BILANGAN 9:14 - Susula Malalaok Hehelu Palak Ma Hehelu Beuk

¹⁴ Metema nai emi dalek, hapu hataholi nusa dea esa ana nau tunga feta Paskah soona, muse ana tunga basa nakanenetek ma nakeketuk-kala. Nakeketuk sila-la, la'e basa hataholi lala'en-na, nau hataholi Israel, do hataholi nusa dea boe.”

BILANGAN 9:14 ပူးပေါင်းရင်းမြစ်များ

EZRA 6:21

Basa hataholi Israel fo manafali ma'is leme mamana tu'u-tapak mai-a, la'a tutunu-hohotuk sila-la, ma nusak ndia laun fo, manatukatei-saledale basak-kala, ala mai, fo ala sene-do'ok neu Amak, fo Israel Manetualain-na.

KELUARAN 12:43

Manetualain nafa'da Musa ma Harun nae, “Ito-ato feta Paskah nde ia. Hataholi nusa dea-la, ta bole la'a paa bi'ilopo, fo nana tunu-hotuk nai fai Paskah fa.

KELUARAN 12:47

Basa hataholi Israel-la lala'en-na, muse tunga feta ndia.

IMAMAT 19:10

Metema, emi seu basa angol-la boa makasososan-na soona, boso fali seluk fo meu seu angol nanaseu ela-kala. Boeo, boso hele angol boak manakonok-kala. Ela sila-la soaneu hataholi nuu-taa hata-taak-ka, ma hataholi nusa dea-la. Au nde emi Manetualain.

IMAMAT 22:25

Bana-manu fo hapun neme hataholi nusa dea mai, ta bole tunu-hotun soaneu tutunu-hohotu nana'ak-ka fa. Bole tafa'da tae bana ndia, bana lu'u-la'ak, de ta nanasipok fa.

IMAMAT 24:22

Pake hoholo-lalanek ndia soaneu emi basa-basam-mala, ma soaneu hataholi nusa dea manaleo lahele nai emi tala'da boe, nanahu, Au nde emi Amam Manetualaim-ma.”

IMAMAT 25:15

Dae ndia belin-na muse nananaketuk tunga teu-ka dede'un-na, nai lelek dae ndia fe buna-boak losa Teuk Fe Falik manamaik-ka.

BILANGAN 15:15

Basa hoholo-lalanek ma nakanenetek-kala nde been-na, sama soaneu emi ma hataholi nusa dea, fo manaleo nai emi nusam dale-a, nana emi ma sila nde been-na sama, nai Manetualain mata memeten-na. De dede'ak ndia, nanapakek losa dodoon-na.

ULANGAN 29:11

inak-kala, ni'iana-la, ma basa hataholi nusa dea fo, manaleo manai emi nusam dale-a, boema hataholi manahila ai, ma manalepa oe fali emi-a.

ULANGAN 31:12

Madenu basa touk-kala, inak-kala, ma ni'iana-la, boema hataholi nusa dea fo, manaleo manai emi kotam-mala, lakabubua fo lamanene lelees ndia, fo ela ala lanoli fe ha'da-holomata neu emi Manetualain-ma, ma ala tunga paletan-nala, no lilinekak.