, ma o makalala'ok Au fe o bela-ba'uk-ka, soona o bole da'di mauli-malangan nakandondoo henin, nai Au Umang dale, ma o ito-ato uma so'dan-na. Neukose Ao amanene o hule-haladoim-mala, sama leo Au amanene basa ata nusa so'dak manadeka loo Au-a, huhule-haladoin-nala.

BILANGAN 9:18

No Manetualain paletan-na, de leoina Israel ndia ofe heni lalaa ofun-na, ma no Manetualain paletan-na boe, lapadedeik falik-kana. Lelek ko'as ndia bei nai Manetualain Lalaa Teman lain soona, ala leo lahele leme mamanak ndia.

BILANGAN 9:20

Tehu nasi'a ko'as ndia nai Lalaa Temak ndia lain ka'da faik de'ubee mesan. Leomae leobeek boe, Manetualain paletan-na nde naketu, ala leo lahele nai mamanak esa, do ala la'o.