BILANGAN 8:21 - Susula Malalaok Hehelu Palak Ma Hehelu Beuk

²¹ Hataholi Lewi sila-la, ala tao feta tao nalalao-nalalafu aoinak-ka, ma ala safe bua papaken-nala, boema Harun fes leo Manetualain neu, da'di leo tunu-hotu hehelik. Boeo, ana tao fes feta, fo tao nalalao-nalalafu aoinan-nala.

BILANGAN 8:21 ပူးပေါင်းရင်းမြစ်များ

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

IMAMAT 14:11

Boema, imam-ma muse noon sama-sama no tutunu-hohotun sila-la leo Manetualain Lalaa Teman-na lelesun-na, bafan-na neu.

BILANGAN 19:12

Neu faik-ka telun-na ma faik-ka hitun-na soona, ana muse tao nalalao-nalalafu aoina nenik oe feta; soona besak-ka balisi. Tehu metema, neu faik-ka telun-na, ma faik-ka hitun-na, ana ta tao balisi aoinan-na fa soona, nanggenggeo nahele.

BILANGAN 19:19

Ana muse pisin nai faik-ka telun-na, ma faik-ka hitun-na. Neu faik-ka hitun-na soona, basa feta tao nalalao-nalalafu hataholi manggenggeok ndia. Hataholi ndia, muse safe bua papaken-na, ma nadiu oe. Lelek le'do mulai tenak soona, ana da'di balisi.

BILANGAN 3:12

“Besak ia, Au hele hataholi Lewi-la da'di Au nuung so. Lelek Au taoisa la'iesak leoina Masir-ra anatou ulun-nala, Au hele hehelik ba'eneu Au, basa hataholi Israel-la anatou ulun-nala, ma basa sila bana-manun-nala ana makasososan-nala. Au nuung basa sila lala'en-na. Da'di leo hataholi Israel-la anatou ulun-nala ngganggatin-na, Au ho'i-a hataholi Lewi-la soaneu Au; neukose ala da'di Au nuung. Au nde Manetualain.”

BILANGAN 8:15

O tao basa feta fo fe hataholi Lewi sila-la leo Au mai soona, besak-ka lanuu haak soaneu lalalau-laoono nai Au Lalaa Temang dale.

BILANGAN 8:20

Hu ndia de Musa, Harun ma hataholi Israel-la lala'en-na, ala fe hataholi Lewi-la leo Manetualain neu, sama leo Manetualain paletan neu Musa.

BILANGAN 8:22

Hataholi Israel-la, tao basa hata lala'en fo Manetualain paletan neu Musa, la'eneu hataholi Lewi-la. No enok ndia, hataholi Lewi-la hapu haak soaneu lalalau-laoono nai Manetualain Lalaa Teman dale, fo Harun no anan-nala nde lauli-lalangas-sala.

BILANGAN 8:7

nenik eno-dalak ia: pisis nenik oe fo paken soaneu tao nalalao-nalalafu aoinak-ka, ma madenus fo ala nggeuheni basa buluk manai aoinan-nala lala'en-na, ma ala safe bua-papaken-nala. No enok ndia, fo ala da'di balisi.